معروض عليا تويوتا كورولا 2009 مانيوال 1400 جنوب أفريقى ماشية 22 ألف كم فابريقه بالكامل ب 102 ألف
ومعروض عليا رينو سكالا 2011 كاملة أوتو اللى هى زى السوبر صالون فى الصنى ماشية 17 ألف كم فابريقه بالكامل ب 95 ألف
عرض للطباعة
معروض عليا تويوتا كورولا 2009 مانيوال 1400 جنوب أفريقى ماشية 22 ألف كم فابريقه بالكامل ب 102 ألف
ومعروض عليا رينو سكالا 2011 كاملة أوتو اللى هى زى السوبر صالون فى الصنى ماشية 17 ألف كم فابريقه بالكامل ب 95 ألف
حضرتك متأكد ان الكورولا 1400
لو انا مكانك هاخد الكورولا و بالذات لانها مانوال و تكون بعيدة عن مشاكل الفتيس ال mmt - لكن لو فعلا هشترى هدور على اوكتافيا a5.
متأكد إنها 1400 كاملة مانيوال ومن غير قزاز كهربا
كورولا طبعاً عربية أعتمادية أكتر
وكورولا تاني كتصميم داخلي وخارجي عن الأسكالا, وتالت خصوصاً أنها مانيوال وهتبقي بعيد عن مشاكل الفتيس الأوتوماتيك mmt في الموديل دا.
بس عيبها كدا أفتقارها لكماليات بقت أساسية في كل العربيات زي الأزاز الكهرباء.! هتبقي حاجة متعبة نفسياً أنك تعد تقفل الأزاز بأيديك وأنت نازل من العربية وهيا أغلي, وكمان مانيوال والبلد بقت زحمة جداً والسواقة المانيوال هتعصبك مع الوقت وهتعمل ضغط عصبي عليك وعلي ركبك بشكل ملحوظ.
فكدا متهيألي الأسكالا تبقي أحسن وكمان موديل سنة أعلي وأرخص وأوتوماتيك وماشية كيلو متر أقل.
العربية اللي بتعمل 22 أو 30 ألف كيلو في 3 سنين زي الكورولا تعتبر ممشيتش أه, بس متتوقعش أنها تبقي بحالتها, هتلاقيها ناشفة, وفي حاجات كتير بتبوظ من الركنه فترة طويلة.
زي البطارية والكاوتش هتغير أربع فرد والأ هتلاقيها ناشفة جداً والسواقة متعبة,
وفي خلال سنة أو أتنين هتبدأ تفتح بقها في المصاريف زي أي عربية.
فا من رأيي خليك في الموديل الأعلي, وخصوصاً أنها أوتوماتيك وأزاز كهرباء.
رينو
كورلا1400 ومانوال وكمان فاضيه وكمان اغلى على اييييييييييييه بقه
علي المواصفات دي يبقي رينو افضل
1400 دة الموديل الجنوب افريقي بس نفس المكنة الخليجي بالضبط بنفس قطع الغيار عربية ممتازة متعرفش تفرقها في العزم و السحب عن 1600 خليجي
السعر عالي طبعا على 1400 تكييف و باور لان فية 1400 هاي لاين
لو الإختيار ما بين دول بس
يبقى الكرولا
الرينو سكالا لم تنجح فى مصر بالمرة حاببها -يبقى هات صنى
عموما أنا أفضل الزيرو عن المستعمل لأسباب كثيره لو حابب ممكن أذكرها
نصيحه لوجه الله
اركب كورولا 2007 الشكل القديم
وهتلاقى حاجأت مس ماشيه كتير
1300 او احسن 1600
وبس والله من الاخر هتريح دماغك
بالرغم من انها مستعمله
عن تجربه
حاليا انا معابا نيسان الشكل الجديد
انا مع راي انك تجيب كورولا 2007
افضل