انا ناوي اجيب نوبل اللي هي كوبي مرسيدس سمارت عايز حد من اللي جربوها يقولي رأيوو ضروري
وشكرا مقدما
عرض للطباعة
انا ناوي اجيب نوبل اللي هي كوبي مرسيدس سمارت عايز حد من اللي جربوها يقولي رأيوو ضروري
وشكرا مقدما
متابع لانى شايفها رخيصة اوووى
محدش رد كلو بيخش ويسكت طب حد يفيدنا
بعد اللف 3 ايام ف المنتدى لقيت ان الناس بيقولوا اركب 28 ولا تركبهاش ولقيت واحد من ملاكها بيشتكى منها
http://www.nilemotors.net/Nile/46213-a.html
الكلام ده من ٢٠٠٨ يا باشا مكنش لسة العربيات الصيني نزلت وطبعا المقارنة بتاعتو اكيد كان بيقارنها بالعربيات العادية مش الصيني واكيد كان بيقارن بحاجة مش علي نفس الوزن بتاعها ف اكيد المقارنة بتاعتو مش مظبوطة ١٠٠ ف المية
واضح ان العربيه محدش يعرف عنها حاجه وبصراحه انا مشوفتهاش ف الشارع غير مره واحده من حوالى اربع سنين وكانت علاطول راكنه قدام الكليه وعرفت انها بتعت بنوته ف الكليه
سعرها كام
انا بردو شوفتها وحاولت اعرف سعرها وبتتباع فين بس لا لقيتلها توكيل ولا اعرفت عنها حاجه هيا سعرها كام ياباشا
انا كنت ركبتها في معرض من حوالي ٥ سنين كان وسعها معقول و الراجل قالي انها موتور سوزوكي التو ١١٠٠ بس اكتر من كده معرفش
سعرها من ٢٧ ل ٣٣ موديل ٢٠٠٨ ماتور سزوكي ١١٠٠ سي سي ٦٨ حصان
انا سؤالي في حد ركبها وجربها يدينا فكرة عنها
انا سوقتها مع واحد صاحبى
اممم بص هيا كانت مطلعة عينة فى قطع الغيار
وماتنفعش غير لواحد بس ومعاة مرافق
من جوة واسعة ودة الى استغربت منة مع انى طويل وتخيييييييييييين بس كنت مستريج فيها
حجمها حلو اوى فى الشارع وتحس ان متحكم فيها
السرعة والتسارع معقول ( ماعرفتش اجربها على طريق سريع)
هيا لو استخدام داخل المدينة هايكون جميل اوى ( مع ان صاحبها سافر بيها مارينا اكتر من مرة بس كانت على قدها)
هو للاسف سافر برة مصر لو كان موجود كنت اتصلت بية وسالتلك عن كل الى عايز تعرفة
العربية موديل 2008 فقط وسعرها زيرو 42 ألف جنيه والتوكيل بتاعها فاو في قبل متنزل نفق الدقي ولغاية قبل سنة كان عندعم زيرو في المخزن ونزلتش غير مانوال وهي عربية واسعة جدا وتكييفها حلوليها كاركتر لوحدها بس كل اللي خدوها بيسترخصوا فمحدش صرف عليها صح وملهاش قطع غيار واللي قارنها بال 128 فده إنسان مغيب ﻷن ال 128 سبة في جبين مصر ولو معروضة عليك ب 23 أو 25 خدها حتى لو ملهاش قطع غيار حتتعايش مش صعبة
العربية معايا من الزيرو من ٢٠١٠ بس عي موديل ٢٠٠٨ فعلا كنت احيانا بواحه مشكله في بعض قطع الغيار لكن دلوقتي الحمد لله مع الوقت عرفت خبايا كتير في قطع الغيار ( بدائل من سيارات موجودة في السوق المصري )غير ان بقالها سنة و قطع غيارها متوفرة بالكامل و رخيصة مش غالية
ومن خلال ٣ سنوات استخدام العربية مناسبة جدا جدا بالنسبة لسعرها و الفئة بتاعتها يعني طبعا افضل بكتييييير من الماروتي يعني عربية في فئة التلاتينات و فيها جميع الكماليات و الحمد لله سافرت بيها كتييير جدا اسكندرية و راس سدر و العين السخنة و الاسماعيلية و فايد و اماكن كتيير جدا لو محتاج اي نصيحة او اي حاجة ليها انا تحت امرك بس خد بالك و انت بتشتريها مستعمله لان هتلاقي تفاوت كبير في اسعارها و ده بيرجع لحالتها و مدي اهتمام صاحبها بيها و طبعا تراجع كويس علي كمالياتها شغالة ولا لأ من تكييف ل باور ل abs يعني الحاجات ديه كلها تراجع عليها كويس و بالنسبة لقطع غيارها او اي حاجة في العفشة فهي سهلة و رخيصة و موجودة جديدة و استيراد و الميزة في قطع غيارها الاستيراد انها بتكون سوزوكي ياباني لعربية سوزوكي مبتنزلش مصر بس التجا بتجيبها بالذات مخصوص لمالكي النوبل
شكرا ليكو جميعا علي النصايح وفعلا قررت اجبها عشان صغيرة وموفرة وشكلها حلو وانا ببيع عربيتي دلوقتي وربنا يقدم اللي فيه الخير
هو فيه ليها اكسسوارات و بودى
مرايات اكصدامات وياريت اللي يعرف منين يقول العنوان او التليفون ضرورى لان قدامى واحده عاوز اخلص فيها
السلام عليكم ورحمة الله وبركاته عند الشركه الصينية فى التوفيقيه محلات كتير شغاله فى الصينى وهتلاقى اللى انتى عايزه وحكاية دى عربيه صينى الكلام ده كان زمان شوف الشيرى التيجو عامله مبيعات فى اوربا وامريكا وفى مصر وصلت الاوتوماتيك فوق 150 الف والعربيات الصينى ليها حلول زى ماقولت السيزوكى مفيش عربيه صينى ملهاش حل كل الصينى بيركب عليه انواع تانيه زى الشيرى a11وa15 الموديلين دول بس فى الصينى كله بيركب عليه حاجة الجولف الالمانى بدون اى تعديل يدوب فك المسمار وركب المانى تبقى مكسب وله خصاره انا بركب قطع غيار المانى العفشه امامى وخلفى جولف الفيتيس جولف حتى الموتور ناس كتير فى قسم الشيرى مركبين مواتير جولف وبيركب عادى جدا بدون اى تعديل انا بقولك كده علشان لو انتى حابب العربيه اشتريها وقطع الغيار ليها حلول كتير ونصيحه اللى يشترى سياره صينى اهم حاجه اسم الوكيل لان فى توكيلات بتستورد كمية عربيات من الصين ملهاش اسم تجارى وفشلت فى التوزيع يجى الفارس المصرى الهمام ياخد كل الكميه برخص التراب ويدخلها البلد واى اعلان وضمان وهمى وبعد البيع يخلع من الضمان وفى توكيلات كتيره عملت اللعبه دى بدون اى رقابه حتى المعارض بتاعتهم ايجار والمكاتب وورش الصيانه متفقين مع الميكانيكيه يا جماعه موضوع السيارات ده كبير جدا والعب فيه فوق تصورنا دى ناس بتلعب على كبير والدوله عامله نفسها مش شايفه حاجه طالمه بيدفعه الجمارك والضريبه وشاى بلياسمين يبقى كله تمام والمواطن هو اللى بيشيل الهم لعدم توافر قطع الغيار وفى الصين بيقوله على التاجر المصرى مصرى يبقى عايز رخيص
تمام انا مش قلقان من الماتور والعفشه
انا قلقان من الاكسسوارات والبودي
اكصدام رفرف مرايه فرش باب كده يعنى
فهل حد له تجربه اشترى اي حاجه من دول ارجو الرد
ارجو الرد
ارجو الرد
حد عنده بيانات اكتر عنها او عن الشنا بينى