رجــاله الفيرنــا ياا تشفولــى حل يولــع فيها واخلص !

**Yousf Verna** · 29-07-2013 07:13 PM

مــعـــايــا فيرنــا 2009
العربيــه بتسخـــن مع التكيـــف
نــاس كتيــــر قالولى شوف دوره المياه وحط مياه خضراء موبيل
عملت كدا فعلن نضفت الدوره وحطيت ميــاه موبيل !!
رحــت لميكانيكى فك الترموستاات ونضفها وصنفرهاا وحطها تانى والمراوح شغــاله تمام
وامبــارح رحت كشفت على جوان وش سلندر كبست هواء لماتور وكلو تمام
رحت لجهاز كشف الاعطاال وقالى الماتور زى الفــل !!!
ولماا تسخن واناا مــاشى يطلع المؤشر وينــزل تــانى
ولو وقفت بالعربيه العـداد يطلع ل h لغايه لما اقفل التكيـــف

(( فبجــد اناا تعبــت واحترت من الموضوع داا يــاريت اللى عندو حــل يقولــى ويكـون وااثق فيه
عشــان مااروحش اعملو وتسخــن تـــانى !! )))

شكــراااا :)

**spidars** · 29-07-2013 07:30 PM

نضف الرديتير روح سلكه وغير الثرموثتات

**el diesel** · 29-07-2013 08:55 PM

فكرت فى احتمال ان قرايه العداد مش صح ؟ شوفت قربة المياه والعربية سخنة ؟

**msobhy** · 29-07-2013 09:49 PM

ترموستات الكوعه عايز يتغير - هو انا ماعنديش خبره فى الفيرنا - لكن ......

انا هافترض ان عربيتك شبه اغلب العربيات وفيها ترموستات للكوعه اللى داخله على الموتور - الترموستات ديه مش بتفتح بنسبة 100% لما العربيه بتسخن - وعليه لما تشغل التكييف أو لما تجرى بسرعه تزيد عن 140 هاتلاقى العربيه بتسخن معاك - لما الترموستات بتبوظ كأنك ماشى بنص أو ربع ريداتير لأن التقليب بين الموتور والريداتير بيبقى ضعيف جدا

وظيفة ترموستات الكوعه انها تقفل طول ما العربيه بارده أو اقل من درجة تشغيل الموتور القياسيه - بمعنى انها بتمنع ان الميه تروح من الريداتير الى الموتور علشان يسخن - بمجرد انه يسخن بتفضل تفتح تقريبا كل لما درجة حرارة الموتور تزيد عن درجة حرارته الطبيعيه واعتقد انها بين 80 - 90 درجه
نصيحه بلاش حد يفتى لك ويقولك ان الترموستات ديه بتاعت البلاد البارده فقط ويلغيها لك - استهلاك البنزين هايزيد - عمر الموتور هايقصر - هايطلع عينك فى الشتاء - خاصه لو حضرتك بتسافر

نصيحه اخيره لازم تشتريها اصلى - ولازم تشترى معاها الجوان الاصلى بتاعها (الجوان الاصلى بيكون رخيص جدااااااااااااااااااااااا فى اغلب العربيات من 5 الى 10 جنيه)

يا رب بعد كل الرغى ده يطلع كلامى صح

**mshmshm3** · 30-07-2013 12:12 AM

المشاركة الأصلية كتبت بواسطة msobhy

ترموستات الكوعه عايز يتغير - هو انا ماعنديش خبره فى الفيرنا - لكن ......

انا هافترض ان عربيتك شبه اغلب العربيات وفيها ترموستات للكوعه اللى داخله على الموتور - الترموستات ديه مش بتفتح بنسبة 100% لما العربيه بتسخن - وعليه لما تشغل التكييف أو لما تجرى بسرعه تزيد عن 140 هاتلاقى العربيه بتسخن معاك - لما الترموستات بتبوظ كأنك ماشى بنص أو ربع ريداتير لأن التقليب بين الموتور والريداتير بيبقى ضعيف جدا

وظيفة ترموستات الكوعه انها تقفل طول ما العربيه بارده أو اقل من درجة تشغيل الموتور القياسيه - بمعنى انها بتمنع ان الميه تروح من الريداتير الى الموتور علشان يسخن - بمجرد انه يسخن بتفضل تفتح تقريبا كل لما درجة حرارة الموتور تزيد عن درجة حرارته الطبيعيه واعتقد انها بين 80 - 90 درجه
نصيحه بلاش حد يفتى لك ويقولك ان الترموستات ديه بتاعت البلاد البارده فقط ويلغيها لك - استهلاك البنزين هايزيد - عمر الموتور هايقصر - هايطلع عينك فى الشتاء - خاصه لو حضرتك بتسافر

نصيحه اخيره لازم تشتريها اصلى - ولازم تشترى معاها الجوان الاصلى بتاعها (الجوان الاصلى بيكون رخيص جدااااااااااااااااااااااا فى اغلب العربيات من 5 الى 10 جنيه)

يا رب بعد كل الرغى ده يطلع كلامى صح

مظبوط و صح 100%

**aw2100** · 30-07-2013 12:53 AM

العيب 100*100 فى الرادياتير عندك وحش غيرة وسيبك من التسليك والتنظيف !!

**Yousf Verna** · 30-07-2013 02:19 AM

المشاركة الأصلية كتبت بواسطة el diesel

فكرت فى احتمال ان قرايه العداد مش صح ؟ شوفت قربة المياه والعربية سخنة ؟

فعلا فكرت فى كــدا بس روحت لميكانيكى قالى ساعه الحــراره مش بتبوظ فمش عاارف كلامو صح والا اى !!!
لماا العربيه بتسخــن بنزل ابص على الميه مش بتغــلى ولا اى حاجه وعااديه جدا ومش بحس بسخونه جامده طلعه من المااتور ... مش عاارف اى داا !!

**devil_storm** · 30-07-2013 09:07 AM

انا برده الفيرنا بتعمل معايا كده في السفر اول لما ازود السرعة و انا مشغل التكييف ١٤٠ و انت طالع يبداء عداد الحراره يطلع و لازم اطفي التكييف و اقلل السرعه علشان ينزل تاني
ده كان بيحصلي في الاول لما بزود عن ١٦٠ مع التكييف
دلوقتي بيحصلي لما بزود عن ١٢٠.
اعتقد المشكله ليها علاقه بالرداتير او الشكمان

الموضوع: رجــاله الفيرنــا ياا تشفولــى حل يولــع فيها واخلص !

LinkBack

أدوات الموضوع

عرض

-

-

-

-

المواضيع المتشابهه

الفيرنــا بتبطل كل ما أفول العربيــة بنزيــن !!

يا تفدوني يا اولع في العربيه واخلص

ابيع البولو واخلص منها ولا اعمل ايه ؟؟؟؟

معايا عربية gmc و عملت فيها حاجة و عايز استشير فيها الناس

كروز فيها فتحة سقف , هل ممكن يكون فيها الموتور الي الايكو تك ؟

الكلمات الدلالية لهذا الموضوع

المفضلات

المفضلات

ضوابط المشاركة