زبون جدبد و ارجو الافادة بخصوص النترا 2012
السلام عليكم.
مبدئيا انا ناوى اشترى النترا 2012 مستعملة ان شاء الله و الصراحة قريت مواضيع كتيرة هنا بخصوصها و الناس الصراحة هنا محترمين جدا و متجاوبين و استفدت بحاجات كتير منهم انا ببساطة كنت ناوى اجيب فلوانس 2012 لكن طبعا كتير قال بلاش و فرنساوى و هاتقرفك...الخ
بعد كده فاضلت بين كورولا و النترا و سيراتو
السيراتو انا جربتها كتير مرحبتش بيها و ناس كتير برده قالولى بلاش
الكورولا قريت كتير و سمعت ان اليابانى مش زى الاول و الصراحة مستغلى تمنها و العربية فاضية و بدائية جدا فى شكلها الداخلى و سامع ان تويوتا مش زى زمان
فا اخيرا استقريت على النترا و ربنا يكرم رايح اشوف عربيتين بكره ان شاء الله
بس برده حابب اعرف ايه اهم الحاجات اللى ابوص عليها فى العربية و كمان انا ممكن اخد الميكانيكى معايا ياخد بصة كده لو قال اوك هل لازم ارفعها فى مركز صيانة ولا ممكن بالتجربة نعرف
شكرا جزيلا :welcome1: