طقم دبرياج سيتروين ax بكام !!

السلام عليكم

واحد صحبى لسة جايب ستروين ax و هى عايزة طقم دبرياج

يعنى اصطوانة و ديسك و بلية ... يا ريت اعرف عامل فى حدود كام :) و شكرا

على ما اتذكر 300 جنيه ممكن الاسعار تكون رفعت شويه

اشكرك هو كان ب 300 من امتى مثلا ؟ :)

من اقل من سنه 7 او8 شهور وطقم الفيات 128 يركب بس خليك فى الاصلى وفى نوع كان ب450

لا 128 مين ... العربية فابريكة برة و جوة و حالتها زيرو فانا عايز اغيرله للصح :)

الأصْلي بتاعها كان عامل 450 من 5 شهور مغيره

كنت عاوز استفسر اخبار العربيه ايه معاك
لان الواحد بيسمع كتير عنها وسعرها كام

الفرنساوى ب 500 جنية
والصينى ب 250 جنيه
وانا مركب الصينى ومفيهوش اى مشكلة

هات من عند ادوار فريد في شارع رمسيس عند معروف توكيل الرواس
نوع اسمه ap خامه عاليه جدا بس خلي بالك من البليه يعني لازم تفك القديم وتاخده معاك الكلام دا في حاله الموتور الاسود العدل 1360 سي سي ( 1400) اسمه tu3
النوع دا كان في رنج 600 ل650 وممكن يوصل ل 700
بس خامته احلى من الفاليو لان الفاليو اللي في السوق معظمه مضروب شوف الخامات وانت هاتعرف قصدي

الفاليو الفرنساوى ب 480 من شارع دمشق ركبته كويس جدا وفيه انواع تانيه فرنساوى ارخص فى حدود 340 بس افضلهم الفاليو عن تجربه

انا جبت طقم استيراد حالته زيرو .. ب 200 و بلية ب 45 فرنساوى و قاعدة موتور كمثرى 60 جنيه و قاعدة فتيس بالشوكة 125 جنيه .. 2 كوبلن كامل 450 حنيه ... 2 مقص كاملين 300 .. مروحة تكيف ( فى الطابلوه ) 150 ... 2 مساعد خلقى جديد فرنساوى 375 جنيه .. 2 مساعد خلقى استيراد 100 جنيه .. باب فاضى 150 جنيه .. كابوت استيراد 350 جنيه

انا حبيت اكتب اسعار بعض قطع الغيار للافادة :)

تحياتى للجميع