الموضوع: مشكلة عائلية وعايز النصيحة

الحزم

لا حول و لا قوة إلا بالله

والله يا أخى مش عارف أقولك إيه غير ربنا يصلح الحال لما يحب و يرضى - أرجوا منك تقبل النصيحة بصدر رحب

شوف هاقولك إنت قصرت فى حق نفسك و أولادك فى كذا نقطة:

1- إنت بتقول حقوقك كزوج بتديهالك بالغصب

و مع ذلك مفكرتش ليه ده حاصل و كملت حياتك بشكل طبيعى - و ده من أكبر الغلطات - طالما بالغصب يبقى فيه حاجة غلط - مش هادخل فى تفاصيل ذى كده بس لازم تراجع إبه إللى منفرها منك و إننت أكيد هاتعرف - عشان ذى ما إنت ليك حق شرعى هى كمان ليها حق شرعى و المفروض هى تاخد حقها قبل حقك أو معاك فى نفس الوقت

غير كده الموضوع ده أعتقد خلق ما بينكم جفاء و بعد و صور بيعلى كل يوم عن اليوم إللى قبله

و مع ذلك ده يتصلح بالصبر و أول حل لأى مشكله هو الإعتراف بوجودها - و طالما إنت راجل متعلم و مطلع أكيد مش هاتغلب فى البحث على الإنترنت و تقرأ فى المواضيع دى كويس و ممكن تراجع كتابات الدكتوره هبه قطب فى المواضيع دى

بأكد هاتحتاج صبر لأن إنت عندك مشكله تراكمية


2- إنت تتصل بزوجتك و تطلب منها إنك تقابلها فى حته بره - قولها عازمك على الفطار النهارده بره

الهدف إنك تسحبها بره البيت بعيد عن إللى مبوظين دماغها و إتكلم معاها بكل هدوء و هى مراتك و إنت أكثر واحد عارفها

إسمع إيه مشكلتها و هل هى عايزة تكمل معاك ولا لأ و ليه و إديها فرصتها فى الكلام كاملة - بمعنى أصح خدها على الهادى و فرغ الشحنه

بإفتراض إن المواضيع بينكم مشاكل عبيطة - قولها لكل مشكلة حل و أنا عن نفسى هاقوم بالحلول المناسبة و المطلوبة من نحيتى

لكن فى نفس الوقت أنا كمان عندى مشكلة و هى إن أنا مش هاقدر أعيش فى شقتك تانى بعد إللى حصل بجانب إن كثر الإحتكاك بيولد مشاكل و لو إحنا عايزين نعيش بأقل قدر من المشاكل يبقى لازم نقفل على مشاكلنا ما بينا و مندخلش فيها حد لا من قريب ولا من بعيد

و عشان كده إحنا هانرجع نعيش فى شقتنا و هانتفق ما بينا إن مشاكلنا مانحكيهاش لحد برانا و نحلها بهدوء عشان نعيش و عشان ولدنا


كانت متجاوبة و إن شاء الرحمن تكون - يبقى خير و بركة - أصرت على موقفها يبقى رجعها بيت أهلها و إطلع لم حاجتك من سكات من غير خناق و سيبها عند أهلها ولا تعبرها و خليهم ينفعوها و هى حبة و هاتتخانق معاهم و هاتدور عليك و ساعتها هاتملى عليها كامل شروطك و مش بعيد ساعتها تمنعها من الإتصال بيهم إلا بمواعيد محددة و فى حضورك

شكرا يا اخى العزيز
طيب فرضنا انها مش هترد ع التلفون او هترد وهترفض المقابلة ؟ اعمل ايه
انا عايز اعمل اجيب ناس كبيرة من عندى وناس من عندها .. ايه رايك

المشاركة الأصلية كتبت بواسطة مصرى الاصلى

شكرا يا اخى العزيز
طيب فرضنا انها مش هترد ع التلفون او هترد وهترفض المقابلة ؟ اعمل ايه
انا عايز اعمل اجيب ناس كبيرة من عندى وناس من عندها .. ايه رايك

لا شكر على واجب - والله في عون العبد ما كان العبد في عون أخيه

جرب تتصل بيها مردتش - إبعت رسالة "أنا عازمك على الفطار النهارده فى المكان الفلانى مستنى ردك" و إختار مكان ليه ذكرى حلوة بينكم

إفتراض إنها ماردتش أو رفضت - يبقى تصبر عليها يومين تكلمها مرة واحدة مش أكثر إسأل سؤال واحد لسه مصرة على موقفك ولا مستعدة نتكلم ؟

رفضت كلم أخوها الكبير و قوله عايز نتقابل و إتكلم معاه و وضحله وجهة نظرك و أكد إنك عايز تصلح و سيبه يرجعلك برد و يفضل أوى تقوله إنك عايز تقعد معاه هو و جوز أختها الكبيرة سوى - بشرط يكونوا رجالة ليهم كلمه

بفرض إن ال 2 مالهمش كلمة يبقى بناقص القصة دى و تشوف مين كبير فى العيلة و تعمل قعده معاه ذى ما إنت إقترحت

بس خليك واضح فى التالى :

1- أنا عايز الصلح و الصالح العام

2- تجنبا للمشاكل أنا عايز الإستقلال فى شقتى و عدم تدخل أحد فى حياتنا عشان كده إحنا بنفتعل مشاكل قد تؤدى لمشاكل كبيرة إحنا فى غنى عنها

3- تحت أى ظرف إنت رافض العيش فى شقتها حفاظا على كرامتك و تجنبا للمشاكل و إستشهد بالفترة إللى كنتم عايشين فيها بعيد

كان الله فى العون و بالتوفيق إن شاء الله

المشاركة الأصلية كتبت بواسطة مصرى الاصلى

شكرا يا اخى العزيز
طيب فرضنا انها مش هترد ع التلفون او هترد وهترفض المقابلة ؟ اعمل ايه
انا عايز اعمل اجيب ناس كبيرة من عندى وناس من عندها .. ايه رايك

mr_green كلامه كله مظبوط وحط ايده على اصل المشاكل بينكم بص بلاش موضوع تجيب ناس كبيره دلوقتى حاول توسط بينكم شخص واحد يكون قريب منكم انتم الاثنين وليكن اخ من اخواتها قولوا انا عايز اتكلم معاها على انفراد ومتنساش ان الكلمة الحلوه بتلين الحديد زى مابيقولوا ربنا يهديكم لبعض ويهدى نفوسكم علشان خاطر اولادكم

رأيي ان الحل الوحيد في الوقت الحالي هو ان حضرتك تاخد عائلتك و ترجع لشقتك التمليك اللي كنت عايش فيها الاول و بكده تخفف من حده موضوع تدخل حماتك و بناتها في حياتك بالشكل ده و مش باقولك تخليها تقاطعهم و لا حاجه لان دي صله الرحم لكن بمجرد انتقالك لشقتك غصب عنهم هيقل التعامل و التدخل كما انك هتبقي قاعد في بيتك التمليك و محدش يبقي حاسس انه عاملك جميل علي الفاضي يسمح له يتدخل في حياتك بالشكل السافر ده فيجب ان تعود الامور الي نصابها الطبيعي و بعد النقل زوجتك هتلاقي بقي عندها وقت فراغ كبير فتستغله لرعاية زوجها و أولادها . بصراحه كمان انا بافكر في الأولاد لانهم ممكن من اللي بيسمعوه من الكلام بين زوجتك و والدتها او حتي اختها انهم يبدأوا يتأثروا بالموضوع ده و لذلك فمن الافضل الابتعاد و لكن يجب ان يكون هناك تمهيد للموضوع بالتدريج مع زوجتك لان بلا شك هتلاقي معارضه عنيفه من حماتك

المشاركة الأصلية كتبت بواسطة mr_green

لا شكر على واجب - والله في عون العبد ما كان العبد في عون أخيه

جرب تتصل بيها مردتش - إبعت رسالة "أنا عازمك على الفطار النهارده فى المكان الفلانى مستنى ردك" و إختار مكان ليه ذكرى حلوة بينكم

إفتراض إنها ماردتش أو رفضت - يبقى تصبر عليها يومين تكلمها مرة واحدة مش أكثر إسأل سؤال واحد لسه مصرة على موقفك ولا مستعدة نتكلم ؟

رفضت كلم أخوها الكبير و قوله عايز نتقابل و إتكلم معاه و وضحله وجهة نظرك و أكد إنك عايز تصلح و سيبه يرجعلك برد و يفضل أوى تقوله إنك عايز تقعد معاه هو و جوز أختها الكبيرة سوى - بشرط يكونوا رجالة ليهم كلمه

بفرض إن ال 2 مالهمش كلمة يبقى بناقص القصة دى و تشوف مين كبير فى العيلة و تعمل قعده معاه ذى ما إنت إقترحت

بس خليك واضح فى التالى :

1- أنا عايز الصلح و الصالح العام

2- تجنبا للمشاكل أنا عايز الإستقلال فى شقتى و عدم تدخل أحد فى حياتنا عشان كده إحنا بنفتعل مشاكل قد تؤدى لمشاكل كبيرة إحنا فى غنى عنها

3- تحت أى ظرف إنت رافض العيش فى شقتها حفاظا على كرامتك و تجنبا للمشاكل و إستشهد بالفترة إللى كنتم عايشين فيها بعيد

كان الله فى العون و بالتوفيق إن شاء الله

شكرا مرة ثانية اخى العزيز ..... المشكلة انى حاسس انى كرامتى اتهانت ومش قادر اكلمها