عرض للطباعة
السلام عليكم ورحمة الله وبركاته من كام يوم كنت على الأوتوستراد وبعد مالعربيه وصلت لسرعه 100 كم/ساعه ثبتت على كده ماهما ادوس بنزين مافيش اى زياده فى السرعه حتى صوت الموتور مابيعلاش كل العدادت بتثبت كأن العربيه هنجت كأن دواسه البنزين اتلغت مع العلم ان فى السرعات الأقل سحب العربيه كويس وفى مشكله كمان لو مثلا طالع كوبرى وجبت سرعه الغيار التالت ونقلت عليه العربيه متجمعش ابدا بعد ال 60 فى المطلع حتى لو دوست بنزين على الأخر لحد المنزل تبتدى العربيه تجمع معايا انا مش عارف ايه المشكله شكراا
والله يابشمهندس انا عندي نفس المشكله تقريبا وكمان عند لف الطاره لﻻخر في ملف او مطب عالي بتهنج مهما ادوس بنزين مبتعﻻش وبعد كده تبتدي تتجاوب واحده واحده في ناس بقى قالتلي دي تهنيجة فتيس اصل فتيسي اوتوماتيك وبعدين ناس تاني قالتلي كمبيوتر اللي هوه الكنترول وناس قلتلي حساس البوابه وناس حساس السﻻنسيه المهم رحت للميكانيكي عشان اشوف الكﻻم بتاع الناس ده هيرسى على ايه فجرب العربيه وقالي مخنوقه غير فلتر البنزين فغيرت الفلتر فعﻻ مشىعاوز اقولك كان شكله ايه وبينزل ايه وبعد كده جربت بصراحه لقيت فرق كبييييير جدا بس بصراحه مجربتش حاجه تاني زي اللي حصلت دي بس لظروف السفر والشغل وضيق الوقت بالنسبالي وقالي هاتلها علبة منظف دورة الوقود بالرشاشات اللي هو بيتحط في التانك وجبته فعﻻ وحطيته وبالمره انا هبقى مسافر واجر وفعﻻ لقيت فرق رهيب ولكن لسه هشوف الباقي ان شاء الله اما ارجع وربنا يقدم ما فيه الخير ليا وليك وياريت اما حضرتك تشوف ولو عرفت او وصلت لحاجه قولي عشان اعرف يمكن نقدر نفيد بعض وشكرا وعلى فكره في ناس قالتلي برده الموبينه والسلوك والبوجيهات راجع عليهم او شوف لو حاجه عاوزه تتغير واللع اعلم بس انا رأيي ان دي كل الحاجات اللي ممكن تكون السبب في ده والله اعلى واعلم والسﻻم عليكم ورحمة الله
متابع مع حضرتك
الاحتمالات :
مبدئيا تعمل اتشك على التالى
- البوجيهات
- فلتر الهواء
- الرشاشات
مكنش كدة يبقى
- علبة البيئة او الشكمان فية سدد
- طرمبة البنزين تعبت محتاجة تغيير
- اسطوانة الدبرياج محتاجة تغيير
فى الغالب طرمبه البنزين ضعيفه وعايزه تتغير
البوست بتاعك لخص كل الحاجات الى انا فعلا شاكك فيها وهاقولك على الحاجات اللى انا عملتهااقتباس:
المشاركة الأصلية كتبت بواسطة buddha
البوجيهات انا لسه مغيرها هى وفلتر الهواء جايبهم اصلى من منصور مكملوش 200 كيلو والرشاشات كشفت عليها بالألتراسونيك وطلعت سليمه الحمد لله كده الأحتمالات الخفيفه كل اعراضها مش موجوده
نيجى بقى للشكمان انا روحت غيرت العلبه الخلفيه والعلبه اللى فى النص كانو متاكلين وبسيط على علبه البيئه لاقيت فيها خلايا مسدوده بس قليله أوى الراجل وراهالى وحاسيت انه بينصب عليا كان عايز يركبلى علبه بيئه من اللى هيا فاضيه خالص عباره عن شفاط وكان عايز ياخد 300 جنيه والعلبه القديمه وبعد تغير العلبتين محستش بفرق كبير غير فى صوت العربيه بقى هادى اكتر
أكتر اتنين بقى انا محتار مابينهم الدبرياج والطرمبه لكن انا الحمد لله العربيه بتتطلع بالدبرياج بس من غير مدوس بنزين وسحب العربيه تحت ال100 كويس جدا الحمد لله ده غير انها عامله 50 الف كيلو بس
لكن طرمبه البنزين انا عربيتى موديل 2010 الموديل الناس بتأكد انه بطرمبه صينى فهو ده اللى مخلي احتمالات انها بايظه عاليه انا عايز بس اتاكد ده منها ولا ممكن علبه البيئه فعلا بايظه
عشان نخلص قصة اسطوانة الدبرياج
اطلع على الاولانى حارق يعنى افرك بيها لو فركت يبقى الاسطوانة ممتازة وكدة سليمة
او شوفها فى المطالع عاملة اية
العربية لو بتاخد وقت الصبح فى الدوارة او مش بتدور من اول مرة يبقى طرمبة بنزين
بس عايز اقولك ان الطرمبة الصينى تعبانة جدا جدا فى السحب
غير كدة يبقى علبة البيئة تعبانة
تحياتى