الموضوع: قطع غيار الالنترا 2006

مساء الفل يا شباب
بعد سماع صوت الطقطقة في الدوران يمين وشمال قلت خلاص بقي نرحم العربية ونشوف الكبالن روحت اشتريت راسين كوبلن واحد يمين والتاني شمال وخلي بالكم راس الكوبلن في الالنترا الموديل ده منه راس كوبلن ناعم وراس كوبلن خشن وعلي حسب نوع الراس بتركب الراس ولو انه معظم اللي بيركب في الموديل وخاصة لو اوتو بيكون 90% منه ناعم..سعر راس الكوبلن الواحد 130 جنيه يعني الاتنين ب 260 ومصنعية 30 جنيه تركيب يعني بالصلاة علي النبي كده 290 جنيه..خلي بالكم برضه راس الكبالن دي هيا هيا اللي بتركب علي الماتركس والنوع ناعم برضه..

عربيتي النترا 2004 اوتوماتيك انا غيرت كبالن خارجية وكان المشكلة في الطقطقة ..لكن كنت بلاحظ ان في دردرة علي 120 ودي كانت بسبب الكوبلن الداخلي ولما فكيناهم لقينا ان في الكباية بتاعة الكوبلن عالي وواطي وبعد ما غيرنا الكوبلن الداخلي والخارجي اللي تمنهم استيراد 600 جنية العربية اختلفت تماما . بالمناسبة عي اعراضها تشبة النتعة بتاعة قاعدة الموتور للي كان بيسوق مانيوال.