الموضوع: "BMW 2013" or "Volvo S60 2014"

كل واحد يركب العربية الي عجباه لأن غير منطقى أدفع فلوس كتير فى عربية مش عجبانى علشان لما أبيع يعالم بكرة فى أه
ثانيا مع احترامى لكل العربيات بس الناس هنا حاسة ان البى ام عربية من كوكب تانى و مينفعش تدخل فى مقارنة مع أى نوع تانى و الغريبة ان كله يقولك متعة القيادة
طب معلش حد يفهمنى يعنى أه متعة القيادة فيها أه زيادة عن المرسيدس و اﻷودى و الفولفو علشان تديلك الشعور ده
انا بسأل السؤال ده ﻷنى أنا كمان عاوز اغير عربيتى و بفكر فى 316 او اس 60
ومحتار ﻷن 316 حاسس إنها اوفر بريس عربية بالمبلغ ده مفهاش لا فتحة سقف و لا زينون و نقصها اوبشن كتير و قطع الغيار غالية جدا أغلى من المرسيدس نفس الفئة بس بحب البراند دى
s60 عربية محترمة جدا و براند معروف فى مصر تتميز باﻷمان و ده مهم جدا بس مش معنى كده ان 316 مش امان
s60 تستحق فلوسها لان فيها كل حاجة و هبقى مميز لأن مش أى حد هيجبها لو بيفكر فى اعادة البيع و هيرجعله كام من الفلوس الى دفعها
العيب في العربية دى ان الكاوتش مش رن فلات و الاستبن ملوش مكان فى الشنطة اينعم هو استبن صغير مش بحجم الجنط بتاع العربية بس برده
هل ينفع اركب كاوتش رن فلات للعربية و لا ﻷ
و عاوز بعد اذنكم حد يفهمنى الفرق بين العربيتين فى اﻷداء و العفشة و التراكشن و الهاندلينج و شكرا

أنا عندي قناعة لا تتزعزع أن المرسيدس هي التي في كوكب تاني وليس ال بي إم وهذا الكلام مبني على تجربة مرسيدس موديل 1982 معنا من الزيرو وحتى الآن، ومبني على تقارير اعتمادية السيارات على مدار ال 5 أعوام الأخيرة الذي يوضح تقدم المرسيدس من المركز التاسع وحتى الثاني في 2014 .. وبالتالي بالنسبة لي تفوق المرسيدس عملي ونظري .. الشيء الثاني أن فولفو إس 60 أفضل في رأيي من ال 316 في كل شيء .. وسع وموتور وأمان وسعر .. والله أعلم.

المشاركة الأصلية كتبت بواسطة batman372

انا مش عارف ليه بقت سمه فى كل المقارنات ... ان لازم عربيه منهم تبقى ١٠٠٪ و التانيه تعبانه ؟؟؟
يا حضرات انتو ببتكلمو على ماركتان من افضل صانعى السيارات !!!
و كون ان البى ام اغلى و كماليات اقل ... ده لانها ببساطه بى ام !!! عايز اوبشن اكتر روح لل ٣٢٠ ... عايز اكتر و اداء اعلى عندك ال ٣٢٨ ... عايز تجيب من الاخر هات ال ٣٣٥ !!!
الفولفو بصفع عامه فى السوق المصرى مفيش قدامها لكى تنافس انها تزود الكماليات و يكون سعرها اقل ... غير كده مش حتبيع ...
الشارع والسوق هو الوضع الحقيقى الى بيحسم اى خلاف ... و ولا انا و لاحضرتك حنغير الواقع !!!
كل واحد له حساباته الخاصه المختلفه تمام عن اى حد اخر ...
لو يهمك اعاده البيع يبقى بى ام ٣١٦ و فى الاخر برده حضرتك راكب بى ام !!!
لو يهمك الاختلاف و التغيير ( و ليس التميز لان الى راكب بى ام و مرسيدس و اودى هو اكيد مميز ) والكماليات الاعلى و السعر المنافس يبقى s60 ...
تحياتى ...

كلام محترم جدا بصراحة.. جزاك الله خيرا.