الموضوع: استفسار بخصوصa 5 برجاء المساعده

المشاركة الأصلية كتبت بواسطة Moratoz

الاوكتافيا مشا شاء الله عربيه جميله وفخمه وبرستيج حلو قطع غيارها كلها الحمد لله متوفرة سواء الاصلي او اخري بس طبعا غاليه شويه ولكن معمرة جداً
الوسع الداخلي كبيرة وطبعا شنطه رهيبه تشيل معاك زي ما انتا عايز
العربيه مش جرايه لو انتا بأحب السحب والشد والجري مش هتنفعك لانها عربيه رزينه في جريها
لو حضرتك هشوف العربيه لازم تكشف عليها عند حد متخصص سكودا لأن صيانه زيت الفتيس لو متعملتش في ميعادها بيحصل مشكله في الفتيس لو اوتوماتيك واكشف علي الكمبرسور بتاع التكيف لأنه كان في مشكله في الموديل دا وطبعا باقي الكشف العادي
وقلنا هوا طالب فيها كام واوتوماتيك ولا لَا وايه كماليتها او اي فئه
تحياتي وبالتوفيق ان شاء الله

شكرا ليك جدا على الرد
انا عارف اﻻوكتافيا كركوبه وانا فعﻻ مش جراي
بالنسبه للفئة هي من غير فتحه سقف ومش عارف كماليتها ايه
بالنسبه للسعر هو مش عارف وقالي اسال وانا بسال
بالنسبه لزيت الفتيس انا اتكلمت معاه كتير عليه امبارح
هو معندوش مقياس للزيت وقالي ان عنده ستيكر مكتوب عليه life time oil
وقالي انه سال كتير ومنتديات اجنبيه والخﻻصه ان زيت الفتيس مبيتغيرش
طبعا هو لخبطلي المعلومتين اللي انا عارفهم
وقالي ام الكود بتاعه z وده مبيتغرلوش زيت فتيس
على العموم احنا لسه فيها العربيه عامله 75000 بس

سكودا 2006 بتعمل 90000 ده لما تكون العربيه فابريكه ومش محتاجه مصاريف....لكن لو مش قد كده يبقا من 80 ل85 الف ...يارب اكون افادتك

المشاركة الأصلية كتبت بواسطة madridy1001

سكودا 2006 بتعمل 90000 ده لما تكون العربيه فابريكه ومش محتاجه مصاريف....لكن لو مش قد كده يبقا من 80 ل85 الف ...يارب اكون افادتك

شكرا ليك جدا وبصراحه انت افدتني جدا بس ده انهي فئه فيهم

المشاركة الأصلية كتبت بواسطة moratoz

ما دام مغيرش زيت الفتيس يبقي وارد يكون فيه مشكله فلازم من الكشف الجيد علي الفتيس وتبقي جي من مشوار بعيد وعملت اجهاد للفتيس زحمه وجري وتغير سرعات عليشان يبان فيه نتشه ولا لأ ولو سليم اول حاجه لازم تتعمل تغير زيت الفتيس بالفلتر وتقريبا ب 1650 جم غير المصتعيه وغسيل عقل الفتيس
ولازم نعرف باقي خاله العربيه ايه الكاوتش كاسيت عريض جنوط ولا لأ وخليه هوا الأول يقول علي سعرة لأن صاحب العربيه هو من يقدر سعرها عند البيع ولو مش عاوز قولوا 90.000 علي فرض ان الفتيس سليم
ومتنساش تشوف كمبروسور التكيف

على حسب النقاش مع صاحب السياره وهو فاهم جدا جدا في السيارات فيه نوعين من الفتيسات للسكودا نوع بمقياس وده بيتغرلته زيت عادي والنوع التاني منغير مقياس وكتوب على الفتيس ان الزيت لايف تايم وده مبيتغيلوش زيت

المشاركة الأصلية كتبت بواسطة المنسي

للمعلومية زيت الفتيس بيتغير فى صيانة 60.000

انا عايز اتاكد من المعلومه اللي هو قالهالي وشكرا لتعبك وردك

باشا اهم حاجة تكشف على بدي بلف العربية
دي اهم حاجة دة تمنه لو بايظ 10 الاف جنية
اجري منها لو فتيسها فيه حاجة وبدل متعملهاش صيانة ال60 الف يبقي احتمال كبير اوي يكون فيها العيب دة
اكشفت عليها كويس جدا في التوكيل مش اي مكان تاني واهم حاجة تأكد عليها بدي بلف الفتيس سليم ولا لا
ونصيحة متخدش عربية مش عاملة صيانة للفتيس وتغيير زيت على ال60 الف علشان ممكن تقل معاك انت بعد كدة وتبقي لبست نفسك 10 بواكي ملهمش لزمة

المشاركة الأصلية كتبت بواسطة احمد رشدي

باشا اهم حاجة تكشف على بدي بلف العربية
دي اهم حاجة دة تمنه لو بايظ 10 الاف جنية
اجري منها لو فتيسها فيه حاجة وبدل متعملهاش صيانة ال60 الف يبقي احتمال كبير اوي يكون فيها العيب دة
اكشفت عليها كويس جدا في التوكيل مش اي مكان تاني واهم حاجة تأكد عليها بدي بلف الفتيس سليم ولا لا
ونصيحة متخدش عربية مش عاملة صيانة للفتيس وتغيير زيت على ال60 الف علشان ممكن تقل معاك انت بعد كدة وتبقي لبست نفسك 10 بواكي ملهمش لزمة

طيب ممكن تاكدولي معلومة الفتيس اللي منغير مقياس ديه