السلام عليكم ,
عايز اعمل صيانة ال 5000 كم .. و كنت عايز استطلع رأى اعضاء المنتدى عن احسن مركز صيانة بالنسبة للاسكندرية اسكندرية الهندسية للسيارات ام مودرن موتورز الحضرة ؟
و استفسار اخر : هل حتواجهنى مشكلة انى فوت صيانة ال 1000 كم ؟
عرض للطباعة
السلام عليكم ,
عايز اعمل صيانة ال 5000 كم .. و كنت عايز استطلع رأى اعضاء المنتدى عن احسن مركز صيانة بالنسبة للاسكندرية اسكندرية الهندسية للسيارات ام مودرن موتورز الحضرة ؟
و استفسار اخر : هل حتواجهنى مشكلة انى فوت صيانة ال 1000 كم ؟
انا عن نفسي صينت ال 1000 في مودرن موتورز الحضره بس عاوز اصين ان شاء الله ال 5000 عند احمد مرعي اللي في اول الزراعي . مودرن موتورز مشكلته انه غير منظم وفي منطقه زحمه يعني عربيتك ممكن تفضل ساعه على البوابه . مواعيدهم غير دقيقه . يعني يسلمك بعد الميعاد ب 3 ساعات مثلا مع ان صيانه ال 1000 مفيهاش مشاكل عباره عن تشييك وغيار زيت وفلتر . طلعولي العربيه مش متشيك على السوائل تمام يعني رجعتلهم بعدها قبل مسافر للقاهره لاحظت ان سائل التبريد زايد عن ال maximum . وده مشكلتهم وكان المفروض يقللوه للمستوى المحدد . التساهل مش بيعجبني انا شخص بحب الالتزام مينفعش تبقى توكيل وتنسى . لازم تصين باسرع شكل .. ايه اللي خلاك تفوت صيانة ال 1000 ؟ هيا مهمه عشان بتقلب فيها زيت التليين . لما تغير غير موبيل 1 او مايعادله . يعني زيت تخليقي مش معدني للحفاظ على موتور العربيه الجديد . اتصل بيهم للحجز قبل ماتروح . ربنا معاك
ايوه يافندم جديد بقاله كام شهر . فيه ثلاث توكيلات لصيانة نيسان في اسكندريه دلوقتي .. والثالث على الصحراوي . مش عارف هل حيبقى فيه مشاكل ولا ايه في الصيانه بس اعتقد لا .
اه نسيت لازم يكون معاك كتيب الضمان بتاع العربيه . صيانة الالف مجانيه .
شكرا جزيلا
استفسار اخير : هل عندك معلومات عن صيانة ال 5000 ايه اللى مفروض اتأكد انع اتعمل و الاسعار؟