ﻃﻠﻤﺒﺔ ﻭﻻ ﻓﻠﺘﺮ ﺑﻨﺰﻳﻦ ﻭﻻ ﺑﻮﺟﻴﻬﺎﺕ ﻭﻻ ﺷﻜﻤﺎﻥ ﻭﻻ ﺍﻳﻴﻴﻴﻪ
السلام عليكم
عندى قصة طويلة الى حد ما يا ريت تصبروا عليا عشان انا تعبتتتتتتتتتتت
المشكلة تتلخص انى كنت يغير زيت وقلت افك الكرتيرة بالمرة وانضفها رحت للميكانيكى فكها وغسلها ببنزين
وغيرت الزيت موبيل 3000 وزى الفل
دورت الواد الصبى فضل يزود من عند البوابة كدا ويحرق جامد معرفش السبب المهم قلتله فى ايه قال عادى عشان لمبة تشيك تطفى
ده كله مقدمة
المعم بقى وانا ماشى من عنده رحت حطيت بنزين بدل اللى خلصه الحيوان ده
وانا مروح بقى لاحظت حاجة عجيبة
لقيت السحب ضعيف جداااااا
العربية مش بتعدى 80
روحت ركنت والصبح بدور دارت زى الفل
جيت المس دواسة البنزين لقيت الار بى ام بينزل تحت والعربية بتبطل
دورت دارت جيت اعمل نفس القصة بطلت!!!!
دورت دارت سبتها سخنت ودوست ع الدواسة مبطلتش عادى
مشيت بيها لقيت السحب صعيف بردو
اجى ادوس ع الدواسة بتاعت البنزين العربية سرعتها بتقل والله بتقل!!، لو شعرت بنزين تمشى وسحبها صعيف لو دوست لجوه بنزين تكاد تكون هتبطل
و على فكرة الواد وهوا بيفك الكارتيرة قاللى حساس الشكمان مفصول فقلتله ركبه فممكن يكون الحساس ده قفل الدنيا كدا؟
المهم رجعت للميكانيكى
حكيتله القصة ففك الحساس وقاللى جرب كدا
لقيتها لسه مخنوقة كدا ومفيش سحب
رجعتله قاللى مفيهاش حاجة غير ان الطلمبة البنزين صعيفة شوية
هل تركيب الحساس لمدة 30 كيلو يبوظ الدنيا كدا؟
وعلى فكرة هوا بص ع الشكمان قالى مفيهوش حاجة
وفك الفلتر بتاع البنزين نزل منه يجى نص لتر بنزين وقالى كويس ،هل معنى ان الفلتر فيه بنزين يبقى كدا ده بيدل على حاجة
ياريت تساعدونى
ده طلمبة ولا بوجيهات ولا شكمان مكتوم ولا فلتر ولا ايه
