مشكله كبيرة في تانك البنزين

**amro0000** · 02-08-2013 04:35 AM

انا بقالي حوالي اسبوعين كدة من ساعة ماغيرت فلتر البنزين وانا بشم دايما ريحة بنزين وخصوصا خصوصا اول ما افول العربية بلزات المهم انا قولت يمكن عشان الميكانيكي كان بيغير فلتر البنزين وفك الكنبة ويمكن يكون فية ريحة عادية مكان الكنبة او مكان ماركب الفلتر بس المشكله ان الموضوع استمر استمر والنهردة قولت ابوص عند تانك البنزين الي بيتحط فية المسدس الي بمون منة ملاقتش فية ريحة بنزين المهم انا سمعت ان تانك البنزين تحت العربية قولت اجيب حاجة وابوص تحت العربية بنفسي المهم لاقيت التانك سليم ومش مخروم لاكن لاقيت من فوق تسريب خفيف ونازل منو حتة علي التانك ومش كبير حطيت ايدي علية وشميت طلع بنزين فأنا مش فاهم ياجماعة هوة دا اية ولية اما بفول العربية الريحة دي بتظهر واية سبب ان الحتة دي تسرب بنزين اصلا لان مش معرضة لخبطة ولا حاجة وبعيدة عن اي مكان لاي خبطة وهل دا سببة تغيير فلتر البنزين ؟ ياجماعة ارجو رد سريع لان الريحة البنزين فايحة ولو حد رمي سجارة تحت العربية هتولع لاني مفولها وممشتش بيها حتي 100 كيلو يعني التانك تقريبا مفول وخايف اروح لميكانيكي ويقولي حوار وقصة وانا بصراحة اول مرة اتعرض بموقف زي دا فية حد اتعرض لموقف زي دا ويقول المشكله في اية

**virus459** · 02-08-2013 07:32 AM

بسيطه يا باشا متقلقش حضرتك فك الكنبه حتلاقي تحتها مكان العوامه اتاكد انها راكبه كويس وفي جوان عشان يمنع التسريب اتاكد انه في مكانه مظبوط

**amro0000** · 02-08-2013 07:36 AM

المشاركة الأصلية كتبت بواسطة virus459

بسيطه يا باشا متقلقش حضرتك فك الكنبه حتلاقي تحتها مكان العوامه اتاكد انها راكبه كويس وفي جوان عشان يمنع التسريب اتاكد انه في مكانه مظبوط

ياباشا انا مش عارف بس الموضوع بلنسبالي مش بسيطة انا مش عارف انام رايح جاي علي العربية خايف حد يرمي سيجارة ولا عيل بيلعب ولا حاجة ولاقدر الله تروح دا الي مخوفني بس ويارب تكون حاجة بسيطة يارب

**virus459** · 02-08-2013 07:43 AM

المشاركة الأصلية كتبت بواسطة amro0000

ياباشا انا مش عارف بس الموضوع بلنسبالي مش بسيطة انا مش عارف انام رايح جاي علي العربية خايف حد يرمي سيجارة ولا عيل بيلعب ولا حاجة ولاقدر الله تروح دا الي مخوفني بس ويارب تكون حاجة بسيطة يارب

حتلاقي اللي غيرلك الفلتر مظبتش الجوان بتاع العوامه وهو بيقفل ولما حضرتك فولت البنزين الزياده طلع من عند الكنبه بسيطه انشاءالله روح لأي ميكانيكي مش حتاخد 10 دقايق

**Dr.M_baz** · 03-08-2013 03:24 AM

المشاركة الأصلية كتبت بواسطة virus459

حتلاقي اللي غيرلك الفلتر مظبتش الجوان بتاع العوامه وهو بيقفل ولما حضرتك فولت البنزين الزياده طلع من عند الكنبه بسيطه انشاءالله روح لأي ميكانيكي مش حتاخد 10 دقايق

**amro0000** · 03-08-2013 08:23 AM

المشاركة الأصلية كتبت بواسطة virus459

بسيطه يا باشا متقلقش حضرتك فك الكنبه حتلاقي تحتها مكان العوامه اتاكد انها راكبه كويس وفي جوان عشان يمنع التسريب اتاكد انه في مكانه مظبوط

انتة استاذ ياباشا بس المشكله الاساسية اني مغيرتش بفلتر البنزين الاصلي ودة سبب المشكله الرئيسي المشكله اني استرخصت وجبت نوع صيني اي كلام ودي كانت النتيجة انا هغيرة واركب الاصلي انشاء الله قريب وهبقي مفولش العربية علي اخرها عشان المشكله متحصلش تاني واشكر كل الردود الي ردو علي الموضوع

**virus459** · 10-08-2013 01:08 AM

المشاركة الأصلية كتبت بواسطة amro0000

انتة استاذ ياباشا بس المشكله الاساسية اني مغيرتش بفلتر البنزين الاصلي ودة سبب المشكله الرئيسي المشكله اني استرخصت وجبت نوع صيني اي كلام ودي كانت النتيجة انا هغيرة واركب الاصلي إن شاء الله قريب وهبقي مفولش العربية علي اخرها عشان المشكله متحصلش تاني واشكر كل الردود الي ردو علي الموضوع

الفلتر حتي لو صيني ياباشا ملوش علاقه بالتسريب الفكرة كلها في الجوان لانه لازم يكون مظبوط كويس عشان ميحصلش تسريب الفلتر لو مش اصلي حيأثر علي طرمبه البنزين والرشاشات في المكنه لو العربيه انجكشن ويفضل انك متمشيش بالفلتر ده كتير

**salah_86** · 10-08-2013 06:39 AM

برضة ياعمرو انت مقتنع بالاصلى المشكلة فى اللى ركبلك الفلتر مش نوع الفلتر روح المتخصصون عندهم الفلتر الصينى نوع نضيف ب 150 جنية انا ركبته عندهم وكويس بس التايلاندى اللى انا كنت جايبة من طنطا اللى كنت مركبة قبلية كان احسن العربية كانت بتسحب احسن من كدا

**amro0000** · 10-08-2013 03:59 PM

المشاركة الأصلية كتبت بواسطة salah_86

برضة ياعمرو انت مقتنع بالاصلى المشكلة فى اللى ركبلك الفلتر مش نوع الفلتر روح المتخصصون عندهم الفلتر الصينى نوع نضيف ب 150 جنية انا ركبته عندهم وكويس بس التايلاندى اللى انا كنت جايبة من طنطا اللى كنت مركبة قبلية كان احسن العربية كانت بتسحب احسن من كدا

ابو صلاح ازيك ياباشا ....... والله ياباشا العملية مش في الاصلي اني مقتنع بية المشكله في الي شوفته من الفلتر الصيني رغم انو مفهوش حاجة وزبطلي العربية وفوقها شوية بس هعمل اية كرهته اما لاقيت البنزين بيسرب وريحة البنزين فايحة فدة راعبني لدرجة اني مش بفول العربية خالص ومش عارف بقا اعمل اية بصراحة الفلتر الاصلي غالي غالي معدي 600 جنية والله انا معدتش عارف واضح ان قطع الغيار كلها مضروبة يا اما نشتري من التوكيل المبالغ فية وفي اسعارة دة مراية البومة في التوكيل سمعت انها ب 2300 جنية بجد اسعار مبالغ فيها في كل حاجة

**ehab1eg** · 10-08-2013 04:16 PM

عن تجربه...حصل لي نفس الموضوع... وغيرت الجوان و برضه مفيش فايده... و يعدين اكتشفت ان الفلتر اللي انا جبته (مش اصلي) و الفرق ان الكوع اللي في الفلتر اللي بيدخل فيه الخرطوم اتجاهه مختلف...والميكانيكي حاول يلفه فكانت النتيجه انه اتشرخ...عندك حل من اتنين يا اما تغيره يا اما ما تملاش التنك علي الاخر....انا غيرت الفلتر علشان انا موسوس بتين في موضوع العربيه.

مع الشكر