طرمبة البنزين بوكة 2007 خليجي اوتو

**tato2009** · 03-08-2013 08:39 PM

كنت مسافر اسيوط
العربية مش بتدور خالص جبت ميكانيكي كويس فال الطرمبة بتاعة البنزين بايظة
هات جديد سالت لقيت تمنها1885جنية بالفلتر
رحت جبت واحدة بـ 275 جنية
وغيرت بوجيهات اصلية بـ 185 جنية

وبعد كل دة
العربية بتاخر في الدوارة
ولما رجعت الاقصر قالي الميكانيكي نغير موتور الطرمبة لانه مش كويس وهو اللي عامل المشكلة

الصراحة قربت اكره العربية وبفكر ابيعها
ارجوكم عرفوني اعمل اية

**m.elsherif** · 03-08-2013 09:22 PM

الطرمبه اللى انت جبتها دى جديده ولا استيراد ، و ياريت تغير الفلتر كمان عشان هو من احد تأخير دوارة العربيه

**Ahmed Amin** · 04-08-2013 01:02 AM

فعلاً موتور الطرمبة هوا السبب, ومتضايقش نفسك أنا مقدر أحساسك لأني لما حصلت لي مشاكل طرمبة البنزين كرهت العربية برضه بسبب الطرمبة وفكرت أني أبيعها..!
بس دا مكنش حل للمشكلة, وكان هروب من المشكلة دي ومن قرفها.

دلوقتي الحل أنك تغير موتور الطرمبة بموتور جديد, أو تتأكد من ضغطة الأول, بس لو كان أستعمال غيره لأنه في الغالب تعبان, والجديد اللي في السوق كله واحد ونفس الضغط سواء صيني أو الماني أصلي,, بس هات من تاجر محله ثقة وأمين.
والموتور أبو 90 جنيه زي اللي أبو 220 جنيه, ومعظم اللي قالو لي أن عندهم أصلي وألماني طلع صيني وكانو نصابين.

دلوقتي حلولك أتنين:- (1) يا هتجيب موتور جديد, ودا بعد ما نتأكد أن الموتور اللي عندك وحش وضغطة مش كافي لدوران العربية.
(2)يا هتتأكد من ضغط الطرمبة اللي عندك مظبوط ولا لأ.
وعشان تتأكد من الضغط أنت هتدور العربية عادي الصبح وهيا باردة وهتغيب في الدوران معاك عشان الضغط وحش تمام, بعد ما تدور أعمل بيها مشوار طويل من نص ساعة لساعة.
وبعدين أركنها وطفيها, وخمس دقايق ودورها,, لو دارت من أول مرة, يبقي عندك مشكلة يبقي في تهريب داخلي, ودا حله أنك تفكها وتربط علي الخرطوم اللي بياخد من موتور الطرمبة وبيودي لموتور العربية.
دا لما تربط عليه كل المشاكل هتروح إن شاء الله.

أما لو غابت تاني في الدوران بعد المشوار دا وهيا سخنة, يبقي كدا هتغير الموتور مع التربيط علي الخراطيم.

وأي أستفسار تاني أنا تحت أمرك لحد ما تحل المشكلة, والعربية تدور من أول تكة تاني.
أنا غيرت الطرمبة قبل كدا 3 مرات أو أربعة لما حصلت معايا مشاكلها دي, وهعمل عنها موضوع في خلال الأسبوع دا بالصور هبقي أبعت لك اللنك بتاعه لما أخلصه.

**Ahmed Amin** · 04-08-2013 02:05 AM

المشاركة الأصلية كتبت بواسطة amro0000

الله يطمنكم ههههههههههههه

مفهمتش قصدك ؟؟

**tato2009** · 04-08-2013 03:47 AM

علي فكرة الطرمبة جديدة

**Ahmed Amin** · 04-08-2013 04:05 AM

يبقي تتأكد من الخرطوم اللي خارج من موتور الطرمبة لموتور العربية,
وأبقي عرفني عملت ايه.

**mahmoud85** · 05-08-2013 12:41 PM

المشاركة الأصلية كتبت بواسطة leitosr

فعلاً موتور الطرمبة هوا السبب, ومتضايقش نفسك أنا مقدر أحساسك لأني لما حصلت لي مشاكل طرمبة البنزين كرهت العربية برضه بسبب الطرمبة وفكرت أني أبيعها..!
بس دا مكنش حل للمشكلة, وكان هروب من المشكلة دي ومن قرفها.

دلوقتي الحل أنك تغير موتور الطرمبة بموتور جديد, أو تتأكد من ضغطة الأول, بس لو كان أستعمال غيره لأنه في الغالب تعبان, والجديد اللي في السوق كله واحد ونفس الضغط سواء صيني أو الماني أصلي,, بس هات من تاجر محله ثقة وأمين.
والموتور أبو 90 جنيه زي اللي أبو 220 جنيه, ومعظم اللي قالو لي أن عندهم أصلي وألماني طلع صيني وكانو نصابين.

دلوقتي حلولك أتنين:- (1) يا هتجيب موتور جديد, ودا بعد ما نتأكد أن الموتور اللي عندك وحش وضغطة مش كافي لدوران العربية.
(2)يا هتتأكد من ضغط الطرمبة اللي عندك مظبوط ولا لأ.
وعشان تتأكد من الضغط أنت هتدور العربية عادي الصبح وهيا باردة وهتغيب في الدوران معاك عشان الضغط وحش تمام, بعد ما تدور أعمل بيها مشوار طويل من نص ساعة لساعة.
وبعدين أركنها وطفيها, وخمس دقايق ودورها,, لو دارت من أول مرة, يبقي عندك مشكلة يبقي في تهريب داخلي, ودا حله أنك تفكها وتربط علي الخرطوم اللي بياخد من موتور الطرمبة وبيودي لموتور العربية.
دا لما تربط عليه كل المشاكل هتروح إن شاء الله.

أما لو غابت تاني في الدوران بعد المشوار دا وهيا سخنة, يبقي كدا هتغير الموتور مع التربيط علي الخراطيم.

وأي أستفسار تاني أنا تحت أمرك لحد ما تحل المشكلة, والعربية تدور من أول تكة تاني.
أنا غيرت الطرمبة قبل كدا 3 مرات أو أربعة لما حصلت معايا مشاكلها دي, وهعمل عنها موضوع في خلال الأسبوع دا بالصور هبقي أبعت لك اللنك بتاعه لما أخلصه.

متابع ومنتظر التقرير بالصور