خلاص انا ههاجر يعنى ههاجر ومش راجعها تانى بجد

**temoooo** · 04-08-2013 07:17 AM

عارف ايه احلي حاجه في الي انت قولته كله انك قدرت تمسك نفسك ومترميش الولاعه وانك استعذت بالله من الشيطان الرجيم
انا عايزك تتخيل و تسرح بخيالك قوي انك رميت فعلا الولاعه و النار مسكت فيه و الراجل ده مات او اتصاب بحروق رهيبه في الحالتين انت هتبقي جاني و هو مجني عليه و ياحل من الاتنين يا تهرب و تعيش عمرك هربان و احتمال تتمسك في الاخر ده لو اهله سابوك في حالك او انك زي الشاطر يتقبض عليك وتتسجن وحياتك و حياه ابوك تدمر
انا اسف علي جو السواد ده بس انا حبيت اقولك ان الشيطان في المواقف دي بيلعب و يضرب ضربته لانها حركه واحده في اقل من الثانيه ممكن تكون عواقبها سنين طويله من العذاب وال كسبان مش انت ولا هو الكسبان الشيطان اللي قدر في لحظه يخسرك كل حاجه فاحمد ربنا ان الموضوع عدي علي الخير و كل انسان فينا بيغضب و ممكن الغضب يخليك تفقد السيطره علي نفسك بس اوعي تضيعها خالص .
وانا بقولك كده علشان واحد صاحبي سنه 20 سنه دخل في خناقه و اصحاب السوء سخنوا الدنيا و ضرب واحد بمطوه مات و هو دلوقتي في السجن و امه قلبها محروق عليه و اهل الراجل اللي مات مخدوش عزاه و ناويين علي الطار .
و االحل مش انت حضرتك تسافر ياما ناس في الغربه عملت جرايم وناس كتير قوي بره بلطجيه
كل مكان في الحلو والوحش و افتكر حديث الرسول صلي الله عليه و سلم
( ليس الشديد بِالصُّرَعَةِ ، إنما الشديد الذي يملك نفسه عند الغضب ) رواه البخاري .

**khaled_1263** · 04-08-2013 07:56 AM

لازم قانون من الاثنين يفرض نفسى إما دولة القانون أما اذا لم يوجد فهو قانون الغاب إنها سونة الحياة من أبام قابيل وهابيل ودى سيمة البشر فى كل مكان حتى فى استرليا وكندا

**أحمد كمال** · 04-08-2013 08:43 AM

انت غلطان و والدك غلطان

المحل بتاع والدك بس الشارع مش بتاعكم و اللي عايز يركن يركن و والدك يركن في مكان تاني لو المكان مشغول

و انت اللي بدات البلطجة و احب اقول لك انك لو كنت في دولة عربية (مش هاقول لك امريكا و لا اوروبا و لا استراليا) كنت هتتنفخ ميري

**dodo2000** · 04-08-2013 10:18 AM

المشاركة الأصلية كتبت بواسطة أحمد كمال

انت غلطان و والدك غلطان

المحل بتاع والدك بس الشارع مش بتاعكم و اللي عايز يركن يركن و والدك يركن في مكان تاني لو المكان مشغول

و انت اللي بدات البلطجة و احب اقول لك انك لو كنت في دولة عربية (مش هاقول لك امريكا و لا اوروبا و لا استراليا) كنت هتتنفخ ميري

انت بتحكم لمجرد سماع الموضوع من برة بس و متعرفش التفاصيل ولا رد الواد كان ايه

**أحمد كمال** · 04-08-2013 10:27 AM

المشاركة الأصلية كتبت بواسطة dodo2000

انت بتحكم لمجرد سماع الموضوع من برة بس و متعرفش التفاصيل ولا رد الواد كان ايه

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

**khaled_sabry** · 04-08-2013 11:24 AM

المشاركة الأصلية كتبت بواسطة amrelsaqqa

انت ما قلتش هو عمل ايه مع والدك بالظبط ، بس انت اللى معاك مطواه وطلعتها الاول وعورته وانت اللى صبيت عليه "بنزيم" وانت اللى خبطته بحجر الرصيف !

يا ترى لما هتهاجر هتخلى المطواه في جيبك برضه

ما تزعلش منى انت غلطان

مع احترامى ليك لكن انتا اللى صعدت الموضوع و خليته بدل مايبقى زعيق ياخد المنحنى الدموى ده
انا عارف انك انفعلت علشان والدك و عندك حق طبعا - لكن انا اللى شايفه انك انتا اللى صعدت الموضوع و التانى كان تقريبا بيدافع عن نفسه
هو يادوب جاب سنجه - لكن انتا غرقته بالبنزين و كنت حتحرقه و انتا اللى جبت خرطوش
على فكره انا كمان بفكر فى الهجره بس بسبب فتح الصدر و التصعيد الغير مبرر اللى انتا و غيرك بتعملوه ده
يأ اخى ده مره كنت داخل فى الشارع بتاعى و كنت برجع بضهرى علشان اوسع لعربيه تطلع و كان فيه واحد و البنت بتاعته بيعدو ورا العربيه بالراحه خالص و مش واخدين بالهم
فانا بقولك امشى بسرعه شويه علشان العربيات اللى متعطله و الشارع اللى واقف - لاقيته جهه و عاوز يقل ادبه يقولى انتا بتتكلم كده ازاى و حزعلك و مش حزعلك و شكله كده كان بيتلكك علشان يعمل منظر قدام صاحبته - و انا معايا سلاح فى تابلوه العربيه و كان ممكن اكبر الموضوع بس قولت الحكايه مش مستاهله خناقه اصلا

المشاركة الأصلية كتبت بواسطة أحمد كمال

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

انا على فكره ما اهتمتشى بسبب الخناقه قد اهتمامى بتطور الخناقه - احنا فعلا مانعرفشى هو راكن ازاى الموتوسيكل و راكن فين و عرض الرصيف نفسه علشان نقدر نحكم
ده غير ان الموتوسيكل ممكن يتركن على الرصيف و تبقى ريحت الدنيا كلها
فيه واحد جارى بيحب دايما يركن بحيث يبقى واخد مكان عربيتين - و مره لاقيته زاقق عربيتي لورا لدرجة انه قفل مدخل البيت عندى علشان يعمل نفس الحركه و يسيب قدام عربيته 2 متر و وورا 2 متر تانين لو طبقنا قاعدة الشارع ملكيه عامه يبقى عنده حق فيها !!!

**SaSa.FireBlade** · 04-08-2013 05:09 PM

المشاركة الأصلية كتبت بواسطة amrelsaqqa

انت ما قلتش هو عمل ايه مع والدك بالظبط ، بس انت اللى معاك مطواه وطلعتها الاول وعورته وانت اللى صبيت عليه "بنزيم" وانت اللى خبطته بحجر الرصيف !

يا ترى لما هتهاجر هتخلى المطواه في جيبك برضه

ما تزعلش منى انت غلطان

اولا المطوة دى بخليها سعات معايا كدة عشان لو اتثبت او حاجة زى كدة وسعات بيبقا معايا اليكتريك بس انتا لو مكانى هتسمى علية ؟؟؟

**SaSa.FireBlade** · 04-08-2013 05:59 PM

المشاركة الأصلية كتبت بواسطة أحمد كمال

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

طب تعالا نقلها كدة واحد راكن موتوسيكل بمكان عربية ونص ابويا بيقولو شيل الموتوسيكل قدام شوية قالو لاء قالو لاء ازاى يبنى انا عايز اركن العربية قدام محلى بجح وقل ادبو انتا لو مكانى هتعمل اية ؟؟؟؟؟