استفسار بخصوص صيانة ال 1000 ك فى اسبيرانزا

**mohamed57** · 29-07-2013 06:10 PM

السلام عليكم ورحمة الله وبركاته

كان عندى استفسار بخوص مركز خدمة اسبيرانزا انا جبت عربية a113 جديدة والشهر الجاي هيكون بقالها 3 شهور ان شاء الله معايا فكنت بتكلم مع واحد صاحبي على مركز الخدمة موجود عندى فى طنطا عشان صيانة ال 1000 كيلو او 3 شهور قالي ما تروحش وغير الزيت برة احسن عشان توفر فكنت محتاج مساعدة من أهل الخبرة انهم يفيدونى اني اروح صيانة ال 1000 كيلو بس وابقى اغير زيت وفلاتر برة مثلا بعد كده ولا اكمل مع المركز وشكرا مقدما وكل عام وأنتم بخير

**hugan** · 29-07-2013 06:24 PM

للاسف صاحبك غلطان
انت كده هاتخرج من الضمان
لكن لو انت مش عايز الضمان فعلا اعمل كده
انا واحد من ملاك العربيه ما بروحش التوكيل وخرجت من الضمان بدري

**M I D O** · 29-07-2013 06:30 PM

اوعي اوعي اوعي تسمع كلام صاحبك هتطلع العربية من الضمان حرام وهية لسة جديدة انت لو بتفكر تطلع من الضمان يبقي بعد اول سنة من شراء العربية عشان العيوب بتطلع في اول سنة ولو ظهر حاجة هتغيرها علي حسابك وصيانة الالف مش غالية يعني 300 جنية بالكتير تغيير زيوت وتربيط العفشة ومراجعة السوائل وعلي فكرة مفيش فيها مصنعية يعني دي الفلوس الي هتدفع برة الضمان لو رحت لاي حد لان صيانة الالف بتكون مجانا وبالنسبة لمراكز الصيانة في طنطا عندك عيسي بعد المعرض شوية علي طريق القاهرة الزراعي قبل داخلة قحافة

**M I D O** · 29-07-2013 09:22 PM

المشاركة الأصلية كتبت بواسطة mohamed57

شكرا يا mido ,hugan على الرد السريع طيب انا مش يسافر كتير بالعربية من الافضل اخلى الصيانة بعد كده كل 3000 ولا 5000 تنصحونى بايه

الصيانة بتكون كل 5000 كيلو او 3 شهور ايهما اقرب والافضل انك متخرجش العربية برة الضمان نهائي وان كان اسعار قطع الغيار في التوكيل اغلي شوية من برة بس علي الاقل بيدوك ضمان علي قطع الغيار و تكون ضامن ان الصنايعي الي هناك مش هيصلح حاجة ويخرب حاجة عشان ترجعلة تاني زي برة لان لو حاجة باظت في التوكيل ملزومين يصلحوها ببلاش فهيشتغلو بزمة عشان مترجعش تاني وتوجع دماغهم

**hugan** · 29-07-2013 10:29 PM

بس لازم وضروري صيانه ال 1000 الاولي
لانها تشمل تغيير زيت موبيل 1
ومراجعه زيت الفتيس ان كان ناقص
وتربيط عفشه
ولو في اي شكوي من العربيه

**M I D O** · 30-07-2013 03:12 AM

المشاركة الأصلية كتبت بواسطة mohamed57

شكرا على ردك يا mido تعبتك معايا :)

الشكر لله وحدة يا باشا وتعبك راحة

-

الموضوع: استفسار بخصوص صيانة ال 1000 ك فى اسبيرانزا

LinkBack

أدوات الموضوع

عرض

-

-

-

-

-

المواضيع المتشابهه

استفسار عن صيانة ال 1000 للفيرنا

استفسار عن صيانة ال 1000 كيلو للفانتازيا

استفسار بخصوص صيانة ال 1000 كم لنيسان صنى بالسبع

الكلمات الدلالية لهذا الموضوع

المفضلات

المفضلات

ضوابط المشاركة