اهلا بيك استاذ خيري
اولا العربيه انا شاريها كسر زيرو 2400 كيلو
اشترتها ب90000 كان سعرها في المعارض 100000
حاليا العداد وصل 14000 كيلو
اول صيانه عملتها تاني يوم الشراء لان اول يوم اخدتها وطلعت بيها الساحل الشمالي
قولت اجربها علي الطريق كان عندي شغل قولت فرصه
مبدئيا
العربيه جميله كتصميم
عاليه وليها هيبه
تستلمت الصحراوي وابتديت افتح في الطريق
بصراحه اتصدمت العربيه اخرها 140 او 150 وبعد كده تقلق منها
العربيه عاليه ومقاومتها للهواء مرتفعه
وبالتالي بيائثر في السحب
بخلاف ال516 تجميعها كان افضل ووصولها لسرعات عاليه افضل
وثباتها افضل
لكن
كعفشه عفشه التيجو افضل بمراحل ومتماسكه جدا حتي الان
المشي في الطرق المكسره والغير ممهده العربيه ممتازه فيها
لكن بتحس بالطريق يعني مش ناعمه وطريه وكلها حنيه
يعني ناشفه
واظنها زي الجيب الرانجلر لما ركبتها
مفيش احساس بدربكه ولا تخبيط في العفشه ولا نقر
التكييف ممتاز افضل مما تتخيل
اندفاع الهواء قوي وشديد ومع لون العربيه الكئيب الاسود وامتصاصه المضاعف لاشعه الشمس
لكنه ماشاء الله مقدره عاليه علي التبريد
السحب مع التكييف بيائثر محتاج تحرق علي الغيارات
لكنه في الطبيعي بتاع كل العربيات
استهلاك البنزين
مرتفع مفيش كلام هاضطر اقارن بال 516
ال 516 كانت بتعمل 200 داخل القاهره
وفي السفر 220 او 230
التيجو ممكن توصل 170 او 180
لكنه راجع لارتفاع العربيه ومقاومتها للهواء
الحمد لله حتي الان مفيش عيوب
لكن عرفت وانا باعمل الصيانه اول مره
ان المالك الاول غير الردياتير في الاسبوع الاول لشراء العربيه
كله متسجل
واظن ان ده السبب في ان الراجل قفل من العربيه وباعها بسرعه
العزل متوسط اوجيد
صوت الكاوتش والموتور مرتفع ومسموع علي السرعات العاليه والزجاج مفتوح
مع قفل الزجاج بيقل لكنه مسموع لكن غيير مزعج او مرتفع
هاكذب يعني
الصيانه
انا مقاطع التوكيل من زمن
لكن كنت حريص اني اعمل اول صيانه علشان الضمان او ظهر حاجه بدري في العربيه لاقدر الله
لكن بعد كده ما بتعاملش مع التوكيل
اول صيانه تغيير زيت وتربيط بتتكلف حوزالي 400 جنيه او كسر
مكان التوكيل
فرع العباسيه امام الجامعه العماليه
فرع جسر السويس تكنو 1و2
جنب توكيل مرسيدس
وفي ابورواش والصحراوي بتاع بي ام القديم
اهم حاجه الزجاج الخلفي فاميه ميزه كبيره
ركبت ديفيندرات وعتب
ممتازين لحمايه العربيه من شر التاكاتك
وربنا يكفينا شر الطريق
اتمني ان يكون مشاركتي فيها افاده
المفضلات