احترسو من النصب واحد بيعدي على البيوت ويقول كفر لعداد الغاز بعشرين جنيه اجباري
الموضوع منقول للامانة من منتدى اخر بس انا نقلته لأنه حصل معانا انهاردة والحمد لله ربنا سترها وكشفناه وما اخدتشي ولا مليم والواد ده شكله محترم وتبع شركة اسمها امان تك للحماية
http://files2.fatakat.com/2010/10/1287084091.gif
اولا وقبل كل شئ صلوا بينا علي اشرف الخلق
سيدنا محمد صلي الله عليه وسلم
ثانيا يابنات انا عاوزه انبهكم عشان محدش يقع في الفخ ده
وخصوصا اللي لسه داخل عندهم الغاز جديد في المنطقه
انا ساكنه في منطقه جديده ولسه راكب عندي الغاز بقاله كام شهر وبقي يجي بتاع الغاز يكشف عادي او يحصل الفاتوره
http://files2.fatakat.com/2011/3/13005430821756.gif
من كام يوم بقي قاعده لا بيا ولا عليا لقيت حد بيرن الجرس كتير فتحت لقيت كل جيراني فاتحين شققهم وواحد شكله محترم ومعاه فواتير وبيقولوا ده بتاع الغاز
لقيت جارتي بتقولي ده بتاع الغاز وفي ايديها كيس في حاجه ووصل قولتلها ايه ده قالتلي ده هيركبهولك علي العداد وعاوز 20 جنيه
المهم الولد خلص وجالي قالي بكل ادب مساء الخير يافندم احنا هنركبلك الكفر ده علي العداد وبتوع الشركه هيجولك بعد بكره يركبولك جهاز مانع للتسريب قولتله اوكيه
ماهو كل جيراني ركبوه بقي اشمعني انا
المهم دخل وجبتله السلم وركب الكفر
( كفر زي بتاع الغساله والانبوبه بس مصمم لعداد الغاز )
وطلع الوصل وخد مني البيانات اسم صاحب الشقه وعنوانها
( غريب صح اصل بتوع الغاز بيبقوا عارفين العنوان واسم صاحب الشقه )
مخدتش في بالي واديته البيانات والفلوس ومشي
الوصل بقي عليه ختم باسم الشركه وكمان رقم السجل التجاري وكمان البطاقه الضريبيه http://files.fatakat.com/smilies2012/smiley-laugh.gif
وطبعا ارقام تليفونات و2 عنوان واحد في اسكندريه وواحد هنا في المهندسين
المهم جارتي وهو نازل من فوق سالته انت تبع الغاز قالها احنا شركه السيفتي يافندم
( الامان يعني ) بكل ثقه
ونزل
المهم شكيت فيهم قلت ادخل علي النت اسال عن الشركه دي
اسمها
( فاسكو للحمايه ) http://files.fatakat.com/smilies2012/smiley-laugh.gif
دخلت لقيتها شركه نصب ووهميه وخلصت علي اسكندريه ووصلوا للقاهره واللي كان مكتوب نفس التفاصيل اللي حصلت معانا بالحرف حتي المبلغ واسم الشركه والمقال بتارخ 2011
وطبعا مفيش حد جه يركب اي حاجه طبعا خد الفلوس وقال يافكيك
استعوضت الفلوس انا وجوزي
http://dl9.glitter-graphics.net/pub/...y2dlo7wkjl.gif
بس حبيت انبهكم لانهم بيدخلوا بيوتكم يعني ممكن يحصل حاجه لا قدر الله
وعلي فكره اللي مكانش بيرضي يدفع كان بيهدده بانه هيدفع غرامه ماليه وده كمان ذكر في المقال
http://img505.imageshack.us/img505/11/mod95ts2df1.gif
وده اللي كان مكتوب في المقال يابنات :
مندوبو الغاز أحدث وسائل النصب .:
المواطنون. :هددونا بغرامة في حالة عدم شراء الغطاء البلاستيكي لعداد الغاز
05/01/2011 09:56:48 م
كتبت عفاف المعداوي.:
مواطن. يشير إلى الغطاء البلاستيكى الوهمى لعداد الغاز.
حماية المستهلك.:. منشور للهيئات الحگومية والمدارس والجامعات لتحذيرهم
طرق التحايل متعددة قد يتخذها بعض. الأفراد هواية أو حرفة. أو وسيلة للكسب ولكن سرعان ما تنكشف هذه الحيل التي لا يقع ضحيتها سوي المواطن البسيط... حيث قام عدد من الأشخاص مؤخرا بإنتحال صفة. مندوبين من احدي شركات الغاز الطبيعي لبيع. غطاء بلاستيكي لعداد الغاز بالمنازل بمنطقتي العجمي ومحرم بك. مفتعلين اسبابا وهمية اخافت العملاء واجبرتهم علي الشراء... »الأخبار.« تلقت شكاوي من المواطنين عن انتشار تلك الظاهرة والتي سرعان ما رد عليها مسئولو شركة الغاز وجمعية حماية المستهلك الذين يقومون بدورهم لحماية عملائهم...
يقول محمود سالم. »محاسب.« بمنطقة العجمي أننا نفاجأ بأحد المندوبين الذي يبدو عليه حسن المظهر ولباقة الحوار والذي أكد أنه من شركة الغاز الطبيعي... وأوضح له أن الشركة قررت تسويق. غطاء بلاستيكي يعمل كغلاف لعداد الغاز الطبيع... مما اضطره لشراء الغطاء علي الفور دون اي تردد لحماية العداد... ويقول عبد السلام عبده. »موظف.« أنه عاد إلي المنزل بعد العمل وجد زوجته قد اشترت. غطاء بلاستيكيا جديدا ووضعته علي عداد الغاز وحين سألها من أين هذا أكدت له أن مندوبا من شركة الغاز الطبيعي مر علي جميع السكان. وباع لهم هذا الغطاء البلاستيكي بقيمة. 20. جنيها من أجل حماية العداد...
تقول سعاد محمد. »ربة منزل.« أنها علمت من جيرانها عن. غطاء عداد الغاز الجديد والذي لا يجب شراؤه سوي من مندوبي الشركة... وفي أحد الأيام مر عليها مندوب من الشركة وطلب منها عددا من إيصالات تحصيل الغاز والتي يشترط الحصول عليها من اجل تسليمها الغطاء... وعندما رفضت أكد لها أنه في حالة عدم وجود الغلاف علي العداد سيتم توقيع. غرامة يتم تحصيلها مع فاتورة الغاز الطبيعي فإضطرت لشرائه بقيمة. 30. جنيها... واضافت انه بعد التسليم اعطي لها إيصال تحصيل. مكتوبا عليه. »شركة فاسكو للحماية.«.. إسماعيل ربيع. »معلم.« يقول.: بانه سأل أحد زملائه بالمدرسه عن هذا الغطاء والذي أكد أن احد أقاربه يعمل بشركة ناتجاس للغاز الطبيعي وانه لم يسمع عن هذا الأمر بالشركة مما ينفي صحة الخبر... كما أثار ذلك الشك في قلبه وحذر زوجته من استلام ذلك الغطاء أو السماح لأحد هؤلاء المندوبين المزيفين بالدخول للمنزل في. غيابه...
نفي وإثبات.
ومن جانبه نفت إدارة الشؤن القانونية. بالشركة الوطنية للغاز. »ناتجاس.« فرع الإسكندرية. علاقة الشركة بهذا المنتج أو تسويقه كما أنها لا تلزم العملاء بمنطقة إمتيازها بإستخدامه... موضحين أن هذه الشركة وهمية وليس لها وجود بالإسكندرية. وما هي الا وسيلة إحتيال علي المواطنين من أجل جمع المال بطرق ووسائل. غير شرعية... ومن جانب آخر أكد الدكتور عصام. غنيم أمين عام جمعية حماية المستهلك بالإسكندرية عن تلقي الجمعية عدة شكاوي من المواطنين تفيد بتعرضهم للغش من قبل بعض العملاء المزيفين أجبروهم علي شراء. غطاء بلاستيكي لعداد الغاز حيث أنه في حال عدم الشراء ستوقع عليهم الشركة. غرامة... ولفت. غنيم إلي دور الجمعية الرئيسي لحماية المواطنين من اية محاولة. غش أو نصب وتنبيههم لها...
وأشار إلي إرسالهم رسالة لجميع وسائل الإعلام والهيئات الحكومية والمدارس والجامعات تحذر المواطنين من أية محاولة. غش من اجل سرعة كشف أمرهم والقبض عليهم..
http://dl.glitter-graphics.net/pub/5...spx07wdn2w.gif
ربنا يحيمنا كلنا ويحافظ علينا ويحفظنا من كل شر طولت عليكم يابنات بس حبيت متقعوش في اي خطأ وكمان لو المبلغ قليل ( الحمد لله ) بس في ناس كتير بتبقي محتجاله اوي
ربنا يوسع رزقنا كلنا وحسبي الله ونعم الوكيل في كل نصاب يااااااااااارب
وياريت يابنات تقيموا عشان كل البنات تشوفوا وتخلي بالها ربنا يحمينا كلنا
http://files2.fatakat.com/2012/1/13270849401073.gif
http://img363.imageshack.us/img363/8...6441230lq7.gif