اهاا طب الحمدالله
ان نزل العرض قبل ما اشترى و يكون راح علياا :)
بالنسبة للفرامل فهى كويسه جدا حتى من غير abs
اما الجنط 16 هيديك ثبات فى الملفات على حساب النعومة و الراحة بالنسبة لل 15
فى نقطة بقى عاوز اوضحهالك اول فئة فيها مش جنط 16 دى جنط 15 و من غير abs
اما اول فئة فيها abs فهى عاملة بعد الخصم 156 الف بس مش موجودة عند
اللى موجودة عنده اول abs هى الهاى لاين و دى جنط 16 و فيها فتحة سقف و سعرها 162 الف
اما الاكسنت فعالم تانى فى فرق طبعا ملحوظ بينها و بين الالنترا بس ده مش معناه ان العربية وحشة هى عربية حلوة و اعتمادية و ما يميزها قوة موتورها
اول فئة فيها abs تعمل تقريبا 130 الف و معاه ايرباجة
و لو اى استفسار تانى تحت امرك
مقارنة التويوتا كورولا بالالنترة الكلام طال فيها هنا واتثبتلكم بالتقارير والأرقام إن اللانترا أحسن في حاجات والكورولا أحسن في حاجات (بسيطة) وما بقاش فيه حاجة اسمها ده ياباني واعتمادية والكلام اللي مبيجبش همه ده
اولا انا بشكر حضرتك على ردك واهتمامك :)
انا نزلت تاانى النهارده
وان شاء الله هاخد المانيــوال لانى بعشق سواقتها
وعلى فكره المانيوال ب 142000 قبل الخصم وفى اير باج واحده وجنوط 15 وبدون Abs
وفعلا سئلت ناس كتير معاهاا الالنترا على الفرامل من غير Abs قالى كويسه جدا الحمدالله
فالاسبوع دا نازل اخلص ان شاء الله
وياا رب يكون الخصم نزل سعرها شويه :)
طيب لو سمحتوا هى انهى فئة الى فيها اموبليزر وانا اعرف ازاى ان فى امبوليزر فى العربية اصلا معلش على السؤال
ال النترا عربية محترمة
بس العربية دى بالذات محتاجة ضرورى abs عشان الحجم الكبير بتاعها مش هتكون امان فى الجرى
أنا قلتلك اسمع كلامي في حكاية الاوتوماتيك دي بس هو براحتك طبعا ولو مش فارقة معاك حكاية الفلوس يبقى اوتوماتيك طبعا وهتدعيلي وعايز اوضحلك حاجة بـخصوص ال abs ... هو مش قوة فرملة أو ضعف هو نظام بيشتغل مع الفرملة لو شديدة وبيجزء الفرملة لوحده ...وصدقني الفرامل حلوة بس برده انصحك بال abs جدااا وممكن لاقدر الله يحميك من حاجات كتيير ....
الفولى لودد هى اللى فيها ايموبلايزر
اما ازاى بسيطه و انت بتدور فى الاول التشيك يعنى اول تكة فى الكوناكت ده طبعا عامة
هتلاقى فى التابلوه ايكونه برتقالى برسمة العربية و مرسوم داخلها مفتلح كده يبقى فيها الخاصية
خلى بالك ان احنا ممكن نخلى الكهربائى يعملهالنا بس عشان متخدهاش مسلمة و تلبس عربية تكون مستعمله
التشيك العملى انك لو حبيت تدور العربية بمفتاح منسوخ عند بتاع مفاتيح (اقصد نسخة من الاصل) مش هتم عملية الدوارة كاملة ابدا.
اسف لو اطلت عليك