الموضوع: يا خساره الرجاله

انهارده كده علي العصرحصل موقف عمري ماشوفته في حياتي قبل كدة
ومش هشوفة ان شاء الله
في شارع البطل احمد عبد العزيز في تقاطع معاه مش فاكر اسم الشارع المتقاطع معاه ( تقريبا عبد المنعم رياض )
المهم في التقاطع كان في سواق تاكسي عمال يزنق في العربيات في التقاطع عشان يعدي بالدراع المهم جت بنت راكبه جيتز وكحتت حته صغيرة في اكصدام التاكسي من قدام لقينا سواق التاكسي نزل ضرب البنت بالبوكس في وشها وشد الاشارب والبنت في العربية معملتش حاجة وجة يفتح الباب بتاعها كان مقفول قامت البنت قفلت الازاز قعد يضرب بالبوكس علي الازاز قامت البنت جريت بالعربية
شوفت انا وصاحبي الموقف دة الدم ضرب في نفوخنا جرينا ورا التاكسي وزنقنا عليه لحد موقف صاحبي نزل بالخنجر وانا نزلت بالحديدة بتاعت الدركسيون
وشدينا السواق من التاكسي وظبتنا بكلمتين وقمت شايطله الاكصدام بالشلوت وقولتله تعالا يا دكر ورينا هتعمل ايه
قاعد يتاسف وانا غلبان وشغال علي العربية والالش دة
طاب يعني ما انت كنت بلطجي من شويه دلوقتي بقيت انثي
انا لحد دلوقتي مش عارف انام من الموقف دة واكيد زمان البنت منهارة في بيتها وهتبطل سولقة تاني
واللي يفقع ان مفيش حد من الشارع او العربيات فكر ينزل يعمل حاجة او حتي يزعق
انا لله وانا اليه راجعون
ده اللي بيحصل في البلد ده اقل واجب
احنا عايزين بركان ولا تسونامي ولا نيزك يشيل البلد من علي الخريطة
لا يغيير الله ما بقوم حتي يغيروا ما باانفسهم
ربنا يتولانا برحمته