الموضوع: مساعدة فى الكشف على عربية باسات 2000

السلام عليكم جميعا ..
انا معروض عليا عربية باسات موديل 2000 ماتور 1.6 اوتوماتيك ماشية حوالى 230 الف
العربية من برا ماشاء الله نضيفة اوى طبعا رشة ماعدا السقفوطالب فيها 70 ممكن تنزل ل68
مش ناقص غير انى اكشف عليها فمش عارف اعمل ايه بالظبط
انا ساكن فى المعادى فياريت لو حد يقدر يفدنى
وياريت لو تفيدونى فى اخبار قطع غيارها
شكرا مقدما

الموضوع سهل و مش معقد حضرتك هتروح بيها لسمكرى و يشوفلك الدواخل بتاعتها او اى مكان بيكشف على الدواخل و العربيه ككل بعد كدة انتا تجرب العربيه و تركز على الفتيس شوف نقلاته ناعمه و لا لا و لاحظ لو فيه نتش فى النقل يبقى الفتيس بيودع و تنزل 4 الاف من تمن العربيه بعد كدة شوف كهرباء العربيه الاربعه ازاز و التكييف و السنتر و الفوانيس و الانوار و بص على حاله الكاوتش و الجنوط .... متتكسفش لو شوفت العربيه مرة و اتنين العربيات دى القرار فى شراها مش سهل و صاحبها لازم يكون مدرك للكلام دة انا قعدت اشترى فى ابيزا 10 ايام لما الراجل كان هيديهالى هديه عشان يرتاح منى ...... موضوع قطع الغيار سهل جدا ورخيصه و ارخص من اللنسر بومه فى قطع غيارها و موجودة فى الحرفيين و العربيه دى اجود ما انتجته فولكس واجن هى و الاودى a4