استفسار عن اسعار قطع غيار لوجان اوتوماتيك الجديدة

السلام عليكم
لو سمحتو يا رجالة
اخويا معاة لادا 2009 وناوي يبيعها وكان بيفكر يجيب حاجة انعم واعلي شوية
وفكر في اللوجان الاوتوماتيك على اساس الفلوس اللي معاه
انا سألت ولقيتها بحوالي 95 الف حاليا استلام فوري

بس هو كان خايف من اسعار قطع الغيار لان الفرنساوي كله حراق اوي اغلي من الالماني حتى
زي بيجو وستروين كدة

وطبعا قطع غيار اللادا ببلاش وبتلاقيها في السوبر ماركت لو عاوز
فكان عاوز يعرف هل اسعار اللوجان غالية زي باقي الفرنساوي ولا قليلة بأعتبار انها فئة رخيصة شوية في تمنها؟؟؟
وياريت اللي يجاوبني يقولي سعر تقريبي مثلا لقطع الغيار العامة بتاعتها
الكبالن الفلاتر السيور والفوانيس والتيلات الحاجات الدورية دي
وشكرا مقدما عالنصيحة

متابع باهتمام شديد وياريت اهل الخبره والتجربه يرد علينا لانى ناوى اغير من لادا انا كمان لوجان اتوماتيك
وكل عام وانتم بخير
اخوكم / حسن ابودنيا
طنطا

باشا انت لما فكرة في اللوجان حضرتك فكرة في فئة تانية خالص غير اللادا
وكمان الاوتو ؟؟ معناه ان حضرتك بتفكر تعلى الى طريقة تانية


ربنا يخلي لنا اللادا وال 128 (حبيبتي القديمة) لان مفيش مصري مبدأش حياته بيهم
بس طالما قررت تعلى يبقى متقارنش الاعلى بالارخص

يعني متجيش للغماز بتاع ال 128 اللي كنت بشتريه ب 3 جنيه او سلك الدبرياج ابو 15 جنيه اللي لازم يكون في شنطة العربية وتيل الفرامل ب 45 جنيه وتسال اللوجان ارخص منهم ولا اغلى ؟؟

لأن سلك الدبرياج كان بيتقطع كل شوية وتقف العربية في نص الشارع والغماز ياما وقع مني و(دلدل) والعربية ماشية وتيل الفرامل كان بيهدي العربية انما مش بيوقفها :) :)

وطبعا نحط عليهم بيض العجل اللي مشكلته معروفة في اللادا والسخونية اللي بتعلى والامان اللي هو صفر ساعة الاصطدام لا قدر الله

حضرتك طالع لفئة اوربي
عربية محترمة انا عامل عليه 107 الف كيلو في 4 سنين
صيانة زي الفل وتكييف زي الفل وكمان الاوتو راحة لا يعلى عليها
ايوه الصيانات غالية بس باذن الله تقدر عليها لأنك طالب مستوى اعلى
وراحة اعلى
وامان اعلى
وكفاءة اعلى

استاذ احمد شكرا على الرد الجميل وانا طبعا مقدر الكلام الجميل ولكن سئوالى مش اقدر على قطع الغيار ولا لا انا عارف انى طالع للاعلى من غلبى من الصنايعية وبقوا بيطلبوا مصنعية اكتر من التوكيل مقارنة بالتوكيل غير انهم معظمهم بيشخص غلط وغير قطع الغيار المضروبه فى السوق احنا عاوزين نعرف اذا كانت قطع الغيار متواجده فى التوكيل ولا مش متواجده معظمعا زى مثلا الكبالن وخلافه .
وكمان سمعنا ان الباور تقيل شويه يعنى ايه تقيل انا سوكت الدايو الهونداى اكسيل 2007 والدايو 2008 هل بنفس النعوميه ولا اخف من اللادا بحجات بسيطه لانى انا بعيد عن كل المسلمين عندى غضروف فى الفقرة الرابعة والخامسة والسادسة والسابعة ( فقرات عنقيه ) يعنى مش عاوز احس انى بحارب بالدريكسيون .
هذا هو قصدنا انا و الزميل احمد رشدى .
بالعربى كده قطع الغيار متوفره فى التوكيل ومعمره ولا فوت علينا بكره وكمان معدل استهلاكها فى البنزين داخل وخارج البلد
وشكرا ومعذرا على الاطالة

لمدة 4 سنوات و 10 صيانات و107 الف كيلو
كل ما احتاجته العربية هو:

قاعدة موتور علوية 600 جنيه
شداد موتور سفلي 400 جنيه
طنابير 600 او 800 جنيه

بس

انما كل الصيانات الدورية اسعار قطع الغيار عادية
4 بوجيهات 130 جنيه بتتغير كل 20 الف
فلتر الهوا 70 جنيه بيتغير كل 20 الف
فلتر الزيت 60 جنيه تقريبا بيتغير كل 10 الاف

صيانة كل 10 حوالي 500 جنيه بالزيت
صيانة كل 20 حوالي 800 بالزيت
صيانة ال 60 هي 2200 جنيه (اغلى صيانة)

بالنسبة للغضروف الف سلامة عليك بس هو حضرتك مش كنت بتسوق لادا ؟؟؟

يبقى اللوجان حتسوقها بطرف صباعك

الباور بيتقال اتقل من الالنترا (لانه باور كهربا زي الميا) او اللانسر مثلا انما مقارنة بالفئة الاقل اخف طبعا ومريح

اقتباس:

---

المشاركة الأصلية كتبت بواسطة Ahmed A Rahman

باشا انت لما فكرة في اللوجان حضرتك فكرة في فئة تانية خالص غير اللادا
وكمان الاوتو ؟؟ معناه ان حضرتك بتفكر تعلى الى طريقة تانية


ربنا يخلي لنا اللادا وال 128 (حبيبتي القديمة) لان مفيش مصري مبدأش حياته بيهم
بس طالما قررت تعلى يبقى متقارنش الاعلى بالارخص

يعني متجيش للغماز بتاع ال 128 اللي كنت بشتريه ب 3 جنيه او سلك الدبرياج ابو 15 جنيه اللي لازم يكون في شنطة العربية وتيل الفرامل ب 45 جنيه وتسال اللوجان ارخص منهم ولا اغلى ؟؟

لأن سلك الدبرياج كان بيتقطع كل شوية وتقف العربية في نص الشارع والغماز ياما وقع مني و(دلدل) والعربية ماشية وتيل الفرامل كان بيهدي العربية انما مش بيوقفها :) :)

وطبعا نحط عليهم بيض العجل اللي مشكلته معروفة في اللادا والسخونية اللي بتعلى والامان اللي هو صفر ساعة الاصطدام لا قدر الله

حضرتك طالع لفئة اوربي
عربية محترمة انا عامل عليه 107 الف كيلو في 4 سنين
صيانة زي الفل وتكييف زي الفل وكمان الاوتو راحة لا يعلى عليها
ايوه الصيانات غالية بس باذن الله تقدر عليها لأنك طالب مستوى اعلى
وراحة اعلى
وامان اعلى
وكفاءة اعلى

---

فاهم كلامك والله يا استاذ احمد والف شكر طبعا على ردك
بس مش قصدي بالظبط اللي وصلك
انا اقصد ان مثلا الكوبلن عندي في الاوكتافيا الفردة الواحدة بتعمل 600 جنية، في التوكيل 3200 + المصنعية، والكلام دة في عربية تشيكي الماني، فما بالك بعربية اوروبي فرنساوي اللي قطع غيارها اغلي بمراحل، انا لسة سائل على سكاترا بتاعت الدركسيون في البيجو قالي ب6000 جينة؟؟؟ (عندي في الاوكتافيا ب2500)
فلاسعار دي كدة نقول عليها قطع غيار حراقة
فكان سؤالي
هل اللوجان قطع غيارها زيها زي البيجو واعلي فعلا من الالماني
يعني يوم لما احب اجبلها جوز كبالن هدفع فيهم فعلا 1200 جنية؟؟
ولا لما احب اغير فلتر بنزين هدفع 150 ولا 200 جنية في حته فلتر لا راح ولا جة
اللادا طبعا قطع غيارها ببلاش لكن اخويا مش عاوز يطلع من حفرة يوقع نفسه في دحديرة

اما بالنسبة لقطع الغيار اللي لقيتها في الموقع هنا في موضوع مثبت في القسم فلقيتها مناسبة جدا واسعارها ممتازة بالنسبة لانها عربية اوروبي
http://www.nilemotors.net/Nile/226954-20-1-2013-a.html

بعض الاسعار خارج التوكيل :

اكرة باب خلفي يمين خارجي 50ج

2 قطعة بلستيك جنب بتاع البابين يمين ب100ج

مرايا عاده 160 جنيه

مرايا كهرباء 200 جنيه

طقم طاسات 175 جنيه

علامة الرينو الأصلية الأمامية عنده ب 45 جنيه

تيل فرامل أمامي تركي 90 جنيه

فلتر هواء 60 جنية

فلتر بنزين 40 جنيه

فلتر زيت 20

فوانيس الشبورة الواحد ب 100 جنيه.

اكصدام امامى 750 جنيه

بوجيهات 60 جنيه تركى

بوجيهات 70 جنيه فرنساوى

طقم تيل فرامل 125 جنيه

2 مساعد امامى 850 جنيه

بطاحات 200 جنيه

رفرف امامى 375 جنيه

فانوس امامى 475 جنيه

فانوس خلفى 200 جنيه

فردة كاوتش كومهو 425 جنيه

فردة كاوتش ميشلان 450 جنيه

بطاريه 55 امبير من 350 الى 500 جنيه تقريبا على حسب الانواع



تيل فرامل أمامي تركي 90 جنيه في الاوكتافيا ب240

فلتر هواء 60 جنية في الاوكتافيا ب120

فلتر بنزين 40 جنيه في الاوكتافيا ب160

فلتر زيت 20 نفس التمن تقريبا

فدة اللي انا بتكلم عنه، وكان سؤالي هي اسعارها حراقة اوي زي الالماني والفرنساوي ولا كويسة زي باقي الموديلات في نفس الفئة السعرية
لاني عارف بطبيعة الحال ان اسعار قطع غيارها استحالة تتقارن بلادا او 28

ومنتظرين رد باقي الاخواة لو في معلومات عندهم

الله ينور عليك يا استاذ احمد رشدى : هو ده الكلام هل الاسعار مثل اسعار باقى الموديلات الموجوده فى السوق مثل الافيو او الابترا او الفيرنا مثلا او الدايو هكذا يعنى هل هى موجوده بره ولا لازم فى التوكيل وهل هى غاليه لانها معمره وغاليه بنسبة كام بالمئة مقارنة بالفئة القريبه منها
شكرا لكل من ساهم فى الرد

[QUOTE=lada2105;3875120410]استاذ احمد شكرا على الرد الجميل وانا طبعا مقدر الكلام الجميل ولكن سئوالى مش اقدر على قطع الغيار ولا لا انا عارف انى طالع للاعلى من غلبى من الصنايعية وبقوا بيطلبوا مصنعية اكتر من التوكيل مقارنة بالتوكيل غير انهم معظمهم بيشخص غلط وغير قطع الغيار المضروبه فى السوق احنا عاوزين نعرف اذا كانت قطع الغيار متواجده فى التوكيل ولا مش متواجده معظمعا زى مثلا الكبالن وخلافه .
وكمان سمعنا ان الباور تقيل شويه يعنى ايه تقيل انا سوكت الدايو الهونداى اكسيل 2007 والدايو 2008 هل بنفس النعوميه ولا اخف من اللادا بحجات بسيطه لانى انا بعيد عن كل المسلمين عندى غضروف فى الفقرة الرابعة والخامسة والسادسة والسابعة ( فقرات عنقيه ) يعنى مش عاوز احس انى بحارب بالدريكسيون .
هذا هو قصدنا انا و الزميل احمد رشدى .
بالعربى كده قطع الغيار متوفره فى التوكيل ومعمره ولا فوت علينا بكره وكمان معدل استهلاكها فى البنزين داخل وخارج البلد
وشكرا ومعذرا على الاطالة[/QU


كرسى اللوجان زباله مش مريح والباور تقيل عشان الامانه