تحذير هام لمصطافى العجمى

انا كنت فى العجمى من يومين و الطريق داخل العجمى لحد البيطاش كويس (الشارع الرئيسى )اما الدواخل مكسره شويه بس أحسن من الاول
شارع الحنفيه فيه تكسير اللى عايز يدخل الهانوفيل عن طريق شارع رقم 8 جنب عملر أفندى و بعدين يمين لحد الاخر و بعدين شمال لحد ما يطلع على مدق معمول على رمال البحر يعنى تمشى على الشاطىء كل ده مش مهم و لكن المهم ان المجارى هناك بتصرف على مياه البحر على طول بجانب نادى الشرطه و البحر زى الزفت اوعى حد ينزل البحر فى العجمى الأن
يوم الجمعه ان شاء الله رايح تانى و أوريكم الصور و انتوا قولوا رأيكم فى القرف ده

العجمي بقي مصيدة للسيارات و اللي مستغني عن سيارتة يمشي علي 40كم/س و سوف يتخلص منها في نصف ساعة
حتي الطريق العمومي من الكيلو 21 و حتي البيطاش عبارة عن دمار شامل
اسكندرية كلها مع المحافظ اللواء شرطة عادل لبيب بتحييكوا و بتقولوكوا محدش ييجي السنادي
و لا حول و لا قوة الا بالله

الغريب ان فى الجرائد مصورين اسكندريه وكانها اوربا .... :oops: :oops:

و مدخل اكتوبر ايه اخباره دلوقتى ياريت اللى يعرف يقولى
شكرا مقدما

مكسر مكسر مكسر يا حبيبى

يا ترى اسكندرية البلد متكسرة برضة؟؟؟
يعنى الكورنيش, ميامى وسيدى بشر, محطة الرمل وطريق بحرى؟؟؟

شكرا يا دكتور ايهاب كويس انك قولتلى علشان ادخل من محور التعمير بعدين من البوابة التانية علشان معديش على التكسير ده

الاسكندريه من جوه الرصف تقريبا خلص الا بعض الشوارع الجانبيه بس حيكون فيه تعديل فى اتجاهات المرور فى منطقه سيدى بشر و ميامى كلها شوارع اتجاه واحد بدل اتنين بس لسه لم يطبق

شكرا أنا أن شاء الله عاوز أصيف في العجمي