-
استفسار من فضلكم
مساء الخير
انا عايز اسأل عن موضوع الدراسه فى لبنان
انا من مصر (الاسكندريه) انا فى المدرسه الفندقيه المتقدمه بالاسكندريه
المدرسه دى مده الدراسه فيها 5 سنوات انا فى السنه التانيه ولسه باقى 3 سنوات
ويبقى معايا دبلوم فوق المتوسط(سياحه وفنادق)و بعد كده ادخل كليه سياحه و فنادق فى اى جامعه فى مصر وكنت عايز التحق بكليه سياحه وفنادق (الجامعه اللبنانيه الى هى حكوميه) فى بيروت
انا مش عايز اكمل الدراسه فى مصر
انا عايز حد يفدنيى فى الموضوع ده هل ممكن التحق بكليه خارج بلدى ولو ينفع ما هى الاجرائات لاستخراج فيزا دراسه والتكلفه بالتقريب
-
هو في زي الدراسة في لبنان ولا تعليم لبنان
الموضوع في منتهى السهولة ... بتاخود بعضك وبتطلع على السفارة اللبنانية ... وتقلهم انك عاوز تكمل تعليمك في لبنان ايه. الاوراق المطلوبة ... ويستحب كمان تراسل الجامعة او المعهد الي انتا رايحلوا قبل ما تروحوا وتشوف هل بيقبلوا طلبه مصريين. اجانب مش لبنانيين وهل في اماكن وكده .... بعد ده كلو بتجيب استمارة مش فاكر اتنين جند او سبعة مش فاكر المهم هتروح مبنى امن الدولة في السيدة زينب وتاخود طلب تاجيل تجنيد صغار السن .... بعد كده تروح تستخرج جواز سفر .... وتسئل في مجمع التحرير قسم الجوزات عن هل محتاج موافقة سفر ولا لأ ... بعد كده بترجع تقدم اوراقك وجوازك تاني للسفارة .
بس خلي بالك العملة الرسمية في لبنان الدولار مش الليرة والكلام ده ... المهم
سفارة لبنان موجودة في ( ٢٢شارع المنصور محمد في الزمالك )
وربنا يوفقك ... هيا لفه شوية بس كلوا يهون كرمان عيون لبنان ... وتعليم لبنان ... وشهادات لبنان . ... وتحياتي وبالتوفيق انشاء الله.
-
شكرا ليك جدا انتا وفرتلى معلومات كتير
بس عندى كام سؤال كده
انتا بتقول ان انا اسالهم انهم بيقبلو مصريين وله لا هما ممكن يكونو مبيقبلوش مصريين لو تعرف المعلومه دى ممكن تقولى وبتقول ان يكون فى اماكن وكده قصدك اماكن فى الكليه وله اماكن زى سكن تبع الكليه بفلوس رمزيه يعنى وشكرا ليك مره تانى
Content Relevant URLs by
vBSEO 3.6.0 PL2