الموضوع: عايز اغير كاوتش اللوجن ايه افضل نوع

المشاركة الأصلية كتبت بواسطة ahmed a rahman

1 تستفيد منه لو معاك استيكر المنتدى تشتريه من كريم منير ب 50 جنيه بس حتاخد خصومات في المحلات المشاركة في عروض نايل موتورز خصوصا بريدجستون (fix & fit )

2 انا ضد تكبير حجم الكاوتش لان الباب مكتوب عليه اكبر مقاس هو اللي بينزل في مصر , رغم ان الاعضاء اللي كبروه الى 195/60 بيقولوا مفيش فرق

3 ال gt طبعا من الكاوتشات الاندونيسي الجميلة, بس اخر معلوماتي انه ناشف (او رياضي) وعشان كده بيحطه اللي عايز يستفيد بالكاوتش لوقت كبير لانه مبيتاكلش بسرعة , هل فيه منه طري دلوقتي او كاوتش مريح , ياريت .

4 متكلمتش على my01 / my02 لانه مبينزلوش مقاس اللوجان
العقدة دي عندي من 2009 لما اشتريت العربية
غيرت الكاوتش مرتين وبرضه بصطدم ان مفيش المقاس ده لازم تعرض الى 195/60 وانا ضد تغيير مقاس الكاوتش الاصلي
بس برضه خلي بالك انهم بداية الكاوتش الرياضي, يعني مقارنة باليوكوهاما او البريدجستون gr90 حيبقوا اقل راحة واحساس اكبر سنة بالمطبات يقابله ثبات اكبر على السرعة العالية والانحرافات والفرامل اقوى

انا سالت على اليوكوهاما لقيته ب525ج والبريدجستون gr90 لقيته ب720ج
انا كده غالبا هجيب اليوكوهاما لان الفرق بينهم فى السعر كبير ومن السؤال ناس كتير اكدت لى ان اليوكوهاما عجله ممتازه ومفيش فرق بينها وبين البريدجستون
بس انا في حاجه فى كلامك بس مش عارف فهمتها غلط ولا ايه انت بتقول ان الثبات على السرعة العالية والانحرافات فى الكاوتشات غير الرياضيه افضل عشان الكاوتش انشف انا مش فاهمها دى صراحه اللى اعرفه ان الكاوتش الرياضى معمول لسباقات السرعه فالثبات بتاعه المفروض يكون اكبر من العجل غير الرياضى ولا ايه؟؟ وهل فيه من الكاوتش اليوكوهاما عجل غير رياضى ولا كله رياضى؟؟ وازاى اعرف الكاوتش الرياضى؟؟

المشاركة الأصلية كتبت بواسطة ahmed a rahman

ونرزع الاسطنبة بتاعتي بتاعة كل مرة



خد بقى الخلاصة من صاحبك عشان حيغير للمرة الثانية
حتكلم على مقاسات الكاوتش الموجودة في مصر

bridegstone turanza gr90 سعره730 جنيه
بعد خصم المنتدى بيبقى ب 680 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام وفرامل اكتر من رائعة
عامل عليه لحاد الآن 68 الف كيلو ولسه شكله حيقعد لحاد 70 الف كيلو
معمول بتكنولوجي انه لا يفقد خواصه مع تآكل الكاوتش



kumho kh17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



michelin xm2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



pirelli
prielli centurino p1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
kumho ecsta lx platinum ku27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
yokohama c drive
عجلة فيها كل مميزات ال kumho ecsta
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي و600 في مدينة نصر
توكيلها غبور


ايه رأيك

شكرا على المعلومات القيمه فين توكيل يوكوهاما فى مدينه نصر بعد اذنك ؟