ارجو المساعدة بخصوص طرمبة البنزين
انا من أقل من شهر غيرت طرمبة البنزين عشان كنت بشتكى من ضعف السحب وتنتيشة على الغيار الاول والثانى وبعد مغيرت البوجيهات وسلوك البوجيهات وفلاتر بنزين وهواء والوضع فضل زى ماهو مكنش فاضل غير الطرمبة غيرتها واول لما غيرتها لقيت العربية فرقت معايا خلاص وخاصة كمان وانا مشغل التكييف كانت العربية بتموت قبل ماغير الطرمبة وبعد ما غيرتها العربية فرقت خالص ...
الوضع دلوقتى معايا ان العربية بعد اقل من شهر من تغيير الطرمبة رجعت زى مكان الغيار الاول والثانى تحس ان مفيش ضخ بنزين خالص يعنى ببقى دايس بنزين الاقى تنتيشة وفين على العربية متجمع وتمشى ولما اشغل التكييف العربية بتموت زى الاول ...
انا مش عارف صراحة اعمل ايه يعنى الطرمبة اللى جبتها طلعت اى كلام واتخميت ولا ايه
دى نوع الطرمبة اللى جبتها
rmx
electric fuel pump
high quality
made in china
ارجو الرد عشان انا والله زهقت وكمان مسافر مطروح ثالث يوم العيد بالعربية ومش عارف اعمل ايه على الوضع ده ....