اتسحبت رخصة العربية مني امبارح

**عاشق الفولفو** · 02-09-2008 05:12 PM

المشاركة الأصلية كتبت بواسطة dede_dodo88

أه معايا رخصة خاصة
يعني مش ممكن واحد ظابط يرخم معايا و يلفقهالي مخالفة ولا حاجة ؟!

المفروض حسب القانون ان اختك او والدك او اخوك هم اقرباء من الدرجة الاولي لذلك لا تحتاج الي توكيل من اجل قيادة السيارات الخاصة بيهم ((وطبعا الاسم حيبان في الرخصة)) اما بالنسبة لو كنت واخد عربية والدتك او اي شخص اخر لازم يبقي معاك توكيل وده لو عايز تعمله سهل اوي بيطلع من الشهر العقاري في خمس دقايق وتريح دماغك

**coolsh** · 02-09-2008 05:13 PM

بما اننا فتحنا موضوع المخالفات لسه وانا في ماريني من اسبوع اتسحبت رخصتي من ظابط ابن ناس (اللهم اني صائم) مع ان قريبي ظابط كان راكب معايا بس من القاهره المهم كتبلي المخالفه تلوث ضوضائي سمعي صوت مسجل عالي :) لما وصلت الفاهره رحت مرور المعادي اشوفها وصلت موصلتش وثانيا كل ما حد يسمع المخالفه ده يضحك ويستعجب ويشتم في التحكمات.... السؤال المهم حد ليه فكره عن المخالفه ده وتمن الغرامه للمخالفه ده؟؟ يا ريت تفيدوني..

**Tamer-Ezzat** · 03-09-2008 04:51 AM

المشاركة الأصلية كتبت بواسطة coolsh

كتبلي المخالفه تلوث ضوضائي سمعي صوت مسجل عالي :) ..

المخالفة تبعاً لنوع المغنى :
شعبان عبد الرحيم 200ج
عمرو دياب 100 جنيه
الست أو/ عبد الحليم 50 ج
شريط فاضى : 3 جنيه

كفاية تهريج يا بلد

**ahmed_su** · 03-09-2008 10:57 AM

المشاركة الأصلية كتبت بواسطة t5554983

المخالفة تبعاً لنوع المغنى :
شعبان عبد الرحيم 200ج
عمرو دياب 100 جنيه
الست أو/ عبد الحليم 50 ج
شريط فاضى : 3 جنيه

كفاية تهريج يا بلد

حلوة التسعيرة دى

بس ماقلتش نجوم أف ام بكام ؟!!!!!

**elbeheri** · 03-09-2008 02:17 PM

المشاركة الأصلية كتبت بواسطة amongy

نصيحه يا شباب موضوع انك تركب عربية حد قريبك من الدرجة الاول او التانية الرخصة هتتسحب هتتسحب وتاخد مخالفه وحصلت مع واحد صحبى ظابط واقفه فى لجنة و صاحب العربيه اللى هو اخوه كان راكب معه الظابط قاله عشان يسوق اى عربية لازم يبقا معه توكيل بس مش فاكر بصراحة عمل معه ايه الاحسن ان فعلا كل واحد يعمل توكيل ادارة ب15 جنية فى اى شهر عقارى لاى حد بيركب العربيه بصرف النظر عن درجة الاقاربه.

الكلام ده انا اول مرة اسمعه ........ اما باسوق السيارة ( وهى باسم والدتى) لازم يكون معايا توكيل!!!!!!!!!!!!!!! ......... والتوكيل ده اعمله ازاى وفين ............ ارجو الافادة ؟؟؟؟؟؟؟؟؟؟؟؟؟؟؟؟

**أبــوحبيبه ونور** · 03-09-2008 02:34 PM

التوكيل بيتعمل فى اى شهر عقارى بس صاحب العربية هو اللى بيعمله بنفسه والافضل يكون توكيل عام مش خاص الفرق بين دا ودا ف السعر 15 جنية التوكيل العام اشمل لاى عربية باسم صاحب التوكيل بيكون حق للموكل له بادراة جميع السيارت الحالية والمستقبليه باسم الموكل