فريم التابلوه لبولو وابيزا

محدش يعرف اجيب الفريم ده منين او عندوا و عايز يبيعوا ؟؟ رجاء سرعة الرد لان الفريم بتاعى اتكسر خالص والمنظر بشع

حضرتك ممكن تجيبه من أى حد بتاع استيراد
لو حضرتك ساكن فى هليوبوليس أو جوارها, هاتلاقى واحد اسمه الشيخ محمود فى جسر السويس, فى الزيتون, بعد التجنيد, جوار سيد عبده
أو جرب تروح شارع دمشق فى روكسى
او ممكن تروح الحرفيين وهاتلاقى ناس كتير جدا

لو من وسط البلد بقى والجيزة, استنى حد من من رجالة المنتدى يقولك بقى
يالتوفيق

ودا سعرة فى حدود كام

للأسف غالى شوية, عشان الفريم ده أكتر حاجة بتبوظ فى التابلوه كله
أخر مرة سألت عليه كان فى حدود 320 جند

انا سمعت فيه لحد 450 جنيه

فريم التابلوه للابيزا او البولو كان موجود لحد وقت قريب ( شهر ) فى الحرفيين جديد من عند الكوثر ب 600 جنية طبعا شغل جنان ومعظم الحرفيين الاستيراد مش بتبيع الفريم لواحده الا بالتابلوه كامل وسعر التابلوه كامل كان ب 900 بظبط ( بيقولك كده مش هاعرف ابيع التابلوه لما تاخد الفريم ) وسعات قليل جدا لما تلاقيه لوحده وسعره بيكون فى حدود 400 جنية

الف شكر يا شباب يعنى الواحد يجيب شنطه لون العربيه وفيها كل حاجه ب 300 جنيهه وحتت بتاعه بلاستيك ب 400 جنيه عمتا ربنا يكرم وان شاء الله هقولكوا عمل ايه ولو حد عنده جديد ياريت يفيد

شنطة الابيزا وصلت ل450 من غير اسبويلر
لمجرد ان فيها العاكس الاحمر

وب400 بالعاكس الاسود

أنا أخر مره سالت على الفريم ده لعربيتى كان عند التوكيل ب 420ج ده من خمس شهورأو اكتر شويه تقريبا
وكان الاستيراد ب 300ل 350 ج وملقتش اصلا حد بيطلعوا غير واحد بس وفى الأخر قررت اصلحه ونجحت فى تصليحه وبقى شكله مقبول جداا والحمد لله
http://www.nilemotors.net/Nile/33396...00-2002-a.html

انا لقيتو فى اليكس عند كذا واحد عدس والاوربيه جديد ب 450 من غير هويات التكيف وزراير الزجاج او اى حاجه طبعا استغليتوا ومردتش اجيبوا وبكره ان شاء الله هنزل اعدى على الشيخ اللى فى جسر السويس وان شاء اعرف اظبطوا من عندوا ولو كده هروح الوكاله وامى لله

بالتوفيق يا باشا ويا ريت تقولى عملت ايه لانى زي حالاتك

انا جبتوا جديد من عند شركة الصفا اللى عند كوبرى التجنيد ب 450 جنيه برده لان محدش فى الحرفين كلها ردى يفكهولى من تابلوه بس ناصيحه غير التابلوه كلوا لو تعرف