-تحذير واجب- كارتون قصص النساء فى القرآن-

بسم الله الرحمن الرحيم

الأخوة الأفاضل أنا عايز أكتب الموضوع ده بقالى فترة بس سقط منى سهوا فى مشاغل الحياه


للصدفة البحته فأنا قليلا ما أشاهد التلفزيون بس من وقت للتانى بحب أشوف أولادى بيتفرجوا على إيه و أنا أصلا أغلب الوقت معودهم مايتفرجوش عليه و الحمد لله خصوصا لوحدهم

المهم فى مرة قبل الفطار راجع من شغلى و فارد على السرير و سامع حلقة قصة سيدنا يوسف فى القرآن - على قناة الحياة - هو كارتون بيحكى للأطفال المفروض يعنى قصص النساء فى القرآن و كده بصوت يحيى الفخرانى

كنت سمعت كام حاجة برده عن قصة إمرأة فرعون و قصة سيدنا آدم و حواء و أولادهم و صراحة قلقت منه بس مش لدرجة المنع و بعدين لما سمعت قصة سيدنا يوسف تأكدلى التالى:

1- القصص تحتوى على معلومات لم تذكر فى القرآن أو السنة مثل - قصة أولاد سيدنا آدم - و مثل إمرأة العزيز و تفاصيل لم تذكر فى الكتاب أو السنة

2- قررت بشكل قاطع وقف متابعة الكارتون ده لما يحتويه من معلومات مغلوطة و من أشياء إعتبرتها كبيرة على الأطفال مثل زواج الأخ من أخته و قتل الأخ لأخيه فى قصة سيدنا آدم و قفلته قبل ما يدخلوا فى تحرش إمرأة العزيز بسيدنا يوسف إللى من المفترض مطلعينه كأنه إبنها و لقيت السياق ماشى فى سكة مش ولابد

طبعا ذاكرين إن إمرأة العزيز تدعى زليخه وده إسرائيليات - و ذاكرين إسم زوجة و إبنة فرعون و ذاكرين أسماء سيدنا آدم


اللهم بلغت اللهم فاشهد

و حسبى الله و نعم الوكيل فى كل من أراد تسميم عقول أطفالنا

الفكرة عموما بنظرى مرفوضه - فكرة اننا نسمع من غير ذوى الشأن. لما نحب نعرف قصص القرآن اكيد مش هسمعها من الفخرانى.

معظم تفاصيل القصص ده بيبقى جي فعلا من الاسرائيليات , وللأسف كتب التراث بتنقل الكلام ده عنهم عادي كأنه جزء من تراثنا الاسلامي , لكن طبعا كله بيبقى كلام مغلوط و غير صحيح

جزاكم الله خيرا أخي الفاضل

فالرسوم المتحركة من الأفلام الكرتونية غالبا لا تكون منضبطة بالضوابط الشرعية فضلا عن حشوها بإضافات ليست من الكتاب والسنة ,

وإضافة حوارات كاذبة لم تحدث أصلا نسأل الله العفو والعافية

ومن أفضل سلاسل الأفلام الكرتونية الإسلامية كرتون أحكام القرءان والذي يحتوي على الكثير من المقاصد التوجيهية والتعليمية والتربوية

ويخلوا من المحاذير الشرعية كالموسيقى وغيرها

براحة شوية ياجماعة ماله الفخرانى طول عمره فنان محترم و بعدين القصص ديه اكيد بتعرض
على الازهر قبل العرض و بعدين انا طول عمرى اعرف ان زوجة العزيز اسمها زليخة.

اقتباس:

---

المشاركة الأصلية كتبت بواسطة shikh_khaled

جزاكم الله خيرا أخي الفاضل

فالرسوم المتحركة من الأفلام الكرتونية غالبا لا تكون منضبطة بالضوابط الشرعية فضلا عن حشوها بإضافات ليست من الكتاب والسنة ,

وإضافة حوارات كاذبة لم تحدث أصلا نسأل الله العفو والعافية

ومن أفضل سلاسل الأفلام الكرتونية الإسلامية كرتون أحكام القرءان والذي يحتوي على الكثير من المقاصد التوجيهية والتعليمية والتربوية

ويخلوا من المحاذير الشرعية كالموسيقى وغيرها

---

جزاك الله خيرا يا شيخ خالد على إضافة ردك فى موضوعى المتواضع

اقتباس:

---

المشاركة الأصلية كتبت بواسطة kayson

براحة شوية ياجماعة ماله الفخرانى طول عمره فنان محترم و بعدين القصص ديه اكيد بتعرض
على الازهر قبل العرض و بعدين انا طول عمرى اعرف ان زوجة العزيز اسمها زليخة.

---

سيدى الفاضل مع إحترامى لحضرتك و إحترامى للفخرانى (كممثل أو فنان) مش عالم أو شيخ

مش معنى إن حضرتك طول عمرك تعرف إن إسمها زليخة يبقى المعلومة مصدرها الكتاب أو السنة !

هو ده للأسف الواقع إللى إحنا عايشينه إن الإسرائيليات أصبحت موضوعه فى الكثير من أمورنا بلا سند صحيح

لو حضرتك شايف إن كلامى خطأ ياريت تدلنا على السند من القرآن أو السنة على صحة القصة

انا بردوا فكرت فكده

بالرغم من اتفاقي على ملاحظات الاخ كاتب الموضوع على البرنامج و ربما غيره من برامج .. و لكني اتحفظ على توقع و افتراض سوء القصد و النية .. و ارى ان الاجدى هو محاولة الاتصال بصانعي الكارتون و تبصيرهم .. فليس من المصلحة ابدا تحييد اناس تبذل كل الجهد .. قد تجهل بعض تفاصيل .. و لكن يجمعنا معهم حبنا لديننا .

جزاكم الله خيرا .

اقتباس:

---

المشاركة الأصلية كتبت بواسطة forever.leo

بالرغم من اتفاقي على ملاحظات الاخ كاتب الموضوع على البرنامج و ربما غيره من برامج .. و لكني اتحفظ على توقع و افتراض سوء القصد و النية .. و ارى ان الاجدى هو محاولة الاتصال بصانعي الكارتون و تبصيرهم .. فليس من المصلحة ابدا تحييد اناس تبذل كل الجهد .. قد تجهل بعض تفاصيل .. و لكن يجمعنا معهم حبنا لديننا .

---

أخى الفاضل أنا لم أفترض سوء النية أبدا بدليل أن ما يتم عرضة فى أغلب قنوات الإعلام المحلى أو العالمى هو إعلام موجه

بدليل إن كارتون توم أند جيرى هو أساس تربية الطفل على العنف بإعتراف أخصائى الطب النفسى و تربية الطفل و غيره وهذا على سبيل المثال لا الحصر

هاتقولى نظرية المؤامرة هاقولك لما يكون كل المعروض قدامك بيدفع فى إتجاه واحد أى كانت الدوافع لكن النتيجة واحده فهنا لازم آخد حظرى

لو النية خالصة من منتجى البرنامج فكان لازم يكون فى مراجعة من جهة دينية مختصة مش أى حد فى أى حته

لو النية خالصة من منتجى البرنامج ليه الفواصل بيتعرض فيها إعلانات كلها مقاطع رقص هابط من أفلام هابطة ؟؟