+1
ده فعلا تلاعب بالالفاظ, و بالعميل كمان
يا استاذ ابو عبد الله انا معاك ان هو اسلوب تسويقي بس هو اسلوب تسويقي فاشل و بيعتمد علي الخداع و التضليل يعني ايه موتور قوته 125 حصان و بيقولوا 142 حصان ليه يعني هي الحصنه الزيادة دي ايه بالزوفه كده بيوزعوها ده اسلوب تضليل و خداع للمستهلك و طبعا لان اغلب المصريين مش مطلعين علي مواقع الانترنت الخاصة بالسيارات و مخمومين في شركة كبيرة اسمها تويوتا و هي شركة كبيرة فعلا مقولتش حاجة بس توكيل مخادع و اسلوبه التسويقي اسلوب بيعتمد علي الغش و خلاص عمال يقول 1400 سي سي 110 حصان ليه يا عم 110 حصان ما هي باقي العربية في نفس الحدود و طلعت تسعينات باين و ال 1600 142 حصان ليه يا عم 142 حصان راكب 1800 مثلا و طلعت 125 حصان
حضرتك بتقول ان العربية حاجة و الموتور حاجة ممكن افهم بس يعني ايه لعربية حاجة والموتور حاجة لو هنتكلم علي القدرة الحصانية يبقي هنتكلم علي القدرة الحصانية للمحرك اللي هي 125 حصان فقط لا غير و هما بيخموا الناس و بيقولوا 142 حصان!!
و كمان معلش حضرتك بتقول هم بيقولوا ان الموتور لوحده و هو برا العربية بيطلع 140 ولا 142 حصان س سؤال دلوقتي توكيل تويوتا بيبيع عربية ولا بيبيع موتور افهم بقي دلوقتي هو بيبيع عربية كاملة يبقي يقول الموتور بعد ما ركب في العربية و الفاقد وصل 125 حصان مش برا زي جوا 142 اكن المكنة لم تتأثر بأي حاجة و لم تخسر اي من قوتها بعد ما الموتور ركب!!
يا أخواني هو ليه الواحد لما يوضح حاجه
تروحوا تردوا اكنه بيدافع عنها
أنا مردتشي اشتغل في التسويق علشان كده
اللي درس تشويق هيعرف ان التسويق بيعتمد على كده اعتماد كلي
لأنيه لو عاوز يسوق حاجه اكيد هيخبي الوحش ويظهرلك الحلو
حتى لو انه مش واضح
ده أولا
ثانيا الاعلان واضح وانا والله فهمته لوحدي
الاعلان عبارة عن صورة الماتور منزوع من السيارة وبيانات له
كون بقه ان انت ربطت الماتور بالعربيه فدي حاجه تانيه
ولكن الأعلان حاطط صورة للماتور لوحده وبيقول المحرك بيطلع كذا حصان
ولم يقل العربيه بتطلع كذا حصان
احنا بس اللي ساعات بتوه مننا حاجات كده
وده ليس دفاع والله ولكن ده علشان احنا نفهم الكلام والنظام ماشي ازاي
واللي عاوز يتلاعب بالألفاظ او اي حاجه يبقى احنا عارفين
هو ده اللي انا اقصده
ولا المفروض اعمل ايه يعني مش عارف بجد
هو الواحد غلط انه وضح
يا باشا مش بتدافع ولا حاجة احنا عارفين انك ملكش مصلحة ولا حاجة احنا بنوضح حاجة بس
يعني مثلا انت دلوقتي رايح لتوكيل تويوتا عشان تشتري عربية بناء علي الاعلان اللي حضرتك شفته هو في الاعلان بيعلن عن موتور و لنفترض ده يعني انت لما بتروح بتشتري موتور ولا عربية ؟؟
بتشتري عربية طبعا يبقي من الامانة و النزاهة و لو ده توكيل صح هيقول قوة العربية الحقيقة مش قوة الموتور حسب كلام حضرتك او حسب الاعلان صح ولا لا ؟؟؟!!
معلش في حاجة عايز اعلق عليها يعني ايه انت ربطت صورة الموتور بالعربية ما هي مربوطة من غير كلام ببعض يعني هو الموتور ده نازل في امبريزا مثلا ولا نازل في الكورولا !!!!!توكيل تويوتا بيعمل اعلان هيكون بيعمل لايه بيعمل لعربيته طبعا طب هو حاطط صورة الموتور حاطه ليه يعني اكيد عشان ده موتور العربية اللي هو بيبيعها ولا ايه؟؟!!
يا اخ محمد أولا رمضان كريماقتباس:
معلش في حاجة عايز اعلق عليها يعني ايه انت ربطت صورة الموتور بالعربية ما هي مربوطة من غير كلام ببعض يعني هو الموتور ده نازل في امبريزا مثلا ولا نازل في الكورولا !!!!!توكيل تويوتا بيعمل اعلان هيكون بيعمل لايه بيعمل لعربيته طبعا طب هو حاطط صورة الموتور حاطه ليه يعني اكيد عشان ده موتور العربية اللي هو بيبيعها ولا ايه؟؟!!
ثانيا يا اخي الاعلان كان عبارة عن صورة كبيره للسيارة وتوضيح لها
ثم اجزاء صغيرة عبارة عن خانات كل خانه امامها صورة وتوضيح للي في الصورة
واكن من ضمنهم صورة للماتور وشرح جانبي بيوضح امكانيات الماتور
ولو كان الكلام عن العربيه ككل كان الأولى بالصورة انها تكون للعربيه
هوا ده اللي انا فهمته من الاعلان بصراحه
وملقتشي حاجه تانيه افهمها
لأن كل شرح بجوارة صورة او بالعكس كل صورة لها شرح وبيتكلم عن اللي في الصورة
مشكلة الماتور الوحيده انه لما بتتكلم عن امكانياته هو
بتتغير لما تتكلم عن العربيه اللي موجود بداخلها
رمضان كريم عليك يا ابو عبد الله و يعود عليك الايام بخير:)
بص يا باشا واضح ان وجهات النظر مختلفة لكن اللي انا اعرفه ان اللي بيعلن عن موتور عربيته يبقي بيعلن عن عربيته كلها و لازم يقول الحقيقة و يروج لسلعته بدون هتش و نتش علي المستهلك و 142 و 125 لا العربية دلوقتب واقفة في المعرض اقول امكانياتها حاليا مش قبل الموتور ما يركب وبعد كده العربية يبقي في فاقد اقول قبل الفاقد لا كده غش رسمي و خداع للمستهلكين ده رأيي العربية يتقال كل بياناتها بوضعها الحالي مش موتور لوحده و عربية لوحدها و الاعلان للموتور بس و العربية بس لا العربية خلاص نزلت و موجودة حاليا و امكانياتها 1 2 3 انما الكلام اللي بتعمله تويوتا ده و كذلك ماجد الفطيم بتاع هوندا كله خداع للمستهلكين
يا جماعة الموتور بالعربية او من غيرها قدرته واحدة
و شوف على الwikipedia مكتوب الموتور ده 124HP
The Toyota 1ZR-FE is a DOHC, 16 valve, 1.6L (1598cc) engine equipped with Dual VVT-i. This engine is available with either manual gearbox or a "multi-mode" transmission. Output for this engine is rated at 124 hp (92 kW) at 6000 rpm and 116 lb·ft (157 N·m) of torque at 5200 rpm gross
,و برضه محدش رد عليا !!!!!!!!!!!!!!!!!!!! :sorry:
هو مش المفروض شركة تويوتا تبقا مراقبة كل ده و يا ترى لو حد بعتلهم ايميل بده ردهم هيكون ايه ؟؟
فى الاخر هيقولو غلطة مطبعية الاتنين و الاربعه اتعكسوا :smile::punk:
كل سنة وانت طيب يا ابو عبدالله ورمضان كريم ,,,,
بالنسبة لموضوع التسويق ... من ضمن اللى درسته فى الكلية واللى بدرسه دلوقتى فى الماجستير
في مبدأ تسويقى هام جدا جدا وهو
" العميل الراضى يجذب 3 عملاء جدد ، والعميل الغير راضى يطرد 10 عملاء حاليين "
يعنى الشركه لو شايفه ان كده تبقى شطارة وفهلوه بالعب باالفاظ يبقى عدم ذكام منها
يعنى انا لو اشتريت العربية على اساس انها 142 حصان واكتشفت عكس الكلام ده بعد كده يبقى انا تعرضت لخداع من الشركه وحطبق المبدأ اللى ذكرته سابقا
هههههههه عجبتني قوي
قصد ايه بس يا شاهبور .........هو أنا رايح اشتري ماتور مشفي و اخده على كتفي !!!
ماهو كده يا يا أبو عبدالله ما عادش تسويق ...فاكر طبعا قصة الثوب المعيب
أنا مش هاقول انك بتدافع ماختلفناشاقتباس:
ثانيا الاعلان واضح وانا والله فهمته لوحدي
...............
كون بقه ان انت ربطت الماتور بالعربيه فدي حاجه تانيه
ولكن الأعلان حاطط صورة للماتور لوحده وبيقول المحرك بيطلع كذا حصان
ولم يقل العربيه بتطلع كذا حصان
احنا بس اللي ساعات بتوه مننا حاجات كده
وده ليس دفاع والله ولكن ده علشان احنا نفهم الكلام والنظام ماشي ازاي
واللي عاوز يتلاعب بالألفاظ او اي حاجه يبقى احنا عارفين
هو ده اللي انا اقصده
ولا المفروض اعمل ايه يعني مش عارف بجد
هو الواحد غلط انه وضح
بس الأعمال بالنيات يعني
أنا بعمل اعلان علشان أبيع عربية ولا موتور حاف ؟؟؟؟؟
و عارف اني باخاطب ناس من العوام و لا ناشر الإعلان في كلية الهندسة ؟؟؟
يا محمد الموضوع مش محتاج تبرير ليهم
بيخدعوا الناس و بيلفقوا المعلومات و بيدسوا السم في العسل و بيخلطوا الأوراق
يعني ينفع تقوللي أنت بتجري بسرعة أقولك طيارة بس جربني و بعدين أقوللك طيارة بس لما كنت خاسس 20 كيلو
و أبررلك ان دي سرعتي أنا من غير شحمي ولحمي !!!!!!!!!!!!!!!
وهوا الموتور ايه برا العربية ان شا الله يطلع مليون قرد