سمعت أن فيه مشاكل الفتيس التسيبترونك يا ترى صح ؟ الحاجة التانيه سمعت برضه أن أحسن موديل السوبر اكشن ٢٠٠٧ و ٢٠٠٨ ممكن حد يقولى ليييه ؟
عرض للطباعة
سمعت أن فيه مشاكل الفتيس التسيبترونك يا ترى صح ؟ الحاجة التانيه سمعت برضه أن أحسن موديل السوبر اكشن ٢٠٠٧ و ٢٠٠٨ ممكن حد يقولى ليييه ؟
ببساطه لان اخر الموديلات اليبانى 100% سنه 2010 وعلشان كده هاتلاقى سعرها مستعمل رافع وممكن يوصل ل 115000
اما الموديلات الى فيها استيب ترونيك تجميع ماليزى
أنا شفت سوبر اكشن. فتحه سقف سبويلر كساحات. جنوط أوتوماتيك فتيس ستبترونيك والعداد الجديد والطاره بدون فرش جلد ،عامله ٦٥ ألف كيلو لون اسود وصاحبها طالب ١٠٨ ألف. ، ايه رايكم فيها ؟ ودى بقه ياباني ولا تجميع ماليزي ، وايه الأحسن ، اشترى دى ولا أدور على موديل تانى ؟ وشكرا مقدما
خليك فى الموديلات لغايه 2010 حتى العفشه بتاعت الموديلات الجديده وحدوها يعنى خلو عفشه ال 1600 زى ال1300
بالنسبة لسعرها عامل ايه ؟
وبعدين حضرتك بتقول ابعد عن الموديلات اللى فيها ستي بارونية علشان تقفيل ماليزي وفى نفس الوقت بتقول أن آخر الياباني ٢٠١٠ ، طيب ما ال٢٠١٠ فتيس ستيبترونيك ،،،، وعفشتها ١٦٠٠ ولا ١٣٠٠ ممكن توضيح
ياباشا انا عربيتي 2013 1600 و العفشه متعدله اه بس العربيه وارد اليابان 100%أنا برخص شفت الافراج وارد اليابان و أعتقد إستحالة يكون تجميع ماليزي و الافراج وارد اليابان.و عموما أنا مصور الأفراج بتاع العربيه لاني سمعت كلام الماليزي دا و كنت حابب أتاكد فصاحب المعرض وراني الافراج و اكدلي انها مصنعه باليابان
حد يقدر يفيدنا إذا كان موديل ٢٠١٠ بينزل فعلا بعفشه ١٣٠٠ مش ١٦٠٠ ولا ده مش حقيقى
حضرتك انا ماقولتش انها صناعه ماليزى انا قولت تجميع يعنى هى متصنعه فى اليابان ومتجمعه ماليزيا
وبالنسبه لسنه 2010 فى الموديلات القديمه وهو عامه الموديل ده اتوقف بره من بدرى
وبالنسبه للافراج حضرتك لما تشترى عربيه كورى وتجميع مصر بيكتب فى الافراج مصرى ولا كورى
المصانع اللي بيتقفل فيها لانسر بومة موجودة في اليابان-الهند-اسبانيا-فنزويلا-تايلاند-الفلبين-تايوان
العربية اللي بتيجي مصر صناعة ياباني وتقفيل ياباني ولا صحة لموضوع ماليزيا ده لأن أصلاً مفيش لانسر بتتجمع في ماليزيا!!!
الإفراج بيتكتب فيه مصدر الشحنة اللي هو بلد التقفيل يعني النيسان تيدا مكتوب في الافراج بتاعها المكسيك مش اليابان
بالنسبة لموضوع الاستبترونك فالفتيس ده هو نفس الفتيس الاوتوماتيك الاربع نقلات Invics II من ايام الكريستالة والبومة 1300 وكل اللي حصل ان بدل ما يبدأ ب L 2 3 خلوه ستيبترونك مش أكتر
بالنسبة للعربية ذات نفسها مش عارف ليه الناس لسة متمسكة بيها وبتشتريها بأرقام خيالية فوق الـ100 الف!
+11111111111111111
مفيش عربية لانسر دخلت مصر تقفيل اي حاجة غير اليابان و كل الناس اللي شارية العربية الافراج الجمركي بتاعهم من اليابان و انا كمان شفت الافراج بعيني لانه اتأخر عقبال ما وصل و فضلت ماشي بتصريح 3 شهور و العربية موديل 99 و كنت شاريها زيرو
البومة مفيش منها اي عربية دخلت مصر تقفيل اي حاجة غير اليابان كل اللي حصل ان ميتسوبيشي عملت مصنع للقطع الكاوتش في تايلاند و بدأت تستعين بيه في بعض اجزاء العربية بنفس الجودة و بتتقفل برضة في اليابان
الكلام اللي بقوله من جوة التوكيل من اصدقاء اعزاء
والله اعلي و اعلم
شكرًا لكل الردود والمعلومات ، لكن برضه محدش قالى أجيب سبورت ٢٠١٠ ولا سوبر اكشن ٢٠٠٧ ولا ٢٠٠٨ ولا ٢٠٠٩ أنا محتار جداااااااا
طالما ان حضارتكم متاكدين انها تقفيل يابانى مش حاجه تانى
فانا بعتذر عن الخطاء ده وارجو قبول الاعتذار
اما بالنسبه لموضوع العفشه فانا متاكد ان العفشه بقت موحده مابين ال 1300 وال 1600 عكس الموديلات القديمه
أنا هاقولك علي نصيحة لو تعرف حد جرب سوق عربيته و قارن و إحكم بإحساسك علشان تكون مستريح
للأسف معرفش حد عنده العربيه ، وردود الزملاء مختلفه وبقيت محتار اكتر ، أنا قدامى عربيتين ، سبورت ٢٠١٠ فابريكه بالكامل ٦٥ ألف كيلو ب ١٠٥ ألف والتأنيه سوبر اكشن ٢٠٠٧ فابريكه بالكامل ٣٣ ألف كيلو فقط وبنفس السعر ، غاليه شويه بس حالتها فابريكه بجد ، ومش عارف أجيب ايه ، ناس تخوفنى من التسيبترونك والعفشه و الخامات الرديئة وناس تقولى خليك فى الموديل الأقدم ،،،،، مين يقدر يفيدنى بجد
ياباشا حالياً عربيتي موديل 2010 بالنسبة للفتيس فاهو معلش يعني اعذرني في اللفظ حمار شغل وسحبة اكثر من الموديلات السابقة انا بكلم حضرتك عن الفتيس الاستيبترونيك والعربية ياباني مية في المية .. نيجي للعفشة بالفعل اتغيرت من موديل 2010 الي الان وهي عفشة 1300 بالفعل هو دة فقط الاختلاف موضوع العفشة طبعاً عفشة الموديلات السابقة افضل موضوع الفتيس لاتقلق نهائي .. الفتيس جبار بمعني الكلمة وحضرتك لك حرية الاختيار .. وربنا يوفقك لما فية الخير