معروض عليا اوكتافيا a5 موديل 2008 .. ايه رايكم ؟؟

**abohalmos** · 01-08-2013 06:56 AM

كل عام و انتم بخير جميعا دول اول مشاركة ليا من فترة طويلة و اول مشاركة ليا في قسم الاسكودا
انا معروض عليا اسكودا اوكتافيا a5 .. موديل ٢٠٠٨ .. بتاعة حد قريبي محترم جدا و سبب البيع هو انه هايستلم عربية جديدة في شغله .. نيجي بقي للمواصفات :
١- اوتوماتيك هاي لاين ( فتحة سقف و بلوتوث و تلاجتين و كل الكماليات دي )
و معلش انا معرفش في الفئات بتاعة الاسكودا
٢- العربية عاملة ١٥٠ الف كم و ده لانه صاحبها بيسافر كتير و طبيعة شغله كده
٣- العربية حالتها الداخلية ممتازة و الخارجية ماعدا بعض الرتوش اللي هاقول عليها
٤- العربية معملتش حوادث و لا حاجة لكن اتخبطت قبل كده في الاكصدام
٥- معظم صياناتها في التوكيل
٦- العيوب اللي قاللي عليها و زي ما قولت انه شخص محترم للغاية و لا اشك به اطلاقا : التكييف مش شغال و قالي انه ممكن يحتاج كومبريسور و الاكصدام الامامي محتاج تغيير بسبب الخبطة اللي فيه و قاللي انه الكشافات الامامية ممكن تحتاج فيها تغيير
٧- السعر اللي بيقوله انه حاطط سعر ٩٥ الف بس هايخصم تكلفة تصليح الحاجات اللي قال عليها يعني ممكن تنزل لحاجة و تمانين مثلا
٨- فيه تسهيل في السداد بحكم القرابة يعني هاياخد تلتين المبلغ و التلث بعد ٤ شهور..
ده الموقف اللي قدامي و انا هاشوف العربية لانها في القاهرة و انا من الصعيد علي الاسبوع الجاي .. ايه رايكم يا وحوش الاسكودا ؟؟؟ اخلص فيها و لا ايه ؟؟؟
علي فكرة انا معايا لوجان فول اوبشن ٢٠١٠ مغربي و عامل بيها ٣٧ الف كم مانوال .. بس نفسي اركب سكودا لانها عاجباني من بدري و مكانش معايا ساعتها غير تمن اللوجان .، انما دلوقت الحمد لله الامور كويسة و الراجل عارض تسهيلات بسبب القرابة و كدة ؟؟؟
المطلوب دلوقتي .. هل السعر كدة كويس ؟؟ و اكشف عليها فين ؟؟ و الحاجات اللي قال عليها دي اصلحها فين و كده ؟؟؟

اسف علي الاطالة و تقبلوا صداقتي و تحياتي
د. جلال

**Moratoz** · 01-08-2013 09:09 AM

بص بصراحع هوا السعر مغري جدا وخاصه لو تم خصم ثمن الأصلاحات المطلوبه ولو العربيه زينون هتلاقي الفوانيس غاليه شويه
وطبعا الكيلو عالي بس مش مشكله لو العربيه معملول ليها صيانات محترمه ومفهاش مشاكل واعمل حسابك ان لو في نصيب فيها اول ما تشتريها تعملها صيانه كامله من سيور وفلاتر وزيوت
وجود صله قرابه لا يمنع من الكشف الكامل عليها وبتأني علشان نبقي مطمنين علي العربيه محل الشراء وخلي بالك ساعات اصحاب العربيات مبيقولش كل حاجه فلازم تكشف كويس وفي مكان كويس وتكشف علي الفتيس جيدا
ممكن تكشف في التوكيل او عند مركو مهندس هاني في جسر السويس او محمد سمير في النزهه االجديده عند المطار
واخيرا الراحع النفسيه لحضرتك داخل العربيه ونصيحه لحضرتك قبل ما تقرر شرائها شوف في مراكز خدمه او مراكز صيانه للتعامل معها في مدينتك ولا لأ علشان في ناس بتشتكي بعد شراء بعض الأنواع من عدم وجود مراكز او ورش فاهمه في نوعيه سيارات معينه
وتقبل تحياتي

**AhmedNaeem** · 01-08-2013 11:06 AM

بصراحة ده سعر كويس قوي
ومبروك مقدما

**NaderNabil** · 01-08-2013 11:11 AM

سعر ممتاز جداً و مش هتلاقيه في أي حتة تاني...خصوصاً ان فيه مجال لخصم و تسهيلات في الدفع كمان

أهم حاجة إكشف على العربية في التوكيل و خد تقرير مفصل بحالتها و الشغل المطلوب فيها...بس طبعاً مش هاتعمل الشغل ده في التوكيل

لو أخدتها على 90000 و صرفتلك 10000-15000 العربية هاترجع عروسة و انت الكسبان 100%

**Thebutcherr** · 01-08-2013 01:00 PM

توكل علي الله معنديش كلام زيادة عن الشباب

**abohalmos** · 01-08-2013 01:41 PM

الف الف شكر لكل رجالة سكودا و ده العشم برضه في منتدي نايل موتورز الجميل اللي بيخلي الواحد يتشرف بآراء ناس محترمة زي حضراتكم طب انا ان شاء الله هاكون موجود في القاهرة علي يوم الاتنين الاسبوع الجاي .. اخد العربية و اكشف عليها فين .. قصدي يعني في انهي فرع للتوكيل .. علما بأني العربية مابين التجمع الخامس و مصر الجديدة ؟؟؟
طب و بالنسبة للتكييف لو محتاج كمبروسور .. او محتاج حد امين يشوف يظبطه ازاي .. اروح لمين يكون كويس في التكييف بتاعها .. لان التكييف ده اهم حاجة في العربية في الصعيد و ما ادراك ما جو الصعيد ؟؟؟ و هل التوكيل الافضل .. لانه الكومبروسور ده اكيد حاجة غالية ؟؟؟
و هل يا تري فيه حد من وحوش سكودا في التجمع الخامس بحيث اتواصل معاه ؟؟؟
و اكيد طبعا هاوافيكم و اتعبكم معايا الفترة اللي جاية لغاية ما نشوف ايه الوضع بالظبط و ربنا المستعان ..
اكرر شكري و اعتزازي بمساعدتكم و جزاكم الله عني خيرا ..

**M.sheashaa** · 01-08-2013 01:45 PM

اكشف على العربية كويس عند احمد زاهر او هانى واهم حاجة ان تتأكد ان الفتيس سليم وتغيير الكمبروسر امره سهل انا لسه مغييره فى الحرفيين حطيت كمبروسر جولف 4 وربنا يباركلك فيها باذن الله

**Moratoz** · 01-08-2013 01:49 PM

عندك فرع القطاميه علي الدائري بالقرب من التجمع الخامس بس الأول حاول تجيب رقمهم وتشوف الموضوع ونظام الحجز ايه
ولو بره التوكيل عندك مركز هاني في جسر السويس بعد حديقه بدر مباشرة في الأربعين وعندك مركز محمد سمير في النزهه الجديده امام جسر السويس
اما التكيف لو الكمبسور بايظ عندك حلين الأول تجيب الكمبرسور بتاعها وكنت اعرف انه بحوالي 5000 جم طبعا غير الشحن وخلافه والحل الثاني تجيب كمبروسر استيراد بتاع تويوتا كرولا مثلا وبيبقي افضل جدا في التبريد وتقريبا بالتركيب والشحن حوالي 1500الي 2000
وربنا يوفق حضرتك ان شاء الله