صوت صفاره في الفرامل ونوع كاوتش ومقاس جنط
السلام عليكم ياجماعه انا معايه لانوس 2 موديل 2000 واستعمالها خفيف جدا عائلي يعني
اخوكوا عنده كام استفسار كده وإن شاء الله بساط المهم اني في الميكانيكا للعربيه بطيخ فاللي ممكن يكلم معايه مايدخلش في تفاصيل كتير :ma:
الإستفسار الأول :
المهم انا كان عندي مشكلة في الفرامل والديبرياج هوبا رحت مغير اسطوانه وطقم دبرياج وماستر فرامل ومظبط الطنابير والتيل وكله لأن تقريبا العربيه كده كانت ضايعه ومافيهاش فرامل خالص
المهم كان في صوت ومازال صفاره كده عند الكلبشه الجامده هل ده عيب لسه في الفرامل ولا ممكن الكاوتش يكون جاب الناقصه وعاوز يتغير مع العلم انه ماعملش 30 ألف بس ممكن بقاله مثلا 4 سنين
ولا مثلا لو العجل مهوي شويه ممكن يعمل كده لأن الصراحه محتار والميكانيكي مصر يقنعني انه كله تمام وهو واد فعلا تمام بس الصراحه احترت
الإستفسار التاني :
الصراحه انا حاسس بأن الكاوتش عندي قدام بيتحايل عليه اغيره ففكرت بقى اعمل نقله نوعيه اجيب جنوط وكاوتشات من الآخر انا عاوز حاجه نضيفه وتعيش وماتبوظش عفسه كمقاس جنط مثلا كبير الصراحه كنت بفكر السؤال
ايه هو موديل الكاوتش مع الماركه الحلو وسعره معقول مش رخيص ولا مبالغ في سعره ولو غالي بس كفاءه ومتجرب مفيش مشكلة
والجنط بقى ايه الوصف الدقيق او المقاس الأفضل ولا اخليني في مقاس العربيه 13 وخلاص وايه قصه الET والكلام ده
وشكرا لكل واحد ممكن يضيفلي اي معلومه جديده :welcome1:
