شيفورليه أوبترا (أسهل سيارة تتسرق)

تجربتي مع السيارة شيفورليه أوبترا:

يوم الأربع الماضي سافرت للأسكندرية ونزلت عند أحد أقاربي وركنت السيارة (الشيفورليه أوبترا 2010) وقفلت السنتر وسوجرت الطارة وكله تمام التمام وطلعت أنام.
وبعد حوالي 4 ساعات نزلت وأذا بالعربية مش موجودة (يانهار أسود).
زي أي حد جريت على القسم عملت محضر وبلغت النجدة وكل ما يلزم من أجراءات قانونية.
المهم ده كله ما فادنيش بحاجة.
وبعد الفطار لقيت واحد بيتصل بيا (لأن علبة الكروت بتاعتي كانت في العربية) وبيقولي هات 35000جم وخد عربيتك.
وبعد مفاوضات وصلت ل 15000جم وغصب عني دفعتهم والحمد لله أخدت عربيتي (متنفضة) مفيش أستبن - مفيش كاسيت - مفيش كوريك - مفيش كونتاكت - مفيش - مفيش - مفيش ........
وده طبعا بعد فيلم هندي شوفته في التعامل مع عصابه تحت تهديد السلاح (الحمد لله أنهم ماقتلونيش).
وهنا المفاجأة!!!!!!!!!!!!!
العربية مش مكسور أزازها أو فيها أي علامات عنف.
جريت على التوكيل وسألت أزاي العربية أتفتحت؟؟؟؟
وأزاي الأنزار ما ضربش؟؟؟؟
وأزاي الطارة أتفكت؟؟؟؟
وأزاي العربية دارت؟؟؟؟
وأذا بالباشا في التوكيل بيقولي :
((( العربية مافيهاش أي وسائل أمان ضد السرقة و بتتفتح بأي مفك رفيع وبتدور بنفس المفك وده كل غير سهولة تعطيل الأنذار )))
من الأخر أسهل من ال 128 في سرقتها.
وألي ينرفزك أن الباشا (م/ محمد هاشم) مدير الأستقبال قالي بالحرف :
لو عاوز ترفع قضية ياباشا أرفع أحنا لينا المحامين بتوعنا.
مش بخوفكم (بس نصيحة مني محدش يفكر يضيع فلوسه في عربية يحزن عليها بعد 5 دقايق).
وحسبي الله ونعم الوكيل في منصور وألي يجي منه.
وألي حابب يستفسر أكتر ت/ 01221346937
وياريت من الأعضاء ألي يقدر يساعدني أني أتواصل مع المتضررين زيي عشان نجمع جروب نقدر نطلب حقنا

هو حضرتك عضو قديم وعامل عضوية جديدة للموضوع ده ولا لسة مسجل جديد؟؟

الاوبترا الخليجي فيها امموبيلايزر...
ت

Sent from my Xperia Arc S using Forum Runner

هو يا فندم مش مكتوب في مواصفاتها اللي حضرتك اشتريت علي أساسها ان في انذار زيها زي كتير من العربيات و لذلك مفيش خداع من التوكيل و علي حضرتك انك تأمنها بعد كده عن طريق تركيب جهاز انذار محترم فيه فصل كتاوت مثلا او به gps حسب ما تراه مناسب و ممكن تغير الكوالين و تركب عصا الدركسيون و حتي كلبش العجل في ظل انتشار السرقه بالطريقه الرهيبه دي. الخلاصه ان التوكيل لم يدعي وجود وسائل تأمين في العربيه علي الورق و غير موجوده في الواقع و لكنه بيقولك ان أبيع السلعه دي بكذا بتعمل كذا و مفيش غش و لا تدليس أما بالنسبه لأسلوب الكلام و الردود بتاعه المسئول في التوكيل فهو اكيد غير مقبول و ما ينفعش يقول تتفتح بمفتاح رفيع و لا عندنا المحامين بتوعنا لان ده لا يصح و انصح حضرتك تعمل شكوي فيه بكل التفاصيل لانه كده بيعمل دعايه سيئه للموديل و الماركه كلها و بيعطي انطباع ان اللي بيشتريها بيكون أتنصب عليه

ربنا يعوض عليك في الفلوس اللي خسرتها و في الحاجات اللي اتسرقت منها و ربنا يسترها علينا جميعا لأن موضوع سهوله سرقه الاوبترا اتطرح كتير و الكل اجمع عليه فعلا

ممكن حضرتك تشوف جهاز حمايه المستهلك أو كده .. عموماً ربنا يعوض عليك إللى راح .. فداك 100 عربيه بس الحمد لله إنك بخير :)

حسبنا الله ونعم الوكيل وربنا يسترها معانا ومعاك انا سمعت ان في منصور تركيب مفتاح فصل وممكن يركبولك جهاز فصل كهربا وبنزين وبنفس ريموت العربيه

لا اله الا الله ربننا يعوض عليك ما دفعته
والحمد لله انك رجعت بالعربيه وبيتك سليم
والله ما عارف الناس دي مالها مش بتحس مثلا
يعني انا مثلا اتسرقت عربيتي كورولا من 2008 ومجتش واستعوضا ربنا واشتريت الاوبترا لسه من اسبوع ببص عليها من الشباك لقيت 2 بموتسيكل واحد راكب والتاني بيحاول يفتحها اتصلت بالغفير ونزلت جري طلع الغفير والسيكيورتي بتاع البنك الي راكن قدامه طلعوا عليه فجريوا !!!!!!!!!!!!!!!! مع اني مكلبشها و ركنها في شارع عمومي قدام بنك وعليه كميرات مراقبه من ضمنهم واحده علي العربيه علشان قدام باب البنك وبعد الفجر وفي رمضان
حسبي الله ونعم الوكيل والله

حفترض حسن النيه وان الغرض مش تشهير فقط

للاسف طبعا من عيوب الاوبترا انها مفيهاش ايمولايزر

الانذار ممكن تركيبه

لاكن علي الرغم من هذا عربيات كتييييييييييييير جدا فيها كل ده وبتتسرق برضك

والاويترا مش الاسهل فيهم .

ربنا يعوضك خير

للاسف الاوبترا و الاكتافيا بيتسرقوا كتير في الاسكندريه زي ما عندنا في القاهره السيراتو و الالنترا الجديده
طريقه المفك دي بيفسخوا فيها الباب حبه صغيرين غشان يرفعوا السقاطه و طبيعي ان عربيه من غير ايميبوليزر ممكن تتدور بسلكتين للأسف
هي معظم العربيات في مصر سهله السرقه مع وجود لصوص مدربين الحل لازم مفتاح السري لفصل الكتاوت او طلرمبه البنزين

مستغرب من موقف الوكلاء
يعني الايمبلويزر هايقف عليه بكام علشان ينضف العربيه من وسيله امان
زي الايمبلويزر ممكن الحرامي يفكر اكتر من مره قبل ما يحاول يسرق عربيه عارف انها
مش ها تدور غير بمفتاحها الاصلي
الاسبرانزا الصيني فيها ايمبلويزر ويستحيل تدور بدون مفتاحها الاصلي

اقتباس:

---

المشاركة الأصلية كتبت بواسطة hpxp

لا اله الا الله ربننا يعوض عليك ما دفعته
والحمد لله انك رجعت بالعربيه وبيتك سليم
والله ما عارف الناس دي مالها مش بتحس مثلا
يعني انا مثلا اتسرقت عربيتي كورولا من 2008 ومجتش واستعوضا ربنا واشتريت الاوبترا لسه من اسبوع ببص عليها من الشباك لقيت 2 بموتسيكل واحد راكب والتاني بيحاول يفتحها اتصلت بالغفير ونزلت جري طلع الغفير والسيكيورتي بتاع البنك الي راكن قدامه طلعوا عليه فجريوا !!!!!!!!!!!!!!!! مع اني مكلبشها و ركنها في شارع عمومي قدام بنك وعليه كميرات مراقبه من ضمنهم واحده علي العربيه علشان قدام باب البنك وبعد الفجر وفي رمضان
حسبي الله ونعم الوكيل والله

---

معلش استفسار صغير هوا حضرتك الكرولا موديل 2008 دى مكانش فيها ايموبلايزر ولا اتسرقف وكان فيها ايموبليزر

اصلها تفرق جداااااااا

الموضوع دة خطييييييييييييييييييير جدا في الاوبترا اشكركم انا كنت بفكر اجيبها وبدور على واحدة كويسة يلا الحمد للله وربنا يعوض عليه خير بس على فكرة انا اعرف ان في عربيات كتييييير بتتسرق يعنى واحد صاحبى كان معاه الانترا 2012 واتسرقت منه في اسكندرية ودفع 20 الف بالعافية وجابها

اقتباس:

---

المشاركة الأصلية كتبت بواسطة mhdeeb

الموضوع دة خطييييييييييييييييييير جدا في الاوبترا اشكركم انا كنت بفكر اجيبها وبدور على واحدة كويسة يلا الحمد للله وربنا يعوض عليه خير بس على فكرة انا اعرف ان في عربيات كتييييير بتتسرق يعنى واحد صاحبى كان معاه الانترا 2012 واتسرقت منه في اسكندرية ودفع 20 الف بالعافية وجابها

---

طيب ياجماعه الالنترا مش فيها ايموبلايزر واهو الراجل اهو بيقول ان واحد صاحبه كان معاه الانترا 2012 واتسرقت منه في اسكندرية ودفع 20 الف بالعافية وجابها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

اقتباس:

---

المشاركة الأصلية كتبت بواسطة mhdeeb

الموضوع دة خطييييييييييييييييييير جدا في الاوبترا اشكركم انا كنت بفكر اجيبها وبدور على واحدة كويسة يلا الحمد للله وربنا يعوض عليه خير بس على فكرة انا اعرف ان في عربيات كتييييير بتتسرق يعنى واحد صاحبى كان معاه الانترا 2012 واتسرقت منه في اسكندرية ودفع 20 الف بالعافية وجابها

---

يا فندم
لو حرامي حط في دماغه انه يسرق عربيه بعينها حيسرقها

كل الفكره اننا بنحاول نصعبها عليه وقال ايه نخليه يياس ويروح لعربيه اسهل

مفتاح الفصل حل مناسب جدا وعملي

انسب حل مفتاح فصل كهرباء على طرمبة البنزين ................ وربنا يستر

سؤال مهم جدااااااااااااااااااااا؟؟

فى حد عرف شخص اتسرقت عربيته وكان فيها ايموبليزر؟؟؟؟؟؟؟؟

اقتباس:

---

المشاركة الأصلية كتبت بواسطة M.ABDOU

سؤال مهم جدااااااااااااااااااااا؟؟

فى حد عرف شخص اتسرقت عربيته وكان فيها ايموبليزر؟؟؟؟؟؟؟؟

---

سؤال وجيه

بس

هيه ايه العربيات اللي متسرقتش

:pass:

اللي مبيتسرقش من تحت البيت بيتسرق بالثبيت في الطريق

ربنا يستر ويسلم سكتنا

ربنا يعوضك عن الفلوس اللى دفعتها وبالفعل انا الاوبترا سهلة جدا فى السرقة لان لسة من شهر عربية اتسرقت من تحت العمارةفى منطقة طوسون بالاسكندرية بتاعت واحد من الجيران وجبها من العامرية ودفع ايضا 15 الف جنية المشكلة بقى ان لازم كل صاحب عربية يعمل احتياطاتة ازاى بقى اولا ركب كلبش الدريكسيون وركب جهاز انذار وركب مفتاح فصل الكهرباء ولاهم من كدة وكدة غطى عربيتك لان الحرامى بيبقى عندة ثوانى وبيفتح مش لسة هيشيل الغطاء ودى معلومة اساسية والاهم الاهم سيبها على الله وتوكل .لا يصيبنا الا ما كتبه الله لنا . بس اعمل اللى عليك وخلاص وبالنسبة للتوكيل كلهم منهم لله وحسبى الله ونعم الوكيل معندهمش ضمير ولا ذمة ولكن فى بعض الناس القليلة يعرفو ربنا وعاوز تعرف اكتر خش على موضوعى اللى كتبة فى شيفرلية باسم (نصب توكيل صيانة محرم بك للشيفرولية )

انا جايب اوبترا 2013 وفيها انذار و انا جربت افتح العربيه من غير ما اقفل الانذار ..يعني سبت الازاز مفتوح و فتحت العربيه عملتلي فضيحه ...السؤال بقي هو حضرتك عندك الانذار ده ولا ﻷ ...ولو عندك ازاي بطله
علي العموم قريبا هينزل من شبكات المحمول تراكر للسياره ممكن بواسطته فصل السياره و ابطال عملها

اقتباس:

---

المشاركة الأصلية كتبت بواسطة د.عماد صلاح

انا جايب اوبترا 2013 وفيها انذار و انا جربت افتح العربيه من غير ما اقفل الانذار ..يعني سبت الازاز مفتوح و فتحت العربيه عملتلي فضيحه ...السؤال بقي هو حضرتك عندك الانذار ده ولا ﻷ ...ولو عندك ازاي بطله
علي العموم قريبا هينزل من شبكات المحمول تراكر للسياره ممكن بواسطته فصل السياره و ابطال عملها

---

الي هذا الوقت انصحك بتركيب مفتاح فصل

معيا اوبترا برده والحمد لله مركب جهاز انزار spy بصراحة لقيتة ممتاز رغم ان قريت علية عيوب كتير بس بيفصل كهرباء البنزين والانجكشن والعربية مستحيل تدور الا بعد فتح رموت الانزار وكنت عامل قبل كدة زراير لفصل الطرمبة والانجكشن والكهرباى الى ركب الانزار قلى انت سهلت عليا كتير ......... بنحاول وبردة ربنا يستر معلومة معظم العربيات الى دفعت فلوس علشان ترجع عاملين محاضر شرطة وسيبين ارقام تليفونات والحدق يفهم ومش محتاج غير نقول حسبى الله ونعم الوكيل