شكرا م/هانى Speed Service
السلام عليكم ورحمة الله وبركاته
اخباركوا ايه شباب وجميع من بالمنتدى.اتمنى الجميع يكون بخير.
اولا- شكر كبير للمهندس هانى وصبره ومساعدته ليا لما كنت بعمل صيانة ال 80000 .
ثانيا - ياريت توصل شكرى للفنى الجديد اللى معاك واعذرنى لو نسيت الاسم ( كان الاسم عادل تقريبا)
ثالثا- باختصار:
اتصلت بهانى وحجزت ميعاد صيانة وجبت قطع الغيار وطلعت عليه وطبعا شاى وقهوة وشاى وقهوة( الله يكرمك يا هانى) وكان الفنى شغال فى العربية وعمل الاتى :
-فحص وظبط الفرامل بعد تغيير التيل.
-تغيير فلتر البنزين.
-تغيير فلتر زيت الفتيس الاوتو والزيت .
-تربيط العفشة وفحص المقصات والجلب.
-تنضيف البوابة+تلميع الموتور ب WD40
-فحص دورة التبريد + التكييف.
-تغيير البوجيهات.
-فحص السيارة بالكمبيوتر.
النتيجة :
الحمد لله مرضية تماما :bravo:
وربنا يوفقه وشكرا جدا على مساعدتك وصبرك عليا فى الكام مكالمة تيلفون اللى دوشتك بيهم عشان زيت الفتيس ونوعه.
واشوفك قريب يا غالى واعذرنى على التاخير فى شكرك .