الموضوع: سؤال مستعجل لو سمحتم

انا بكرة ان شاء الله رايح اظبط شوية في العفشة لحسن العفشة عندي مسافرة خالص (نوبيرا 2 أوتوماتيك)

و هبدأ ان شاء الله بالمشكلة المعتاده جلب المقصات و قدامي خيارين : -
1- الجلب الاصلي ب 150 .. غير المصنعية
2- الجلب المتعدلة ب 250 غير المصنعية

أجيب انهي ؟!!!

المساعدين عندي الاربعة تعبانين و العربية ناشفة و بحس بكل طوبة في الشارع و قدامي الاتي ( مع العلم اني عاوز الوسط .. يعني مش هختار اغلي الحلول " : -
1- مساعدين شونة "استيراد" هيعملوا اعتقد في حدود 700 جنية .. و بييجي كامل بالسوستة بتاعتة بس طبعا زي البطيخة
2- مساعدين اصلي كنت عرفت ان سعرهم من فتره 900 - 100
3- مساعدين مونرو سالت عليهم في التوفيقية من فترة كانو في حدود 1400 تقريبا و دي مستبعده عشان سعرها بصراحة

ايه رأيكوا؟

و بالنسبة لتيل الفرامل الامامي حد يرشح نوع معين ولا اي حاجة كوري ادوس و خلاص؟؟

ياريت لو حد سهران يفيدني لحسن رايح الصبح ان شاء الله