بص ياباشا و على الله اقدر افيدك
انت هتكون جاى من الزراعى هتلاقى فتحتين للدائري هتاخد الفتحه التانيه اللى هى بتاعه مدينه نصر و المطار و مصر الجديده
هتمشي عليها حوالى 20 كيلو هتلاقى يفط مكتوب عليها مطار القاهره و بعدها مدينه السلام
هتنزل مدينه السلام و هى نزلتها عباره عن موقف السلام كده و ميتوهش لو سألت هتوصل بسهوله و طبعا هتكون على الدائري و عشان تميز النزله ده عن غيرها هتلمح على بعيد نفق مش هتنزل النفق و النزله هتكون قبل النفق مباشره
تنزل السلام و تفضل ماشي مع الطريق طوالى لا يمين و لا شمال هتلاقى كوبري و شمالك المطار تطلعه و تنزل منه طوالى لا يمين و لا شمال و كل ده المطار على شمالك هتلاقى الطريق خلص و فى السندباد على يمينك و قدامك سور الكليه الحربيه قاطع الطريق خلاص
هتمشي مع الاتجاه شمال كأنك بتلف حولين المطار و تخلى جنبك سور الكليه الحربيه حوالى 300 متر هتلاقى شارع على يمينك و ممتد فيه برده سور الكليه ده شارع صلاح سالم هتدخله يمين كأنك ماشى مع سور الكليه و هتلاقى على شمالك فى اول الشارع نزله كده من كوبري عشان تميزه برده
تاخد بقى الشارع طوالى لحد ما تلاقى كوبري رفيع كده هتطلعه و تنزله و تفضل طوالى لا يمين و لا شمال لحد ما تلاقى نفق هتنزله و تطلع منه هتلاقى دار الحرس الجمهورى على يمينك بعدها بمسافه بسيطه هتلاقى الجامع على يمينك برده
المفضلات