مقارنه بين الميجان و المازدا 3 و الامبريزا

شباب عايز مقارنه بين الميجان و المازدا 3 و الامبريزا و كلهم 2007 و 2008 لانهم في مستوى سعري واحد
و تكون المقارنه من حيث القوه و الكماليات و الثبات واهم حاجه انكم ترجحوا انهوا واحده انها تستحمل بهدله بلادنا الحلوه
يلا نبدأ المقارنه

فى الثبات بالترتيب
1- الامبريز اعلى حاجه عشان 4×4
2- والميجان ممتازه وعن تجربه
3- المازدا 3 معتقدش ان ثباتها كويس لدرجه ان تدخل فى مقارنه مع الامبريز والميجان

تشكر لردك وانك فضلت الامبريزا عن الميجان و هيا عربيه اخوك
لكن مقولتش السحب و العفشه و درجه انها تستحمل البهدله ايه؟

اقتباس:

---

المشاركة الأصلية كتبت بواسطة crazydeepman

تشكر لردك وانك فضلت الامبريزا عن الميجان و هيا عربيه اخوك
لكن مقولتش السحب و العفشه و درجه انها تستحمل البهدله ايه؟

---

العفو لا شكر على واجب انا جاوبت على ما اعتقد انى متأكد منه على حد علمى وممكن كمان اقول لحضرتك الامبريز عربيه خرافيه وممتازه بس للأسف ملهاش حظ فىى مصر يمكن عشان مش منتشره ومشكلتها فى الصيانة وقطع الغيار واعاده البييع السعر بيكون واقع وتقيله جداً
والميجان عفشتها ممتازه وبتستحمل وناعمه وعاليه وعن تجربه مبتحملش كتير هم المطبات الصناعيه حتى لو محمل وفى النهايه ربنا يوفقك للأصلح

بص من حيث الثبات
السوبارو فى الاول و بعدها المازدا و الميجان بالتساوى
التسارع المازدا و بعدها الميجان و بعدها السوبارو سواء مانيوال او اوتو
الاعتمادية السوبارو بعد كده المازدا بعد كده الميجان
قطع الغيار الميجان بعد كده المازدا بالتساوى مع السوبارو ده توافرها اسعارهم ال 3 زى بعض
الميكانيكية المازدا بعدها الميجان بعدها السوبارو عشان الميكانيكية مبيفهموش فى البوكسر بتاع السوبارو
الكماليات الميجان طبعا متقدمه خصوصا لو الفل اوبشن بعدها المازدا و السوبارو

انا عن نفسى هختار السوبارو الاول و بعدها الميجان

السوبارو افضل فى الثبات و الاعتمادية بفارق كبير عن المازدا والميجان
السوبارو شن
تها افضل من المازدا كمان بفارق ,, انما الميجان كبر شنطه
الميجان اكثر كماليات و لكن السوبارو كماليتها معقوله خصوصا لو جبت اعلى فئه الى بفتحة سقف ,, ممتازه

Mazda 3

معلش يا شباب انا عارف ان فيه منكم ممكن يقول اني سألت كتير ويقول ده مش بيتاع شراء ويكون حد مالل انه يرد لكن...
المشكله المبلغ اللي معايا (80000 جم ) ميجبش غير دول لو انا غاوي اركب عربيه محترمه مش اللي مشيين في السوق دول
تاني حاجه انا بحمل على العربيه كتير من جري وشد و مسافات طويله اوي (محدش ينصحني اني مجريش ده مش موضوعنا دلوقتي ) وعايز عربيه متبهدلنيش وجع قلب و جيب ولونهم اسعار قطع غيارهم عاليه شويه بس معلش
عايز اتمتع بركوبه باللي متاح معايا ومش عايز اهين نفسي مقابل عربيه بياعه مش حتديني اللي انا عايزه
فا انا عايز احسن عربيه من اللي قولتهم تناسب الجري و الثبات و فنفس الوقت انها تستحمل المسافات و الشوارع بتاعتنا ....... وهل ينفع اني اضيف في المقارنه الاسترا 2007-2008 ؟؟؟ ولا مش مناسباهم
انا اسف طولت لكن بحاول اشرح وجهه نظري

ايه يا رجاله الكلام خلص؟

اللي أنت بتتكلم فيه ده يبقى تجيب ياباني وأنا مجربتش السوبارو وبحسها مش عملية الصراحة عشان كدة نصحتك بالمازدا 3

الى انت عايزه ده يتلخص فى السوبارو بصراحة بس لازم تعود ماتورها على الجرى

المازدا ماتورها بيجرى اه بس ثبات السوبارو اعلى منها كتير و قطع غيار السوبارو فى التوكيل ارخص من المازدا فى التوكيل
و الاتنين قطع غيارهم قليله بره التوكيل بس موجوده

اعتقد المازدا
شرط الحالة السليمة

يا ترى أشتريت أيه فى الأخر علشان أنا بفكر فى نفس اللى بتفكر فيه خصوصا السوبارو و الماذدا