احنا وصلنا للدرجه دى خلاص
الله يرحمك يا مصر
مصر لم يعد بها مجال للناس المحترمين
عرض للطباعة
احنا وصلنا للدرجه دى خلاص
الله يرحمك يا مصر
مصر لم يعد بها مجال للناس المحترمين
الله ينور عليك ده الى انا عايز اقوله مينفعش اطبق قانون دول متقدمه على الغابه الى بقينا عايشين فيها
احنا بقينا دوله خلاص مبتشتتغلش بجنيه كل يوم اعتصامات ومظاهرات وسياسه والناس بتموت من الجوع ومحدش حاسس
انا شايف تصرفه صح لان ديه العقليات الى فى بلدنا وهو نفس الشخص لو خرج بره اى دوله هيلتزم بالرول كويس اوى زى مالبلد ماشيه
البلد والقانون بتحدد طريقه التعامل للشعوب بينها وبين بعض
يعني ضربته بمطواه
وكنت حتولع فيه
وضربت عليه 18 طلقه
فكرتني باعلان اضرب كمان وكمان بتاع موينيل بس بجد مش تمثيل
كان فاضل تشنقه
وتقطع الجثه في نص الشارع
وتطلع قلبه تاكله
ربنا يهديك
حسبى الله ونعم الوكيل يعنى انتوا تضغطوا علية عيزنى اقول عمل اية معا ابويا طيب ماشى زق ابويا وقعوة وشتموة وكسرلنا ازاز العربية القدمانى وشد ابويا من قميصة ها يرضيكوا كدة وانا بقول انا اول مرة اعمل كدةف ى حياتى لانى لما الراجل قالى كدة حسيت ان الدنيا اسودت فى وشى يعنى كنت اعرف بكل الى اتعمل فى ابويا دة واقعد اقول المسامح كريم ها متردو يا ناس هل كدة انا غلطان !!!!!!!!!!! ولا كنت اعمل محضر فى القسم وفى الاخر يقولولنا اتصالحوا واعيش بعديها كل من هب ودب يهين فيا انا وابويا حسبى الله ونعم الوكيل حسبى الله وعننم الوكيل حسبى الله ونعم الوكيل انا اتهنت كتيييييييييييييييير اوى فى البلد دى وعمرى ما خت حق طب اعمل اية قولولى اعمل اية حرامممممم انا هطق بمعنى الكلمة دة واحد بلطجى وبعدين ونا لو حتى غلطان وبقولق شيل عربيتك منا هنا ونا اكبر من ابوك تعتدى عليا وتشتمنى وتبهدلنى يا ريت الى كانو بيردوا وبيتهمونى بلغلط فوق يردوا عليا دلوقتى
ماشى مادام اعتدى على والدك طبيعي انك ترد الاعتداء بدون التفكير فى مين اللى غلطان و مين لاء
و انا شخصيا كنت حعمل كده على فكره
لكن ماكنتش حفتح مطوه - كنت حضربه بأيدي لكن مش حفتح مطوه و لا ادلق عليه بنزين و لا جو ابراهيم الابيض ده
انا كذا مره اتعرض لمشاده او خناقه و الدم يغلى فى عروقى و رغم عن كده عمرى ما طلعت المسدس اللى فى تابلوه العربيه اللى ممكن يخلص الموضوع كله فى دقيقه
الاعتراض على انك ضد البلطجة بس بتستخدم نفس اساليبها في الدفاع عن نفسك ، و ده مش صح ، والا يبقى انت كدة خلاص بقيت اولريدى واحد منهم
كل واحد بيبرر لنفسه الغلط ، انت بررت حملك للمطواه ، وهو اي بلطجي في الدنيا لو سألته انت شايل مطواه ليه ، ما هيقول نفس السبب اللى انت قلته
هل انا كإنسان متعلم متحضر مهما حصل ده يخلينى اشيل مطواه في جيبى ، ده السؤال ..
وبالنسبة لموضوع لو انا مكانك ، ساعتها كنت هعدمه العافية عشان تعدى على والدي ، بس بدون اي سلاح
بص يا مصطفي ......
بسم الله الرحمن الرحيم " والكاظمين الغيظ والعافين عن الناس أولئك لهم مغفرة وأجر عظيم " صدق الله العظيم
قال رسول الله صلي الله عليه و سلم " ليس الشديد بالصرعه انما الشديد الذي يملك نفسه عند الغضب " صدق رسول الله صلي الله عليه و سلم .... كلمه الصرعه هنا المقصود بيها التصارع .يعني الخناق و الضرب .
1- هيه دي تعاليم ديننا
2- الأيه الكريمه و الحديث الشريف بذكرك بيهم و بذكر نفسي و بذكر كل الناس اللي بتقرأ الموضوع .
3- لو كل الشباب و الناس عملت زيك كده يبقي البلد كلها حتولع .
4- غلط في كل الاحوال انك تشيل مطواه ... عالاقل عشان لو اتفتشت في لجنه مباحث حتلبس قضيه حيازه سلااح ابيض ... و انت عارف االظروف اللي بتمر بيها البلاد .
5- في ظل المطواه و جركن البنزين و الولاعه ... كان ممكن ترتكب جريمه قتل .. و مش حتقتل فرد واحد ... لا دا انت ممكن تولع في كذا واحد و كذا حد ... تخيل الولد ده ولعت فيه و جري في الشارع .... متخيل المنظر ؟؟؟؟
6- مش كل واحد كلمنا بطريقه وحشه يبقي نموته .
7- اي واحد صاحب موتوسيكل بصفه عامه في مصر بيبقي حاسس انه اقل من اللي راكب عربيه .. و بيحسس نفسه انه راكب عربيه لامبورجيني ... و بيحاول ياخد حق الموتوسيكل بتاعه في الركنه زيه زي العربيه ... ف انا رأيي لازم نتعامل معاه بشيء من اللطف ... و لامانع من الابتسامه في وجهه عند طلب انه يبعد الموتوسيكل شويه . و ده من باب " تبسمك في وجه اخيك صدقه " .
8- لكن انت والدك اكيد كلمه بصوره ضايقت الولد و خلته يعند من باب ان الشارع ملكيه عامه و من حقه يركن في اي مكان .
9- لا اعيب في والدك لا سمح الله و لا افترض انه بيكلمه بطريقه سيئه و لكن انا بحاول اتخيل الحوار و اصورلك ان كل شيء ممكن يتحل بشيء من اللطف و الابتسامه و التسامح .
10- سيدنا محمد عليه الصلاه و السلام كان بيتعامل مع عرب من الجاهليه و كفار و يهود و كان بيتأذي منهم ... ارجو ان احنا كلنا نقتدي بأخلاق سيدنا محمد عليه الصلاه و السلام في اقوالنا و افعالنا ... و الا ستصبح مصر غابه .
11- لازم كلنا نبقي سفراء لديننا .... بالتعامل الصالح و كل واحد ينشر الاخلاق من خلال معاملاته مع الناس ... و الحل مش ان الناس تهاجر و تسافر و تسيب البلد .
نفس الموقف حصل معايا امام منزلي و الموتوسيكل كان واقف بطريقه تغيظ بصراحه ... و انا ندهت الاخ صاحب الموتوسيكل بكل استعلاء ...و قولتله ايه اللي انت عامله ده ياعم ... ماتركن موتوسيكلك بين عربيتين ....لازم تعرضها و تاخد مكان عربيه ؟؟؟...... الراجل بصلي بصه و كأنه عاوز يولع فيا .....و شال الموتوسيكل و مفتحش بقه .... اانا حسيت اني جيت عليه نفسيا .... ركنتت و نزلت من عربيتي و شكرته و انا بضحك ... قاللي احنا بنزعل ( و خد بالك من كلمه احنا دي ...يقصد بيها مالكي الموتوسيكلات ) ...قاللي احنا بنزعل لان كل واحد صاحب عربيه بيبهدل فينا ... و شيل الموتوسيكل و زق الموتوسيكل .... طبطبت علي كتفه و قولتله حقك عليا لو ضايقتك و انا بشكرك ... قاللي انت تؤمر .
انا لومت نفسي و اكتشفت لما قعدت مع نفسي كل اللي كتبتهولك في النقاط من 1 الي 10 .
وعشان كدة بالظبط بنقول ان كويس ان السلاح ميبقاش متناول عادي في ايد اي حد. لان بسهولة بيطلع وبسهولة بيستخدم.
هان والدك ... ليك حق تعمل فيه اللي عايزه بايدك.
انما مطوة وبنزين و18 طلقة.
ده بلطجة حضرتك.
يا باشا المشكله انك كنت خايف ومرعوب
وسامحني زمان كانو بيقولولنا متخافش من ضربه الصايع وخاف من ضربه الغشيم
خوفك خلاك تعمل كل حاجه تخليك تردع الشخص ده
مع انه مش مستاهل كل ده
انا مش حجيبلك الموضوع من اوله وابعاده وانكم اصلا جيران
ومش حقولك تداعيات الموضوع لو مكانش خلص كانت حتبقي ايه
علشان مكانتش حتبقي سهله نهائي
من كام يوم حصلي موقف مع شويه بلطجيه تحت البيت
وكنت اقدر اضربهم بالنار او اعمل تليفون اجيبلهم اللي يدبحهم تحت البيت
بس وبعدين ؟؟؟
نفكر لقدام شويه ونشوف تداعيات الموضوع حتكون ايه
واحنا مش فاضيين للحاجات دي
عندك حياتك وشغلك وبرستيجك ووضعك الاجتماعي