اشترى بروتون ولا لا

**heshhesh** · 31-07-2013 07:39 AM

ياجماعه من الاخر كده انا معايا صنى الشكل الجديد ومضيقانى فى كذا حاجه

وانا بحب شكل العربيه الجين توو اوى

بس انا عارف مشاكل قطع الغيار

ابيع الصنى واجيب الجين تووو

ولا اخلينى فى اللى انا فيه واسكت وخلاص

**ahmed1981** · 31-07-2013 07:44 AM

تخيل أنا وأنا بشتري قارنت بين الجين2 والرينو سانديرو
واشتريت الرينو وقررت إنها الأفضل رغم إنها أرخص بحوالي 10000 جنيه

الجين تو
مشاكل توكيلها وقطع غيارها بسمع عنها من ملاكها هنا في المنتدى أكثر من أي حاجة

ومعجبنيش خاماتها الداخلية
ولا رزعة بابها

-

**heshhesh** · 31-07-2013 07:49 AM

المشاركة الأصلية كتبت بواسطة ahmed1981

تخيل أنا وأنا بشتري قارنت بين الجين2 والرينو سانديرو
واشتريت الرينو وقررت إنها الأفضل رغم إنها أرخص بحوالي 10000 جنيه

الجين تو
مشاكل توكيلها وقطع غيارها بسمع عنها من ملاكها هنا في المنتدى أكثر من أي حاجة

ومعجبنيش خاماتها الداخلية
ولا رزعة بابها

-

يعنى انت رأيك اريح دماغى من البروتون ؟

**abdoumahros** · 31-07-2013 11:49 AM

المشاركة الأصلية كتبت بواسطة heshhesh

ياجماعه من الاخر كده انا معايا صنى الشكل الجديد ومضيقانى فى كذا حاجه

وانا بحب شكل العربيه الجين توو اوى

بس انا عارف مشاكل قطع الغيار

ابيع الصنى واجيب الجين تووو

ولا اخلينى فى اللى انا فيه واسكت وخلاص

اخي العزيز
التوكيل موش سيء اوي تقدر تقول عليه معقول وفيه مراكز خدمه معتمده من التوكيل زي عصام وصفا وامير وجوزيف مثلا جيده وخدمه كويسه
قطع الغيار متوفره في التوكيل واللي موش موجود ممكن تحجزه زي اي توكيل
قطع الغيار موجوده في المحلات بره كتير زي محل مكه ومحل المدينه وغيرهم في شارع دمشق والحرفيين وغيرهم كتير
اما موضوع التقفيل والخامات فده ممكن تقارنه بنفسك
عموما انا عندي جين 2 والحمد لله ممتازه وده موش معناه ان العربيات الاخري سيئه لكن انا مقتنع بعربيتي

**shshtawy** · 31-07-2013 12:24 PM

المشاركة الأصلية كتبت بواسطة heshhesh

يعنى انت رأيك اريح دماغى من البروتون ؟

مع احترامى الشديد لراى حضرتك ولاكنى عندما قررت انا اشترى اول ما استبعدت من على قائمة الاختيار هى السناديرو لانها لاتقارن بالجين تو من حيث الامكانيات والامان وتتفوق عليها الجين فى العديد من الاشياء الرئيسية والفرعية ودا مش محور كلامنى
بس ياباشا الجين 2 عربية ممتازة بكل ماتحملة الكلمة من معنى وعن تجربة انا كنت بحبها جدا والى قفلنى منها شوية الفرامل بس بعد مافهمت نظامها بقيت بطير بيها من على الارض
قطع الغيار ليها ستين الف محل ومراكز خدمة كتتتتتتتتتتتير هنقل لحضرتك شوية اسامى شفتهم فى موقع تانى بس مش عارف دا صح ولا لا
اقولك انا لما كنت بشترى الجين كنت بقارنها بلنسيان الجديدة والاوبترا والانسر لقيتها مشاء الله احسن فى حاجات كتير وفى نقط تتميز بيها بردة بقيت العربيات التانية من حيث الشكل الامكانبيات الثبات السحب الكمليات لقيت تفوق الجين بشكل ملحوظ واستخرت ربنا بعد ماصدعت عضاء المنتدى وهريتهم اسئلة وجبتها والحمد لله مش ندمان بالعكس فرحان رغم ان الفتايين فى بلدنا كتير وكل الى يشفونى يقلى ملقتش الى دى واية السبب انك تجيب دى وحوارت كتير ...انا جيبها عن اقتناع لانها بسم الله مشاء الله كانت حلم لى من زمان كمان هى الافضل فى تشياء كتير اقرا عنها شوية هنا فى المنتدى هتلاقى كل الى انتا عاوزة:b4_592:

**mr_green** · 31-07-2013 01:29 PM

ياريت توضح إيه هى الحاجات إللى متضايق منها فى الصنى الشكل الجديد لأنها ببساطه ممكن تكون أحسن أو ذى عيوب الجين 2

أنا شايف الصنى أكثر عملية من الجين 2 من الصيانة و المشاكل و الإعتمادية و قطع الغيار و إعادة البيع و التوكيل

**heshhesh** · 31-07-2013 02:57 PM

المشاركة الأصلية كتبت بواسطة mr_green

ياريت توضح إيه هى الحاجات إللى متضايق منها فى الصنى الشكل الجديد لأنها ببساطه ممكن تكون أحسن أو ذى عيوب الجين 2

أنا شايف الصنى أكثر عملية من الجين 2 من الصيانة و المشاكل و الإعتمادية و قطع الغيار و إعادة البيع و التوكيل

اللى مضايق منه فى الصنى

الثبات بعد ال 120

الصاج الضعيف

صفاره مع الفرامل بسبب سوء خامه تيل مصنع نيسان

سحبها ضعيف اوى خصوصا لو راكب معايا اتنين او تلاته مع التكييف

**shshtawy** · 01-08-2013 11:22 AM

اكيد مش كل الصنى زى محضرتك بتقول لان شفت صنى كتير سحب ممتاز مفيهوش مشاكل

**Raul_7** · 01-08-2013 12:00 PM

المشاركة الأصلية كتبت بواسطة ahmed1981

تخيل أنا وأنا بشتري قارنت بين الجين2 والرينو سانديرو
واشتريت الرينو وقررت إنها الأفضل رغم إنها أرخص بحوالي 10000 جنيه

الجين تو
مشاكل توكيلها وقطع غيارها بسمع عنها من ملاكها هنا في المنتدى أكثر من أي حاجة

ومعجبنيش خاماتها الداخلية
ولا رزعة بابها

-

عربية البيت سانديرو و انا معايا جين 2, و لما بركب السانديرو و ارجع اركب عربيتي بكتشف فرق كبير لصالح الجين 2 في كل حاجة, حتي أخويا لما بيسوق الاتنين بيقول نفس الكلام. بس رأيك يحترم أكيد.

بالنسبة للمشاكل مش هتسمع أكتر منها هنا في المنتدي, عشان مفيش حد بيعمل موضوع في الغالب الا لو عنده مشكلة. و ده اللي طفش أغلب الأعضاء من القسم.

**DESIGNER105** · 02-08-2013 06:51 PM

الجين تو عربيه كويسه جدا معايا بقالى سنه ونص..تعبتر صفقه رابحة مقابل السعر ..ووممكن تتنازل شويه عن سوء الخامات فى بعض الحجات

..قطع غيارها موجوده بره التوكيل وفى كتير بقو يشتغلو فيها دلوقتى ....

عيبها التوكيل ..فعلا سىء حتى مراكز الخدمة المعتمدة من التوكيل والى معروفه لكل ملاك بروتون ..بردو سيئة جدا ..هم كبيرهم الصيانه الدورية وبس تغير زيت او فلاتر وسيور وكده وشكرا ...

لكن شغل ميكانيكا وفنيات انسى ... وعن تجارب كتير ....وممكن ترحلهم بمشكله بسيطه يلبسوك فى حوارات وتدفع مبلغ كبير عالفاضى

...انا بجيب كل حجتها من بره واعرف مكنيكيه بيشتغلو فيها ..وطول منا بعيد عن التوكيل الحياه زى الفل .......

اما بقى الناس الى بتقولك مفيش قطع غيار اصليه بره التوكيل والكلام ده ...ماشى انا مصدقهم ...بس اذا كان قطع الغيار الاصليه الى ركبه فى العربيه اصلا بازت قبل معادها ..طيب نجرب بقى المضروب الى بره .... :) ولا ايه

الموضوع: اشترى بروتون ولا لا

LinkBack

أدوات الموضوع

عرض

اشترى بروتون ولا لا - انشر الموضوع فى :

-

-

-

-

-

-

المواضيع المتشابهه

اشترى اية ؟؟ ( هيونداى i10 فيرنا لوجان بروتون ساجا byd )

عروض بروتون فى صيـف 2010 -, شماسات بروتون الجديده + أكواب بروتون الجديده ,-

عاوز اشترى بروتون ساجا ومحتار !!!!!!!

مش عارف طالع فى دماغى اشترى توكيل بروتون من ماليزيا

الكلمات الدلالية لهذا الموضوع

المفضلات

المفضلات

ضوابط المشاركة