أرجوا المساعدة والافادة عااااااااااااجل

**ZIMOFOX** · 01-09-2008 03:37 PM

بسم الله
اخوانى الاعزاء
بعون الله وقدرة تم بيع سيارتى امس بتاريخ 31\8 ولى بعض التساؤلات
1-براءة الذمة المالية لازم تكون فى نفس تاريخ البيع عشان اضمن حقى انه ممكن بعد كدا يقولى انت عملت مخالفات فى الكام يوم دول مع العلم بان شهادة المخافات بتاريخ 26\8

2-تم عمل عقد بيع للسيارة واتكتب فيه شىء انا مش راضى بيه
(ان البائع يلتزم بعمل توكيل للمشترى بالبيع لنفسه وللاخرين مع عمل التجديد والترخيص) انا مش راضى عن كلمتين التجديد والترخيص دول كلمتة قلتله اشطبهم قالى العقد ملوش لزمة ممكن فى التوكيل تكتب التعامل مع المرور
بصراحة انا مش عاوز المشترى يجدد الرخصة باسمى تانى اعمل ايه

3-مع العلم انى لم اعمل التوكيل للان وانا اخدت فلوسى كاملة ايه الصيغة اللى اكتبها و تحمينى فى التوكيل
افيدونى يا شباب

**sherif_m72** · 01-09-2008 05:38 PM

عقد البيع الابتدائى مفهوش مشكله دى مجرد ورقه صوريه
اما بالنسبه للتوكيل
ممكن تكتب فيه البيع لنفسه فقط وقتها مضطر انه يسجل

**ZIMOFOX** · 01-09-2008 05:53 PM

شكرا على ردك ومساعدتك
طيب ماذا عن
يحق له البيع لنفسه والتوكيل للغير والتعامل مع المرور
وعلى فكرة هوة دفع القيمة للسيارة كاملة بدون ما ياخذ الرخصةبس اخد صورة بطاقتى وصورة الرخصة
صح ولا لا؟

**sherif_m72** · 02-09-2008 02:43 AM

هو سابلك الرخصه عشان تعمله التوكيل
وموضوع ليه وللغير وامام المرور ده عشان
1- البيع لنفسه= يعرف يبيع العربيه لنفسه بدون الرجوع اليك
2- التوكيل للغير = يعرف يبيعها لاى حد تانى قبل التسجيل وبرضه بدون الرجوع اليك
3- التعامل مع المرور= لو الرخصه اتسحبت يعرف يجيبها او يطلع شهادة بيانات تانيه من غير ميستناك تجيبهاله
وعشان يطمئن قلبك ميقدرش يجدد العربيه تانى بأسمك الا في حالة انك تكون عامله توكيل رسمى عام
وبرضه لو حب يعمل توكيل تانى لاى حد ميقدرش يضيف بند التعامل مع المرور لانه بيتكتب لاول توكيل بس اللى هو من صاحب العربيه الاساسى لاول مشترى
فمتقلقش انت بس خليه يكتب اقرار استلام سياره بتاريخ ووقت استلامها واحتفظ بيه وخلاص
ومبروك عليك البيعه
وتحت امرك ياباشا