| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 23

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    Talking تقرير مصور : تغيير مياه ريداتير سوزوكي التو - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته

    كل سنة و انتم طيبين
    و رمضان كريم
    و العيد ع الابواب ان شاء الله :)

    انهاردة التقرير هيكون عن تغييير مية ريداتير سوزوكي التو 2008

    بداية الحاجات اللي هتحتاجها

    - جيركن مية ريداتير 4-5 لتر ( متقلقش الدورة كلها بالقربة حوالي 3.5 لتر )
    yoko كان لسه شايف الريداتير امبارح وفي حالة ذهول من صغره هههههههههه 800 سي سي اجدعان اومال عايزين الريداتير فنطاس
    للأسف ملقتش مية موبيل لفيت محطات موبيل عندنا كلها خلصت فاضطريت اجيب مية ريداتير اسباني 5 لتر و سعرها 35 ج تركيز أقل من موبيل

    و رأيي الشخصي مجرد اجتهاد مني لو تركيز المية عالي يفضل تجيب ازازتين مية مقطرة بالمرة و تخلي التلت ارباع مية ريداتير و الباقي مقطرة او تجيب العلبة اللي فيها سائل تبريد و نخففه بمية الريداتير
    - بنسة
    - طبق بلاستيك ارتفاع بسيط
    2 جيركن او ازايز مية كبيير فيها مية تم غليها ( و ده عشان انضف بيهم الريداتير مبحبش احط مية عادية او انضف بيها عشان الاملاح و البواقي ) عايز تنضف بقي بالخرطوم المية و تضربه فيها الرييداتير براحتك

    و اعذروني نسيت اصور الجيركن هبقي اصوره و ارفعه

    للعلم مية الريداتير تتغير كل سنتين بالكتيير و انا عن نفسي بفضل كل سنة او 20 الف ك لأن برده الجو هنا ما شاء الله رائع


    نبدأ بقي التغيير

    كل القصة ديه اتعملت و العربية باردة تماما و مدارتش من امبارح بليل عشان محدش يقولي مدورتش العربية ليه الكلام ده لو العربية كانت سخنة ساعتها لازم تدور عشان جوان الوش ميضربش

    - فك غطا الريداتير - غطا القربة و شيل القربة عشان هتتنضف من القديم و الرواسب






    - هنجيب الطبق البلاستيك و نحطه تحت مكان العصفورة
    عندنا الريداتير فيه عصفورة من تحت ناحية الموتور زي ما شايفين هنفكها بس واحد واحدة عشان فيه خرم من تحت برده اول ما يبدأ ينزل جامد سيب العصفورة ديه و متشلهاش لحد ما الضغط يخف شوية و بعدين شيلها و سيب المية كلها تتصفي و تنضف العصفورة واحدة واحدةو اوعي الاولسيه اللي راكب عليها من جوة يحصله حاجة عشان ده اللي بيقفل الريداتير و يمنع تسرب المية




    - نفك الخراطيم عند رايح و راجع ننزل المية اللي فيهم و ننضفهم و امرهم سهل لأنهم بأفيس يتفك بالبنسة

    - بعد ما المية اتصفت خالص هنفضل نصب المية في الريداتير و ننزل في الطبق و هكذا لحد ما تلاقي المية نازلة زي ما حطيتها
    الناس هتيجي تقولي طب ليه مفكتش الريداتير و غسلته فوق او حطيت خل او منظف او اي حاجة
    عامة هو كان متنضف قريب لما اتخرم و لحمته و معنديش استعداد اخوض تجربة فكه تاني طالما نضيف لأن المروحة بتطلع بطلوع الروحو المكان ضيق جدااا مع الصيام مش بعيد انام تحت العربية لحد الفطار بالاضافة ان المية كانت مقطرة و نازلة نضيفة غامقة سنة بسيطة لا تدل ع وجود اي مشاكل جوة اللون الطبيعي يعني

    - بعد ما خلصنا و المية اتصفت اللي نعتبر نضفنا بيها نركب الخراطيم تاني و و نقفل العصفورة كويس و نتأكد انها مقفولة كويس بس اوعي حد يتعافي عليها بدل ما تكسر ديه بلاستيك و كتر فكها او انك تتك عليه تبوش او تكسر

    - ننضف القربة طبعا مكنتش قادر اطلع البيت تاني و كانت القربة معفنة بكل ما تحمل الكلمة من معني حبة مية و رملة نضيفة مش تراب و فوطة و رجعت تاني زيرو :)
    و هنركبها اهو ما شاء الله شايفين النضافة بعد حبة الرمل بس خلو بالكم لأن مكانها مزنوق و بتدخل في المجري ده بالعافية











    - نبدأ نصب مية الريداتير في الريداتير حبة حبة لحد ما تنزل و ترجع تملي تاني و هتلاقي فقاقيع هوا بتطلع ده طبيعي عشان المية بتاخد مكان الهوا و لما كنت بصب مية كنت بهز العربية عشان تنزل اكتر افتكاسة مني بس نجحت :) و هكذا لحد ما ااخدت حوالي 3 لتر و شوية و الفقاقع طالعة و بقيت قاعد العب و افرقعها ههههههههه
    و هكذا لحد ما قربت تتملي و بعدين مليت القربة محدش يقولي مية مقطرة هو التركيز خفيف اساسا و مكتوب تحذير اضافي كمان للي ميعرفش انها متتخففش و قفلت غطا القربة







    و بعدين دورت العربية طلعت شوية فقاقع و المية نزلت حاجة بسيطة جدااا مليت اللي نزلت و قفلت الغطا و أتأكدت ان مفيش تسريب من اي جزء
    و اخدت العربية مشيت بيها شوية و الحمد لله مفيش اي نقصان في القربة او الريداتير بس متوقع ان ممكن ينقص حاجة بسيطة لباقي الدورة في القربة فنملي القربة منجيش ناحية الريداتير تاني بقي و نتابع مستوي المية في القربة عشان طبيعي تنقص عقبال ما المية توصل لكل دورة التبريد

    و اعذروني ان فيه صور ناقصة الصيام مع الجو قام بالواجب بس انتظروا ان شاء الله باقي تقارير صيانة الالتو و ان شاء الله تكون أفضل :)


  2. #2

    الصورة الرمزية el diesel

    رقم العضوية : 129825

    تاريخ التسجيل : 30Sep2012

    المشاركات : 637

    النوع : ذكر

    الاقامة : القاهرة -شبرا مصر

    السيارة: مفيش بعد الالفا

    السيارة[2]: ألفا روميو 146

    دراجة بخارية: no

    الحالة : el diesel غير متواجد حالياً

    افتراضي -

    تقرير محترم


    أحمد بهاء الدين
    https://www.facebook.com/eldiesel2020


  3. #3

    الصورة الرمزية mohamed hussei

    رقم العضوية : 126748

    تاريخ التسجيل : 28Jun2012

    المشاركات : 1,283

    النوع : ذكر

    الاقامة : مصر

    السيارة: 128

    السيارة[2]: seat toledo 2015

    دراجة بخارية: لايوجد

    الحالة : mohamed hussei غير متواجد حالياً

    افتراضي -

    تقرير زي الفل حد يعرف طريقة ل128 ؟


  4. #4

    الصورة الرمزية ahmedalaahosny

    رقم العضوية : 132473

    تاريخ التسجيل : 19Dec2012

    المشاركات : 1,631

    النوع : ذكر

    الاقامة : Alex

    السيارة: لا يوجد

    السيارة[2]: w123 Mercedes 200

    الحالة : ahmedalaahosny غير متواجد حالياً

    افتراضي -

    ايه الحيلاوة دى ماشاء الله تقرير اكثر من الرائع


  5. #5

    الصورة الرمزية bmya

    رقم العضوية : 11106

    تاريخ التسجيل : 20May2008

    المشاركات : 5,343

    النوع : ذكر

    الاقامة : الزقازيق

    السيارة: صني 2008-لانسر 99

    السيارة[2]: تيدا هاتشباك HL-سيريون S

    دراجة بخارية: مبحبهاش

    الحالة : bmya غير متواجد حالياً

    افتراضي -

    لسه عاملها قريب في السيريون عندي انا مغيرتش خالص المايه من الزيرو لسه مغيرها من شهرين كده تقريبا والمايه نازله لونها احمر زي ماهي بس قلت كفايه عليها كده 5 سنين القربه بقه اللي كانت متوسخه مش عارف ليه ولا من ايه !!
    بس انا حطيت مايه حمره زي اللي كانت فيها وجبت مايه تويوتا الاصليه من موزع تويوتا كانت ب 65 جنيه ليتر مركز بيتخفف 50/50 والعربيه بتاخد تقريبا 2.5 او 3 خففتها بلتر مايه مقطره من بتاعت الادويه ههههه والباقي جبت مايه حمره مخففه كملت بها القربهوخالي بالك المفروض تتباعها لمده يوم او اتنين تبص عليها عشان ممكن تنقص شويه مع المشي

    سبحان الله وبحمده سبحان الله العظيم


  6. #6

    الصورة الرمزية islamahmed1990

    رقم العضوية : 124669

    تاريخ التسجيل : 15May2012

    المشاركات : 158

    النوع : ذكر

    الاقامة : faisl

    السيارة: suzuki alto 2013

    السيارة[2]: suzuki maruti 2007

    دراجة بخارية: لا يوجد

    الحالة : islamahmed1990 غير متواجد حالياً

    افتراضي -

    ممتاز دايما يا اكسل


  7. #7

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة el diesel مشاهدة المشاركة
    تقرير محترم

    اقتباس المشاركة الأصلية كتبت بواسطة ahmedalaahosny مشاهدة المشاركة
    ايه الحيلاوة دى ماشاء الله تقرير اكثر من الرائع

    اقتباس المشاركة الأصلية كتبت بواسطة islamahmed1990 مشاهدة المشاركة
    ممتاز دايما يا اكسل


    الف شكر يا رجالة ع مروركم




    اقتباس المشاركة الأصلية كتبت بواسطة mohamed hussei مشاهدة المشاركة
    تقرير زي الفل حد يعرف طريقة ل128 ؟

    لو الريداتير عندك مفيهوش العصفورة قدامك حل من الاتنين يا تفكه خالص و تنضفه
    ياما تفك خرطوم الراجع و تخليه يصب برة الحوض و تدور العربية طبعا هيطرد كل المية اللي في الدورة بدل ما بتروح الريداتير و الريداتير هيفضي فتكون جاهز بخرطوم مية قوة المية متوسطة و تصب في الريداتير بس كده لحد ما تلاقي المية اللي خارجة نضيفة و ممكن قبل القصة ديه تحط منظف ريداتير و البعض بيحطوا خل لكن مجربتوش بصراحة و تاخد العربية مشوار هينضف اي صدأ او اي بلاوي جوة بس لاحظ القصة ديه لو هتعبي مية عادية لو هتعبي مية ريداتير يبقي مفيش حل غير انك تفك الريداتير و تفرغ اي مية في الدورة و تنضفه و ترجع تركب و تملي :)


    اقتباس المشاركة الأصلية كتبت بواسطة bmya مشاهدة المشاركة
    لسه عاملها قريب في السيريون عندي انا مغيرتش خالص المايه من الزيرو لسه مغيرها من شهرين كده تقريبا والمايه نازله لونها احمر زي ماهي بس قلت كفايه عليها كده 5 سنين القربه بقه اللي كانت متوسخه مش عارف ليه ولا من ايه !!
    بس انا حطيت مايه حمره زي اللي كانت فيها وجبت مايه تويوتا الاصليه من موزع تويوتا كانت ب 65 جنيه ليتر مركز بيتخفف 50/50 والعربيه بتاخد تقريبا 2.5 او 3 خففتها بلتر مايه مقطره من بتاعت الادويه ههههه والباقي جبت مايه حمره مخففه كملت بها القربهوخالي بالك المفروض تتباعها لمده يوم او اتنين تبص عليها عشان ممكن تنقص شويه مع المشي


    يا راجل يا طيب 5 سنين و لا عشان الحسد هههههههه كده ممكن تلاقي صدأ جوة و مش هينزل الا لما تنضفه بمنظف اي ان كان هيبان لما ينزل و ساعتها فيه احتمال كبيير الريداتير يتخرم لأن الصدأ بيكون قافل اي اخرام في الريداتير
    و ممكن تشتري مية مقطرة من اي بنزينة او محلات زيوت بس تتاكد انها مية مقطرة و متبرشمة سعر الازازة 1.5 - 2 ج
    و فعلا لازم تتابع لأن طبيعي المية هتنقص في القربة عشان تعوض النقص في الدورة اللي متملاش لما جيت تملي الريداتير


  8. #8

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    في خطوة ضروريه احب اضيفها...
    المفروض تحول مؤشر الدفايه الداخلية عالسخن،عشان ننضف الدفايه والميه الراكدة جواها متتخلطش بالجديده وعشان تتملي والميه متنقصش لما تتفتح في الشتا...
    تقرير مميز....

    تحياتي

    Sent from my Xperia Arc S using Forum Runner

    don't judge a car unless you have driven it

    hm414 سابقا


  9. #9

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة dr.hazem مشاهدة المشاركة
    في خطوة ضروريه احب اضيفها...
    المفروض تحول مؤشر الدفايه الداخلية عالسخن،عشان ننضف الدفايه والميه الراكدة جواها متتخلطش بالجديده وعشان تتملي والميه متنقصش لما تتفتح في الشتا...
    تقرير مميز....

    تحياتي

    sent from my xperia arc s using forum runner

    لا تقلق يا ابو حازم هو فعلا كان متحول ع السخن عيب ديه تفوت علينا برده :)


  10. #10

    الصورة الرمزية bmya

    رقم العضوية : 11106

    تاريخ التسجيل : 20May2008

    المشاركات : 5,343

    النوع : ذكر

    الاقامة : الزقازيق

    السيارة: صني 2008-لانسر 99

    السيارة[2]: تيدا هاتشباك HL-سيريون S

    دراجة بخارية: مبحبهاش

    الحالة : bmya غير متواجد حالياً

    افتراضي -

    hasad">

    فاتتني انا بقه حته السخن دي
    بالنسبه للصدا الردياتير مفيش على بوقه اي صدا وحطيت صبعي مفيش صدا برده
    ربنا يستر سنتين كده وهغيرها ان شاء الله

    سبحان الله وبحمده سبحان الله العظيم



 
صفحة 1 من 3 1 2 3 الأخيرةالأخيرة

المواضيع المتشابهه

  1. مشاركات: 33
    آخر مشاركة: 05-02-2013, 11:24 PM
  2. تقرير مصور : كتم صوت ابواب سوزوكي التو عند الغلق
    بواسطة Amr Axel في المنتدى سـوزوكى
    مشاركات: 32
    آخر مشاركة: 03-02-2013, 05:17 PM
  3. مشاركات: 12
    آخر مشاركة: 06-11-2012, 08:49 PM
  4. تقرير-مصور تغيير سير الدينامو لسوزوكي ألتو
    بواسطة Amr Axel في المنتدى سـوزوكى
    مشاركات: 10
    آخر مشاركة: 28-03-2012, 12:58 PM
  5. تم الحمد لله شراء فلتر مياه 6 مراحل - تقرير مصور-
    بواسطة blazer في المنتدى المنتــــــدى الاجتمــاعى
    مشاركات: 33
    آخر مشاركة: 07-08-2010, 12:20 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2