الموضوع: للخبراء والدكاترة : هل هناك علاج لمحبين الكركبة... واصحاب هواية تخزين الملابس !!!

المشاركة الأصلية كتبت بواسطة karimabulela

موضوع جميل يا جماعة ، انا مؤخرا بقيت اجمع كل ما هو يندرج تحت بند كراكيب او شىء لن يتم استخدامه و بقيت اجمعه عند باب الشقة و اكلم جمعية خيرية لتاخذهم جميعا ، و هذا الصراحة فرق ، مع ان المسألة تحتاج الى مرات عديدة من هذه العملية حتى يصبح مكان سكنك ملائم ، المسألة ديه صحية جدا جدا ، و عدم التخلص من كل ما هو مستخدم سوف يؤدى بك الى وضع اشياء قيمتها الحالية بعد تقادمها 50 جنيه مثلا فى مساحة 2 متر مربع فى الشقة سعرهم 3000 جنيه فى المتوسط ، و هذا طبعا غير مقبول ، العين نفسها لما بتاخد على الكراكيب بعد فترة مش حتحس ان فيه مشكلة ، في حين ان اللى بيحس بيها هو اللى بيبقى جاى عليك و يشوف الوضع المأساوى الذى تعيشه ، و هذا ما يحدث مع معظمنا ، لى صديق قام مؤخرا بترجمة كتاب اجنبى اسمه عبودية الكرايب ، و من اسم الكتاب يتضح ان الموضوع ليس بسهل و يعتبر ادمان و التخلص منه بالوسائل التقليدية لن يصلح ، ان شخصيا مع حرصى على التخلص من اشياء بانتظام و لكن اشياء كثيرة جدا لازالت على اللائحة ، مؤخرا ابتديت اشترى كراتين فارعة لتخزين كل ما هو ليس مستخدم ، علشان الشكل العام و بعد فترة اعتقد انى ممكن اتخلص من الكراتين ديه واحد تلو الاخر ، مع انى اهوى بعض الهوايات التى تحتاج الى اشياء كثيرة و اجزاء وتفاصيل كثيرة تتراكم حولى ، لكنى احاول السيطرة على رغبة الاحتفاظ بنثريات كثيرة و احاول الرجوع الى مبدأ تخلص من ما هو ليس مهم كلما امكن

كلام جميل كلام موزون ... مقدرش اقول حاجة عنو
بجد مقالة رائعة ... انا عن نفسي ؤؤيدها ١٠٠٪ .... ونقدر نقول الاحتفاظ بالكراكيب هو خوف من الاحساس بالندم في المستقبل ... انك تخاف تندم في المستقبل وتلوم نفسك وانتا بتقول : يا خساااااااارة. ياريتني ما رميتها .... ماهي كانت موجودة عندي ... شوف يا اخي الحاجة الي متحتجهاش دلوقتي بكره تلف عليها .

لذلك تلاقي الناس بتحتفظ بادق ادق تفاصيل الحجات ... والغريب انو وقت ما يتزنق ويحتاج شيء من الكراكيب يقول ياعمي اروح اشتري جديد وخلاص لسه هقعد ادور في الكركبة دي كلها هههههههه .... وتحياتي