هل صنى 2008 تتمتع بالثبات والقوه فى الطريق ام لا

**amir** · 15-01-2009 03:18 PM

المشاركة الأصلية كتبت بواسطة zarkoor

الله ينور عليك ... النصيحه هيا اللى بناخد عليها الثواب ... الراجل سأل .. انا جاوبت من تجربتى ... ايه اللى زعلك ؟؟ انا شايف ان الصنى مش حلوه على السفر ... وذكرت انها مميزه اكتر للسواقه داخل المدينه ؟؟؟ فيه ايه بقى اللى مزعلك قوى ؟؟ ..

انا مش زعلان منك
انت بتتكلم من تجربتك علي لانسر الشكل الاقدم من البومه (تقريبا اسمه مكواه مش عارف)
و انا بتكلم عن البومه و الصني 2007
و صدقني سافرت بالاتنين اكتر من مره و علي سرعات مختلفه
و كنت بركب قبل كده فيليشيا و اكسنت 1500
احساس الثبات من عدمه معروف بالنسبالي
الفيليشيا من اثبت العربيات اللي سقتها في حياتي اللهم سوي الجين تو ثباتها غريب
انما الاكسنت كانت موديل 99 و دي بقي مختلفش عليها اتنين انها عربيه خفيفه حبتين و مع السرعات بتبقي غير ثابته
اللانسر بومه كنا اشترينها من قبل ما نجيب الصني
و برضو مع وجودها و سواقتي ليها فتره طويله مستريحتش ليها (مع اعجابي الشديد بالشكل الانسيابي الفخم للتابلوه بتاعها و خاماته) و عدم ارتياحي ليها كان ناتج عن احساس بعدم ثبات العربيه في السفر مع الملفات في سرعات اعلي من 100 كم و مش عاليه قوي برضو يعني كان اخري 120 140 بس في الملفات مقدرتش اثبت علي السرعات دي حتي مع طرق السرعه فيها عاليه زي القطاميه العين السخنه
العربيه فعلا بتحدف شويه و متشجعش اطلاقا انك تفضل ثابت علي نفس السرعه
و اللي خلاني اخد قرار نهائي بخصوص شراء لانسر بومه او صني كان حاجه تانيه خالص غير فكره الثبات السيء دي
الموضوع مادي بحت
البومه سعرها ارتفع مره في التانيه في التالته و هي هي العربيه بكل حاجتها مفيش مسمار زياده
طيب ساعه الشراء كانت اللانسر خليجي 1300 مانيول ب 93 الف
و الصني 1600 اوتوماتك برضو ب 93 الف
في نفس الوقت اللي اللانسر كلاسيك 1600 اوتوماتك كان سعرها اغلي بكتييييير
القرار مكنش صعب نهائي و لما جربت الصني حسيتها راسيه اكتر و ثابته اكتر

يمكن اللانسر المكواه دي اثبت من الصني انت اللي سقت و جربت مش انا
بس لو ممكن توضح انهي موديل صني انت قصدك عليه و مع عدم اختلافي معاك نهائي في نقطه ان المسافه بين الكنبه الخلفيه و ضهر الكراسي الاماميه اضيق من اللانسر لكن الموضوع مش مسبب لي مشاكل او اللي بيركب ورا الكرسي في الكنبه لأني مش من النوع اللي بيرجع كرسي السواق للاخر

و علشان اثبتلك كمان اني معنديش مشاكل وياك اطلاقا ادي عيب كمان من عيوب الصني مذكرتوش انت و ده يمكن لأنك سقت الصني التقفيل الياباني الشكل الاقدم من بتاعت 2007 و هو ان الكراسي الاماميه بتهبط من اتجاه المقعده لتحت

اتمني انك تتفهم اني مش متعصب لأي سياره كانت كلها عربيات و بتتغير بعد فتره طالت او قصرت
و لو عربيه معينه فيها حاجه مش عاجباني ممكن تعجب حد تاني و يتغاضي عنها او متفرقش معاه بالاساس

**bmya** · 17-01-2009 02:27 AM

[QUOTE=zarkoor;596855]الصنى صالونها اشيك .. تابلوها احلى ... تكيفها كويس ... عفشتها ناعمه و احسن داخل المدينه ... ثباتها ضايع على طريق السفر ... عزلها سيئ جدا جدا و صوت ماتورها عالى لما بتمشى بسرعة ... الكنبة الخلفيه المسافه بينها و الكراسى الاماميه ضيقه جدا جدا

QUOTE]

اعذرني ياباشا بس انا عايز اختلف معاك في النقطه دي
الصني من اكتر الاشياء عيب فيها هو ان شكل التابلوه قدييييييييييييييييييم جدا يمكن شكل تابلوه التسعينات
بالاضافه ان عفشته ناشفه جداااااااااا
معلش عزلها مش سئ جدا جدا هو متوسط وصوت الموتور مش مزعج يعني مش صوت عربيه 504 ولا 128
معلش كمان حاجه بالنسبه للثبات العربيات دي يا جماعه مش عربيات سبااااااااااااااااااااااق مش فراري ولا بورش ولا لامبورجيني مثلا
يعني حتي بفرض ان لانسر اثبت من صني فالفارق لايذكر لانهم نفس الفئه والعكس صحيح
المفيد ان العربيتين ثابتين علي السرعات المعقوله مش ازيد من 130 او 150بحد اقصي
:k49:

**bmya** · 19-01-2009 06:18 PM

[QUOTE=zarkoor;602701]

المشاركة الأصلية كتبت بواسطة bmya

كلام حضرتك مظبوط و عين العقل

اما موضوع التبلوه فدى طبعا مسالة اذواق

بالنسبه للثبات اكيد مش بنتكلم عن فيرارى
انا بس ذكرت تجربتى .. انا شغلى كله سفر وبحب الجرى يعنى دايما بدال البنزين فى الارض و اللانسر ال 1300 موديل 2004 كانت بتجيب 165 ازيد او اقل حسب الحموله و الهوا ... الصنى السوبر صالون 2007كانت بتوصل 180 ... اللانسلر عمرها ما خوفتنى فى الملفات ... لكن الصنى كانت بتفتح منى جامد و بضطر ادوس فرامل ...

دى تجربتى الشخصيه و دايما بانصح اى حد ناوى يشترى عربيه انه يعملها تست درايف او ياجرها يوم علشان اللى الاذواق المختلفة ... تحياتى للجميع

طبعا ياباشا دي كلها مساله ازوارق مقولناش حاجه
بس معلش يعني حضرتك العربيات اللي في الرينج بتاع لانسر ونيسان وتويوتا الحاجات الاقتصاديه يعني مش معموله عشان تمشي بيها 180 و 200 والكلام ده وعلي فكره الجريالكتيير علي السرعات العاليه غلط علي الموتور
واعتقد ان النيسان اقصي سرعه ليها 178 كم تقريبا طبقا للكتالوج ودي السرعه القصوي اللي مش فيها ضرر للموتور وفي نفس الوقت مش هينفع انك تفضل ماشي عليها ولانسر نفس الكلام
يعني الشكل ازوراق طبعا لكن الفارق في البات والسرعات بين العربيتين دول حاجه مش بعيده يعني