الموضوع: اعمل الجيوان ولا اسقط وش سليندر استيراااد

هو اللى قالهولى ان العربيه عاوزه جيوان واحد لان هو اللى شوفته جيوان واحد بس اللى محروق بس بالنسبه للخراطه هو قالى فعلاا ان الوش عاوز خراطه قالى ان السبب فى ان الجيوان ضرب هو ان وش السليندر مش متساوى وعاوز يروح للخراط يتمسح

الغريبه بقى ان لما روحتله قالى نعمل بالمره طقم شنبر وهو فاتح وقالى ان البساتم عندى بدات تتهز و بكدا المكنه هتحتاج طقم شنبر بالمره وهو فاتح المكنه بس انا مطمنتش لكلامه الصراحه حسيت انه عاوز ياخد فلوس وخلاص فايه رايكم هو لازم اعمل طقم الشنبر ده ولا خاصه انه بيقولى ان الحوار هيعدى ال 1000 وانا انشاء الله ناوى اشترى مكنه جديده كمان 6 شهور او نص كامل كمان سنه علشان كدا قولت اخد رايكم

وبالنسبه للجيوان هو خد منى حتى الان 350 جنيه وقالى لما يخلص هنتحاسب انت ايه رايك يا باشا اخليه يعمل طقم الشنبر ولا لا خاصه انه بيقول ان المكنه بتاكل زيت وده انا محستشى بيه ولا بتاكل زيت ولا حاجه حسيت انه بيحور عليا

ياريت لو حد يقولى الجيوان بالمسح الخراطه اللى هو بيقول عليه ده هيكلف فى حدود كام علشان حاسس ان الراجل ده عاوز فلوس وخلاص علشان العيد داخل