لا حضرتك أكيد اللي مش عارف يعني إيه V6 2500 cc
و موضوع ان حتي ال suv اللي بينزل مصر ١٦٠٠ ده عيب في السوق المصري العقيم مش ميزه بس تقول لمين بقي
لا حضرتك أكيد اللي مش عارف يعني إيه V6 2500 cc
و موضوع ان حتي ال suv اللي بينزل مصر ١٦٠٠ ده عيب في السوق المصري العقيم مش ميزه بس تقول لمين بقي
كله بيهيص جت على وكيل المدعوقه دى
الف هنا وشفا
غباء من كل النواحى
فئه الموتور كبيره ومكروهه جدا فى السوق من ناحيه الاستهلاك والضريبه
ملهاش تاريخ فى مصر وبالتالى مفيش قطع غيار يعنى سوقها تقيل جدا
كانوا يشتغلوا فى الهاتشباك الصغيره وينزلوها بسعر رخيص كانت ممكن تعلم فى السوق
بس الغبا له ناسه
هى الناس دى شغال فى غسيل اموال !!!
ليه ياعنى دى صينى صينى ياعنى والبسعر ده اجيب فلفو امان وفخامه وكل حاجه
وفي النهايه فيه فئه من الشعب عايز يشتري عربيه تجري و يشد بيها..و يقولك ده أنا علمت على تويوتا و إلنترا و و و ....عشان كده ضحك على الناس و نزلها بمكنه 1800 تربو..و مكنه 2500..
يعني العربيه هتشد مع كل السوق إلا قليله.
و في النهايه إحنا بنقارن العربيات بمين قدر يشد مع مين!!
مش عارف فكر الناس هنا ازاي
اولاً : العربية نازلة بموتور 1800 تيربو لو مش عاوز 2500
ثانياُ : العربية مش بتنافس العربيات الصغيرة العربية نازلة في فئة معينة لما تيجي تقارن قارن بيها
ثالثاً : العربية موحودة في السوق السعودي وناجحة لو ليك حد في السعودية اساله عنها .... والسوق السعودى المنافسة فيه اقوى ولا جمارك ولا ضرايب ذي مصر
رابعاً : العربية بتتجمع في مرسيدس مصر تفتكر لو عربية فاشلة مرسيدس هتجمعها في مصر او هتعمل خط انتاج ممكن يفشل
خامساً : بالنسبة للسعر انا شايف العربيات كلها بقت ب 200 الف بدون ما اعيب في عربيات في السوق
الاهم للمشتري : قطع الغيار - مراكز الخدمة - الضمان - اعتمادية العربية (العمر الافتراضي لقطع الغيار) - جودة التقفيل
أنا هرد عليك نقطة نقطة
1.هي مبدئيًا مش بالسعة ,هي بالقوة
الموتور ال 1800 اضعف من أي موتور 1600 تربو اوروبي
يبقى استفدت إيه أنا ؟؟
ضريبة و استهلاك بنزين زيادة على الفاضي
أما ال 2500 ده اضعف من ال 1600 بتاع ال S80
أصل مش يوم ما تركب 6 سلندر , تركبه صيني هاهاها
وبعدين العربية تجميع مصري , يعني سعة الموتور مبقتش قضية خلاص
ده غير إن مكسبه من التجميع اضعاف اضعاف فرق سعر الموتور
2. ما هو ده اللي أنا عملته :)
قارنها بال C5 بال 508 بال Superb بال passat بال S80
دي بنص تمن ال 520 يا راجل
3.هي موجودة آه في السعودية بس ناجحة دي معلش اختلف معاك فيها
هاتلي تكرر واحد يقول الكلام ده أو احصائية لنسبتها في السوق
4. EGA مأجرة خط إنتاج ليهم
mercedes ملهاش أي علاقة بيهم من قريب ولا من بعيد
ده شغل دعاية رخيص
العربية دي تبع متبعش ,mercedes ملهاش أي دعوة
5.هو أصله مش معني إن توكيلات تانية بتستهبل
أروح أنا أتخيت في عربية ماتسواش
عند حضرتك بدايل تانية كتير محترمة سبق وذكرتها
أما بالنسبة لاخر نقطة :قطع الغيار والضمان
التوكيل ده كان معاه kumodo وخرب الدنيا وكان مرفوع عليه قواضي
اعتمادية
دي طلعت ولا نزلت صيني , أظن مش هنختلف في النقطة دي
الصيني درجات آه
بس دي معمول فيها سبوبة حلوة قوي , هي أصلا مش نازلة إنها تتباع بالسعر ده
جودة التقفيل
اركب أي عربية من اللي أنا كتبتهم وقارن
ممكن اشتريها مخصوص لأجل عيون الست نيكول :)
بغض النظر عن العربيه ومواصفتها وصيني ولا هندي أرجوكو متفترضوش يا جماعه ان كل عربيه تنزل السوق بيبقى توكيلها منزلها عشان تنتشر نفس انتشار الفيرنا واللانوس. فيه توكيلات راضيه ببيع 300 و 500 عربيه في السنه وعادي يعني متاخدوش الموضوع بحساسيه واللي عمل قرش هوه حر يصرفه في ايه يجيب صيني يجيب ياباني يجيب اوروبي من حكم في ماله ما ظلم.
واللي يقول الصيني بيبيع عشان رخيص. بريليانس v5 قريبه جدا في السعر من الكارينز القديمه وبالرغم من ان كل أوجه المقارنه هتبقى في صالح الكارينز بس بريليانس بتبيع من ال v5 حتى لو العدد قليل بس باعت برضه.