انا فعلا فكرت فى كدة و قلت للميكانيكى . قال ان الموبينه خاصة فى الأنجكشن يا اما شغالة يا اما بايظة مفيش وسط قلتلة يعنى مش ممكن تقطع كهربا لما تسخن قالى لأ زى مبقلك يا شغالة يا بايظة
عرض للطباعة
انا فعلا فكرت فى كدة و قلت للميكانيكى . قال ان الموبينه خاصة فى الأنجكشن يا اما شغالة يا اما بايظة مفيش وسط قلتلة يعنى مش ممكن تقطع كهربا لما تسخن قالى لأ زى مبقلك يا شغالة يا بايظة
لا ياباشا الموبينه بتضعف كان معانا مرسيدس سى 1800 برده فيها 2 موبينه كانت لما تدور الصبح تسمع صوت طقطقه وبعد ماتسخن تروح وبعد كده بتخلى العربيه تسقف ولو كبست بنزين تتخنق بزياده وتسقف جامد روحنا للمكينيكى وكشف عليها وقال الموبينه رقم 2 ضعيفه وفعلا اول لما غيرناها العربيه اتظبطت
على العموم انا رايح التوكيل و هكشف بالكمبيوتر على الأعطال اللى موجودة علشان معظم الناس اللى انا رحتلهم قلولى البرنامج بتعها مش عندنا . اما نشوف رأى توكيل كيا ايه . و الأمر لله
حتى كمان التوكيل معرفش ايه المشكلة و قال هنعمل مقايسة اصلاح علشان نعرف العطل او المشكلة فين و المقايسة لوحدها هتتكلف 2000 جنية و لو انا موفقتش على الأصلاح هدفع المبلغ ده و هاخد الموتور مفكوك و اروح بالعربية على كدة بالذمة ده كلام يتقال . و على فكرة بعد صوت التسئيف ظهر صوت تكتكه عامل زى صوت التاكيهات
اللى عنده الأفادة يقلى
بص يا باشا اسمع مني و ريح نفسك .. هتشيل الوش القديم ارميه و هات وش تاني استراد .. هتشتري نفسك من كل الكلام ده .. هي الكيا شوما و الريو مشهوره بمشاكل الوش خصوصآ لما بتسخن اوي .. و مفيش خراط بيعرف يعملها ميه ميه .. بتشتغل اه لكن مش بكفائه ..
يا باشا رايك كويس بس المشكلة مش فى السخونة و شخص واحد بس هو اللى قال جوان وش السلندر
و فى التوكيل قالوا احنا شاكيين فى الكستوبانات و ده كان رأيهم
و لسه النهاردة ميكانيكى بص عليها و قال المشكلة فى الكستوبانات . و ده كان الرأى التانى اللى بيرجح كدة
.
.
.
بس واضح ان المشكلة او المشاكل عمرها ما هتخلص لأن زى ماقلت فى الأول ان المحرك 1800cc و كل المحركات اللى موجودة فى مصر 1500 و قطع الغيار صعب ان انا الاقيها بسرعة يعنى مثلا كوع الهوا من الفلتر الى الأنجكشن مش لاقية حتى عند موزعيين كيا .
بس الحمد لله ان لما بدور كتير بلاقى الحاجة اللى انا عايزة
انا اسف انى طولت فى الكلام شوية
مانا قولت احضرتك هاتسمع صوت طقطقه دى موبينه ياباشا غير الاتنين الى فى الموتور وريح دماغك
الحمد لله صوت الكستبانات اللى كان موجود فى الموتور راح بعد ما غيرت الزيت و الفلتر و بالى ارتاح
بس فاضل لسه كوع الهوا اللى انا مش لاقيه و معظم اللى شافوه قال ده بتاع السيفيا
فاضل الكشف على الموبينه و نشوف اخبارها ايه
ان شاء الله على خير
بص ياباشا
انا عندي نفس المشكله في بروتون ويرا كان العربيه متلته و سحب ضعيف المشكله كانت حساس اسمه حساس الماب
دي بيتحكم في كميه البنزيم مع الهواء علي حسب ضغط المنفولد يعني بيدي اشاره للرشاش عن كميه البنزيم بيكون موجود في صدر العربيه يااما في المنفولد بفيشه ليها ثلاث سلوك افصل الفيشه وجرب