http://www.upload.shrta.com/uploads/...6c9badbaba.png
يا شباب انا معايا حوالى 125 الف جنيه يقلو او يزيدو
وعاوز اجيب هوندا سيفيك 2009-2010 او تويوتا كرولا 2009-2010
مع العلم ان السعر ممكن يكفر هوندا سيفيك VTI تكون مرشوشة مثلا جانبين نضافة
و هتيجى بالسعر ده او اكتر حاجة بسيطة ..
باختصار انا عاوز سيفيك و اخويا عاوز كرولا .. لان العربية هتبقا بتاعتنا احنا الاثنين
مين فينا الصح و انهى عربية احسن من جميع الوجوه ..
منتظر رأى الناس الفاهمة ..
شكرا
سيفيك كفاية ان الشكل ده فضل مدة بس كل ماحد يشوفه كان بيتجنن حتي بعد ماتقعد ورا الدركسيون وتبص للعدادات هتحس انك راكب سفينة فضاء بصراحة تحفة
sure civic
وياريت تيجى على نفسك شوية وتجيبها vti هتحس بفرق كبييييييير اوى
انا عن نفسي وده رايي الشخصي السيفيك وخصوصا الشكل ده
يعني لو قارنت الشكل الي بعده كنت ممكن اقولك هات الكرولا
وانا اسباب اختيار السيفيك
الكرولا بجد ركبتها ن وراء صعب 3 يقعدوا كويس والاصعب ان حد فيهم يكون طويل ينفع يقعد اصلا !!!
تكييف الاثنين كويسين
العلو ممكن في صالح الكرولا
الثبات الهوندا طبعا
شكل وامكانيات وكل حاجه في صالح الهوندا قوة موتور وباقيت الحاجات دي
واستخير ربنا ف الاول والاخر وربنا يوفقك للحاجه الكويسه
هوندا طبعا
بس هي اوطي من الكرولا
لكن احسن منها في كل حاجة
ياجماعة الهوندا والكورولا ارتفاعهم واحد سيبكوا من الشكل
اللى مديكوا المنظر دة عشان ال wheelbase فى الهوندا اطول
اقتباس:
المشاركة الأصلية كتبت بواسطة ahmedalaahosny
بصراحة كلامك ده اكتر حاجة مخليانى عاوز اجيب السيفيك ..
لانى لما ركبتها مع واحد صحبى بصراحة مكنتش مصدق قد ايه انها محترمة العربية دى
اقتباس:
المشاركة الأصلية كتبت بواسطة SAMEH_FOUAD
ياريت حضرتك تقولى wheelbase معناها ايه يا سامح باشا ..
هل قصدك المسافة بين الجنطين اللى قدام واللى ورا ..
وياريت برضو تقولى ال VTI فيها ايه زياده عن العادية ..
انا معلوماتى انها فيها فتحة سقف و كاسيت و فرش جلد .. ونظام ثبات VSA
لو فيه حاجة تانية قوللى عليها بلييز
ممنوع استخدام اللون الأحمر حيث انه مخصص للمداخلات الإدارية
برجاء مراجعة قوانين المنتدى
سيفيك طبعا. شكل أحسن و أداء أحسن و أوسع من جوا. قطع الغيار أظن فروقات بسيطة و سهولة البيع الاتنين زي بعض.
ال wheelbase هنا معناها قاعدة العجلات وهية الفرق مابين العجلة الامامية الى العجلة الخلفية , وطبعا كل مالسافة دية كبرت , السيارة بتيجى على المطبات الصناعية , وبتحك نتيجة بعد العجلة الخلفية عن الامامية فطبعا بيكون العجلة الامامية نزلت على الارض قبل مالعجلة الخلفية تبدأ تطلع على المطب , وطبعا دة بيحصل فى المطبات اللى بتكون معمولة غلطاقتباس:
المشاركة الأصلية كتبت بواسطة mhoreya
- بالاضافة للحاجات اللى حضرتك قايلها زود : paddle shift من الطارة للتحكم فى نقلات الفتيس + 2 ايرباج زيادة + كمبيوتر صغير لمعرفة استهلاك البنزين والمتبقى ومسافة السير
وشوية اوبشن الترفيهية
شكرا سامح باشا على اهتمامك .. بس هسألك سؤال اخيراقتباس:
المشاركة الأصلية كتبت بواسطة sameh_fouad
لو معرفتش اجيب السيفيك vti و المقارنة كانت بين سيفيك كاملة بالجنط ال 16 بتاعها
وبين الكرولا العادية برضو طاسات او جنط بس مفيش فتحة سقف ..
ترشحلى انهى واحده فيهم ..
انا يهمنى عوامل الأمان و نعومية العربية و الراحة و الشكل و الثبات على الطريق وقطع الغيار المعمرة
قوللى بقا حل المعادلة دى هيكون مع السيفيك ولا الكرولا
انت كل اللى بتقولة دة فى السيفيك , وعن جدارة
هقولك كلمة ابرك من عشرة , انزل جرب العربيتين وشوف هتستريح لمين فيهم بس نصيحة منة سوق الكورولا الاول , عشان لو سوقت السيفيك مش هتنزل منهااااااااا
سييفيك طبعااااااااااااا
انا جربت الاتنين يا باشا
بصراحه السيفيك جميله جدا جدا ماشاء الله عليها
تويتا بصراحع لو قارنتها في اي حاجه في فئه دي التاني يكسب
من مازدا لسيفيك لي اوكتافاي لشارك
civic civic civic
انا راكب كورولا 2008 في السعودية لمده شهرين ..بتاعت واحد صاحبي كان بيمشي بيها كل يوم 20 كيلو من الشغل للبيت ..يعني زيرو محبيتهاش زي الهوندا ال 93 الكاربيراتير ..السيفيك ال 2009 بأه لأ بص أصل شوف مش هاينفع خالص سلامو عليكم
بص من الاخر لو هتمشي بالعربية في شوارع كلها مطبات .. بلاش الهوندا
و لو هتركب كورولا يبقى الياباني الخليجي و بلاش الجنوب افريقي ولا التايواني
لو مش فارق معاك المطبات يبقى الهوندا اكيد
خلي بالك انا مركز اوي في المطبات عشان دي اكتر حاجة مزعلاني بصراحة
وجهة نظري سيفيك طبعا يا باشا انا بعتبره الموديل اللي لن يعوض و كويس ان الوالد جابها
و سيبك من اللي يقولك بتحك العربية انا بسوقها و نادر لما بحك في مطب و بيكون مطب مبالغ فيه فعلا
ده مجرد احساس بيجي للناظر للعربية نظرا لتصميمها لكن ارتفاعها اعتقد اعلي من الكورولا كمان :)
و الـvti تفرق عن lxi في حاجات كتيير اغلبها رفاهية من وجهة نظري المالتي فنكنشن و تبترونك في الطارة و عدد السماعات و اشارات المرايات و الجنوط و فتحة السقف
بس خلي بالك برده ان قطع غيارها غالية شوية
و في الاول و الاخر اختيار العربية يرجع لحضرتك يعني جرب الاتنين ع الارض و شوف اللي هترتاح لها اكتر