ربنا يكرم كل واحد يجاوب عليا

**temoooo** · 03-08-2013 06:40 AM

و سمحتوا يا جماعه
ايه رايكم في مدينه هليوبلس الجديده اللي هي ادام مدينتي و جنب الشروق هي لسه صحرا نوعا ما بس اتبنت فيها خدمات زي مدرسه و مول علي التشطيبات و معظم تسليمات الشركات هناك في اخر2014 و هم بيقولوا انها في خلال 4 سنين باذن الله هتبقي شبه الرحاب عموما هي سعر المتر فيها اغلي من الشروق فانتو ايه رايكم انا شخصيا مش مستعجل علي السكن يعني ممكن استني كمان 5 سنين بس هل هي احلي ولا الشروق و شكرا لكل واحد هيجواب مش يشوف و بس

**casperinoo** · 03-08-2013 07:07 AM

انا شغلي عند بوابه 3 الشروق ..
المدينه لسه قدامها فعلا مش اقل من 5 سنين ....اول المدينه كلها عمارات بقالها اكتر من 10 سنين وبرده تحس انها مهجوره
والمتر فيها ارخص من الشروق مش اغلي ولا حاجه ..
لو عايز حاجه مضمونه انها بعد 3 سنين يبقي فيها حياه يبقي الافضل بوابة اتنين الشروق ديه كلها مناطق فيها عمارات جديده لما تسكن بعد

**temoooo** · 04-08-2013 06:43 AM

اولا متشكر علي ردك
ثانيااتا سالت في حتت كتير اوي و كلهك قالولي ان المتر في هليوبلس الجديده اغلي من الشروق وده كان كلام شركات زي املاك ودي شغاله في الاتنين و لما سالتهم ليه قالولي اولا علسان هليوبلس الجديديه كمبوند مقفوا عن هليوبلس ثانيا مفيش مساكن شباب ولا عمارات اهالي

**casperinoo** · 12-08-2013 04:02 AM

المشاركة الأصلية كتبت بواسطة temoooo

اولا متشكر علي ردك
ثانيااتا سالت في حتت كتير اوي و كلهك قالولي ان المتر في هليوبلس الجديده اغلي من الشروق وده كان كلام شركات زي املاك ودي شغاله في الاتنين و لما سالتهم ليه قالولي اولا علسان هليوبلس الجديديه كمبوند مقفوا عن هليوبلس ثانيا مفيش مساكن شباب ولا عمارات اهالي

كل الشركات هتلاقيها عايز تبيع هليوبليس لأنها لسه لسه شوية رمل ..
عكس الشروق سوقها مضمون وكل ماهيتأخر في بيعها سعرها هيزيد ..لأنها بالكتير سنتين وهتبقي المناطق اتسكنت..
عكس هليوبليس مش اقل من 5 سنين لما يبقي فيها حياه ..حتي لو هتستلمها النهارده