عرض للطباعة
السلام عليكم
الصراحة انا محتار جدا كان معايا s3 وبعتو كنت قررت اجيب نوت2 لحد مشفت ال s4 وبصراحة عجبني جدا بس خاايف لان في ناس بتقولي ان البردا بتاعتو فيها مشاكل وبتبوظ وكدا وانا مقلق لاني هجيبو من غير ضمان علشان اقلل التكلفة
فياريت الي جرب الموبايلين يقلنا رائيو انهو الاحسن وهل الاوبشن الجديدة الي في s4 ليها لازمة ولا مجرد اوبشن دلع مش هستفيد منها
كمان البطارية والبرسيسور الاتنين 1.6 كواد برسيسور الشاشة
مستني نصيحتكو
مفيش حاجه اسمها فيه مشاكل الجهاز حلو جدا و ملحقش ينزل و يتجرب اصلا عشان نقرر ان فيه مشاكل هاتو و توكل على الله
مشاكل ال s4 السخونية الزائدة والبطارية
نصيحة منى بقى ماتجيبش ال 9500
هات ال 9505 ارخص وفى نفس الوقت افضل ومافيش فية موضوع السخونية دة وبطارية افضل
فيه موضوع ليا عن مشكله فى ال s4
الخلاصه الجهاز روعه وجميل جداا بس انا جصلى منه مشكله
و النصيجه لازم تجيبه بالضمان عشان ما يحصلكش الى جصلى
النوت 2 مع اتنين من اصاحبي ....... سريع جدا & البطارية تحفة قعدت معاه يومين مع الشغل & مابيهنجش ... من الاخر جهاز جبار جدا وعاجبني اوي والكاميرا خرافة انما s4 معرفش عنه حاجة ممكن تدخل على موقع gsmarena وتقارن ما بينهم وتجيب اللي ترتحله
اشكركم جميعا علي الردود
المشكلة اني مقدرش اجيبو بالضمان لانو بيبقي غالي جدا وسعرو مبالغ فية اوي فبصراحة بجيب حجات كسر زيرو من موقع dubizzle لانو بيبقي علية حجات لقطة صحيح اغلبو تجار بس بصراحة شفت علية حجات ممتازة والواحد بيجربها كويس ويتكل علي الله
محدش يعرف هل فعلا لما الابديت الاخير بتاع النوت2 ينزل هل فعلا هيبقي فية اغلب مواصفات الS4
وياريت لو حد جرب الجهازين يقولنا رئيو خصوصا في البطارية والشاشة كحجم ونقاء
نصيحه متجريش ورا بيع تليفونات على مواقع زى ديبزل وغيره نصيحه من اخ
طب ماتبص ع الاجهزه السونى افضل بكتير من السامسونج ف حكاية التهنيج والكاميرا بتاعته والميديا عموما بتبقى افضل من السامونج
سكريت مان اشكرك علي النصيحة بس السامسونج بالزات لية اكواد بتجرب بيها كل حاجة في التليفون فمفيش مشكلة.
والسوني ممتاز وانا بحترم كل منتجاتها جدا بس دعمها سيء واكسسوارتها قليلة جدا والسعر غالي جدا مقابل امكانيات الاجهزة الي بتنزلها
النوت 2 - الموبايل معايا
هيغنيك عن الاس 4 و النوت 10 كمان لان الاخير شاشة عرضها اكبر مش اكتر لكن نفس النظام
و تصميمه في ذكاء ان اطارة بيضاوي تحطة في جيبك بسهولة عكس نوت 1
اتكل علي الله نوت 2 ومش هتندم ، رامات 2 جيجا وبروسيسور 1.6 و بطارية 3200
مفيش موبايل نزل ببطارية 3200 لحد دلوقتي
:plusone2::plusone2::plusone2:اقتباس:
المشاركة الأصلية كتبت بواسطة KemozTanta
نوت طبعاً
الاس فور مش هتحس انك غيرت الفون اصلا
بس هي الفكرة ان الوان الاس4 جامدة جدا كمان الاوبشن الي نازلة فية جديدة حلوة جدا ولو اني شايف انها دلع اوي مش مفيدة او ضرورية
النوت2 حجم الشاشة حلو جدا
انا معايا نوت 2 بقالو حوالى 6 شهور ومريحنى جدا وممتاز بصراحه s4 انا مش شاي تغير كبير فيه غير التكونولوجيا الجديده فى البرامج والواقى الى على الشاشه الجلورى الجديد لو شايف ده هيفرق معاك بس بصراحه معرفش حد بيستخدمه علشان موضوع المشاكل ولازم كمان موضوع الحجم ده تشوفه هيفرق معاك ولا لا
أنا كنت في نفس الحيره و أخيرا أخترت النوت 2 عن إقتناع تام ... الs4 حلو وكل حاجه بس حسب ما سمعت شوية أوبشنز قليلة الإستخدام و سخونه زائده و بطاريه متوسطه مقابل جهاز قوي
النوت 2 مازال أحسن صفقه في الموبايلات.
بطارية النوت 2، 3100 mAh بس مش 3200.اقتباس:
المشاركة الأصلية كتبت بواسطة KemozTanta
وفي أكتر من موبايل نزل 3300 mAh.
Motorola DROID RAZR MAXX HD - Full phone specifications
Motorola DROID RAZR MAXX - Full phone specifications
Motorola RAZR MAXX - Full phone specifications
بالنسبة لصاحب الموضوع، أنصحك بـS4.. الشاشة بتاعته فرق كبير عن الـNote II ده غير ان Note III قرب ينزل.
بالنسبة للسخونة، الأبديت حل المشكلة دي من زمان.
البطارية بتقعد معايا يوم كامل، بستعمله ساعتين مكالمات و 4 ساعات الشاشة شغاله.
ده غير انه نسخه احدث من اندرويد والأبديت ليه الأولوية من سامسونج للـ S4.
طيب هوا في فرق كبير في حجم الشاشة بين الحهازين يعني هل فرق النص بوصة دا هيبان ولا هحس الجهازين نفس الحجم لاني بحب الشاشة الكبيرة علشان نظري ضعيف شوية
كمان اية الاوبشن الجديدة الي في s4والي في نفس الوقت هستخدمها علي طول مش شوية وازهق
كان معايا النوت 2 وجبت الاس4 ال4 افضل فى حاجات كتير مننها الشاشه الوان ونقاء جبارين وشاشه كبيره وحجم الموبايل صغير الكاميرا اعلى من النوت بمراااحل اشيك من النوت السوفت احدث من النوت وحاجات كتير هاته ومش هتندم
نوت
متابع وفي نفس الحيرة معاك
اشكركم جميعا علي نصائحكم وارائكم الجميلة وبعد حيرة ومقارنة جبت نوت2 الحمد لله فضلتو علي الاس4 علشان حجم الشاشة بصراحة مميزة جدا كمان الاوبشن الجديدة في الس4 حلوة بس حستها مش عملية اوي طبعا مش كلها كمان حسيت سعرو جديد مبالغ فية وسعرو مستعمل بينزل جامد عكس النوت2 سعرو ماسك نفسو
في النهاية الاتنين احسن من بعض وكل واحد فيهم لية مكانة بس دا راي
الف الف مبروك وربنا يباركلك فيه يارب واختيار موفق :plusone1:اقتباس:
المشاركة الأصلية كتبت بواسطة egytamer
بص ياباشا واحد صاحبى جاب الاس فور ومتضايق منه جدا تهنيج وسعر عالى جدا وفرق ضئيل عن الاس ثرى ... توكل وهات النوت 2
جت متأخرة
الف مبروك يا نجم قولنا بقا جبتو بكام ومنين ورايك فيه ايه
انا معايا اس تو وكل شوية يسقط سوفت وير نزلتله ف خلال شهرين سوفتين اللي هو ايس كريم ساندوتش وسمعت كلام من ناس ان الجهاز كده فتح بوقه مادام بيطلب تغيير السوفت كل شوية يعني مرة يفضل يرستر لوحده كل شوية ومرة يعمل حاجة تانية وكل ده ف شهرين
فمش عارف اغيره ولا ايه ولو غيرته اجيب ايه مكانه بحيث ميبقاش اقل من الاس تو ف الاوبشن
انا شايف ان النوت 2 افضل من المقارنه بتاعة gsm arena
يعني اخر كلام ايه نجيب النوت تو ولانستني النوت 3
فيه كلام عن قرب نزول ال iphone 5s بمميزات من الاس 4 و بسعر اقل
اشكركم جميعا علي ردودكم وتهنئتكم ليا
وبصراحة النوت تحفة فنية واللون الابيض شكلو شيك جدا وفرق حجم الشاشة واضح جدا ومخليني استخدم الكمبيوتر في اضيق حدود الصراحة جهاز ممتاز الحهاز من محل في فيصل اسمو الونش ب 4000جنية بضمان mti
مبروكاقتباس:
المشاركة الأصلية كتبت بواسطة egytamer
ويا ترى صيني ولا فيتنامي ولا كوري؟
فيتنامي
بس ايه رأيك في التليفون والونش ده انا روحت الفرع اللي قي الدقي وقالي ب 4200 جنيه فهل فيه فصال ولا لا والتليفون بيجي معاه ايه في العلبه وانا عرفت انه مفيش كوري صح ولا غلطاقتباس:
المشاركة الأصلية كتبت بواسطة egytamer
التليفون تحفة وبجد يستاهل انو يبقي من احسن الموبايلات في العالم وبيجي معاة كل حاجتو الاصلية الي في العلبة (شاحن بكابل +سماعة+كتالوج) وانا مشفتش كوري خالص وحتي لو شفتو كنت هخاف اجيبو بصراحة انا مكنتش هجيب غير الفتنامي اضمن بكتير وسعر الموبايل 4000 جنية في فرع فيصل
ما تعرفش حضرتك اذا كان اللون الاسود منه موجود في مصر ..اقتباس:
المشاركة الأصلية كتبت بواسطة egytamer
خد بالك ان فيه فيتنامى وكورى كمان هاى كوبى
الالوان الي موجودة في مصر الابيض والرصاصي الغامق مشفتش الوان تانية خالص
نوت 2 أفضل